82.—HE TANGI. "WHAKARONGO E TE RAU!"

Toa Takitini, Issue 88, 1 December 1928, Page 58 (Supplement)

82.—HE TANGI. "WHAKARONGO E TE RAU!"

Na ?. He waiata tenei kua hau ki nga wahi katoa ote motu. Ko tona kaupapa mai e kimihia atu nei. Ko te mita ote reo no runga i nga waka ote Tai-hauauru, no Tainui te ahua. Kite korero a Te Take Te Tomo raua ko Te Nguha Huirama ko tera whare ko Tataurangi, e korerotia nei i te whiti tuatahi o te waiata

nei, itu ki Kaiwha, kei te taha rawhiti o Titiraupenga. Ko Motukiore he wahi kei Hurakia i te taha hauauru o Taupo; a, he Motukiore ano kei Kawhia. Otira kei te iwi nana te waiata nei nga tino whakamarama. Kaore te waiata nei i roto i “ Nga Moteatea,” i era atu ranei o nga pukapuka a whakahuahuatia nei i roto i nga whakamarama o nga waiata i taia nei ki te Tapiri. Kotahi rawa ko ta Te Pihopa Wiremu (Mita Renata) i pupuri i tana waiata (W.L.W. 70). Ko te kaupapa ka taia nei ki raro nei na Te Taite Te Tomo i whakaatu. (Ref. W.L.W. 70.) Tenei ka noho r te kopa whare i Tatau-rangi 1 , He marama ka roku i te pae; He tahuritanga, he tautanga no te ngakau Kia noho au ma reira, e raro he nei. Whakataritari, man pu nei, man patn nei. Man tao nei, e ngana ra koe Nga whatukuhu o taku manawa Piri kite poho, te hoha koe I nga rangi ra o taku ohinga, e kui ma e! I kawea ’hau Aotearoa Me he tautika, me he aronui, Kia kite mai koutou i oku he nei. Ka waiho an i te ngutu hei hikihiki Ki te taha rau tau, epa ma, ko to te huna hoki. Tirohia mai au he ika tuaki Paenga toroa, he koroirangi; He huka moana, paringa-a-tai akahu 3 kite whanga Ki Motukiore 4 , ko te rite i ahau E whakamonehu, waiho te raru i ahau i! Whakarongo, e te rau! Tenei te tupuna o te mate Ka piri ki ahau; I tupu i te reinga, I tupu mai ano i te pouritanga. Ko Rongotaharangi 5 He uri 6 i paroa. Ka hinga au ka takoto, Moe tuturi, moe pepeke, Moe tupoupou. Ko te rite i ahau Ko Mahutonga 7 eran 8 na i te ao. He macro au nei, He kahu ka ke i te warn; Kei te matuku e hu ana i te repo, i! 3 Tataurangi.—He whare i Kaiwha, i te taha rawhiti o Titiraupenga. 2 Koroirangi. He tukauati, he awhiowhio. 3 Akahu ki te whanga. —E akahukahu atu ana kite whanga, he tai tipi. ‘Motukiore. He Motukiore kei Kawhia; he Motukiore ano kei Hura kia i te taha hauauru o Taupo.

s ßongotaharangi. —He atua. 6 He uri i paroa.—Ki etahi ki te waiata “ e huri i Paroa.” He uri » pa ki nga iwi maha. 'Mahutonga.—E kiia nei ko te Southern Cross, he ropu whetu. 8 E rau na. —Kei te pohehetia he kupu pakeha, ka peneitia “ E rauna i te ao.”