TE MAHI MIRAKA KAU.

Toa Takitini, Issue 25, 1 August 1923, Page 5

TE MAHI MIRAKA KAU.

E> HARA tenei ite mahi hou kite iwi Maori, engari e whaiti I ana i roto i nga tau nei ki etahi lakiwa ano ote motu. Inakoa he kaha te rongo i mua ake ra o Ngati-Rakaipaka o Nuhaka kei te mahi i tenei mahi, a i te wa i tera o a tatau pepa i te Pipiw harauroa he mi ha nga korero e taia ana ki tera pepa mo te miraka kau ki Nuhaka. I muri iho nei ka rangona ko Tuhoe ki Ruatoki kei te mahi i tera mahi a e mahi mai na: ko nga iwi o Taranaki e rangona ana kei te mahi i tera mahi, a e kcrerctia paitia ana ratau e nga kai-whakahaere o nga kamuPene oto ratau na rohe Ko etahi wahi hoki o Ngapuhi kei te mahi ano i tenei mahi. I tera atu tau nei ka timata ko Ngati--1 uwharetoa ki Tokaanu: engari ko ta ratau, na ratau ake te Whare mete Kamupene. Otira he waimarie a Ngati-Tuw haretoa kite whiwhi hereni i nga moni o nga rakau o o ratau whenua i taea ai te awhina ta ratau whare. No tera tau nei ka tipu hoki te whakaaro i Te Whanau-a-Apanui tae atu ki Te Whanau-a-te Ehutu mete Whanau-a-Maru kia timataia tera mahi ki to ratau na rohe, a kua tu te waewae tuatahi o nga whakahaere ki runga ki o ratau whenua. No muri i ta te Whanau-a-Apanui ka oho hoki te rohe o Ngati-Porou nei. Ina nga take, kei te kitea iho i runga i nga mahi whakatopu paanga he whaiti tonu te paanga o te whanau o te tangata kotahi ranei, a e kore e tipu te mahi paamu hipi ki runga ki nga wwhenua ririki, Tuarua, kei te tirohia te ora o nga takiwa

e mahi nui ana i te mahi miraka kau, te nui o nga moni e puta ana i ia marama, i ia marama, ka hohoro te ea o nga reiti, ka whaimoni mo nga toa, ka whiwhi te nuinga o nga tangata o nga tai-tamariki ite mahi. Ara, ka kitea ka ea i tenei mahi tetahi wahi o te patai nui e takoto nei, 44 Ka whaiti nga whenua, ka pewhea? ” Ko tetahi wahi hoki tenei o te whakautu o taua patai, ka whaiti ano nga toenga whenua, me whakawhaiti mai hoki te momo mahi paamu ki te mea e rite ana mo nga whenua ririki. I noho noa oti te Tainamana ka pai kite mahi kaari kapeti? Kaore: engari na te ki o tona whenua ite tangata, ka akina ia kia kimi i te mahi, e whanau mai ai i te eka whenua kotahi he oranga mo te rau tangata. Na kei te whakahaerea nga tikanga mo tenei mahi ki te takiwa o Ngati Pcrou, ote Whanau-a-Apanui. Kei te uia haeretia nga huarahi katoa mo te moni, mo nga kau, mo nga iari mirakatanga, mo te mahi o te whenua, mo nga huarahi e puta ai ki nga makete. Me ata takatau tenei mahi, he mea hou hoki ki nga Maori o era takiwa, kia timata ake ai kaore hoki he tahuritanga ki muri. Kei te mohiotia nga uauatanga o tera mahi, he ahakoa, kei te uaua haere nga mea katoa. Ko te hiahia o enei Iwi ma ratau ake a ratau na whare mahi pata, ma ratau ake nga kamupene, ko ratau ano hei kaupapa mo te mahi miraka kau. Tera e taea te punga ki runga ki nga whenua he moni hei hanga i nga whare, hei timata hoki, ko muri atu kei te kaha o nga tangata kite miraka, kei te mana* wanui, kei te manawaroa, kei te tupato. Ko tetahi wahi pea e uaua ana i nga ture ma te Paremata e tu nei e whakangawari.