7.—HE WAIATA WHAKAUTU TAUNU
( Ngati-Kahungunu). I tuhia tenei waiata ki konei, hei titiro ma te iwi, ma ratau e whakaatu mai, ko wai nana i tito, i titoa mo wai. Ko te korero a Knku Karaitiana kite tikanga o tenei waiata, tera he tamaiti wahine i whakatangohia kite tane. Katahi ka taunutia mai ete tangata kite kuare, kite taurekareka. Na ka titoa nei ete tipuna ote wahine rate waiata nei. Ma koutou e whakatikatika mai. Ko Ngati-Kahungunu, puta noa ona rohe, e rangona ana, e tino waiata ana i tenei waiata, he waiata reka hoki. [Ko tenei waiata na tera Te Urihe i moea ra e Tiakitai kaumatua, no nga ra e hikareia ana te hakui nei. P. H. Tomoana.] Etoe te ra, to atu kite rua: Ka haramai roimata, ka maringi me he wai, Tenei au te tatari, taua te haere; Kia toremutu 1 au te wa moana nei. U noa Paikea 2 te hiwi ki Mamairoa. 3 No Ngaoho au, no Nga-oho-matakamokamo: 4 He pahi rawa ’hau nou e Maniapoto. s Ehara koe i te tane, he mokopuna ra hoki: He puhi koe naku i te wa i mua ra: Ka iri kei runga te whata a Te Herunga, 6 E mataku ana ra, kei pau i te kuri. Ko aku moke 7 ra, e rangona ake nei, Te rau-o-piopio, B ko te kowhakararo: 9 He mea i motu mai i te waha o te ika.
HE WHAKAMARAMA: iToremutu. He aha ra tenei kupu? 2 Paikea.-K.o te Paikea i morehu ra i te Huripureata, i te kohuru a Ruatapu. Ka whakaritea te kotiro i whakatangohia nei ki te morehu. 3 Te hiwi ki Mamairoa. Kaore tenei korero mo Paikea i te kitea i roto i etahi atu kaupapa korero, kei te waiata nei anake. Otira he waiata no nehera, tena ano tona tikanga. 4 Ngaoho-matakamokamo. —He iwi tawhito no te papatipu, pera i a Maruiwi, i patua haeretia e nga iwi whakaeke.
s Maniapoto. Ko Ngati-Maniapoto. Ko nga kupu taunu enei mo te kotiro ra. whata a Te Herunga.—Ki etahi e whakahua ana ko Terehunga. Kei te ngaro tenei. 'Moke. E kiia ana he tatai no te rangatira. *Te rau-o-piopio.—Ko te huruhuru o te moa. kowhakararo. —Ki etahi ko “te kowhakaroro.” He mea whakapaipai tenei.
Permanent link to this item
https://paperspast.natlib.govt.nz/periodicals/TOATAK19241001.2.19.4
Bibliographic details
Toa Takitini, Issue 38, 1 October 1924, Page 15 (Supplement)
Word Count
3777.—HE WAIATA WHAKAUTU TAUNU Toa Takitini, Issue 38, 1 October 1924, Page 15 (Supplement)
Using This Item
See our copyright guide for information on how you may use this title.