HAHI O ROMA.
Kite Etita o Te Pipiwharauroa. EHOA, tena koe ! kia ora koe, i nga ra i mua ote kirimete. Hoi te mihi, ka huri mo ta taua putake. E boa kua kite au i to whaka utu mo aku korero i roto i Te Pi pi No. 67. E boa ite mea kihai koe i pai kite unu i o korero. E ai ko tau ko nga korero tika nau. Tena ko aku ko anga kuru pene H. he tangata kuware. Heoi, e boa e pai ana, e tika ana to kupu he tangata kuare ahau. Hoi he penei atu naku ki a koe kaua e tikarokaro te ahua oto tuku i aku kupu pera mete ahua o to panui i aku korero. Tuatahi, he mea waiho nau nga kupu pai mo te taha ki au hoi ko aku kupu me panui e koe koia enei kaua e waiho tetahi ki ahakoa te roa kia marama ai ta taua waerenga mo te huarahi o te pono mete tika.
1. Mo Halo Patera:— Ahakoa kihai tenei i kitea i roto i te Karaipiture, e kitea ana i roto i nga tuhituhinga tawhito o te Hahi e whakaae ana nga mihinare Id te pono o enei tuhituhinga koia enei ko nga kai tuhituhi ko Keremenete (Clement) Akutini Korotiu ( Grotius), he mihinare ia. E kore te tangata Keritiano e whakakahore i noho a Hato Petera ki Roma. E mea ana Hokia Kamera (Chambers Encyclopedia) e whakaae ana nga tangata whai matauranga i noho a Hato Petera ki Roma. Mo to whakaatu kahore e kitea ana i roto i te Karaipiture kei hea hold e takoto ana i roto i te Karaipiture te whakaroherohenga whakaaturia e koe. 2. Mo te matuatanga o te Hahi. Tena me he mea ehara te Hahi o Roma i te Hahi matua mo Ingarangi no te hsa Hahi enei tikanga tawhito i kitea ki Ingarangi:— (i) oK te whakinga hara, (2) Ko te Miha, (3) Ko te wai tapn, (4) Ko te tohu ote ripeka, (5) Ko te noho takakau o nga Pirihi, (6) Ko te wdiakapono ki nga mahi merekara. Hore koe e mohio ana i tono a Rukia (Lucius) te kingi o nga rangi. kite Poopa o Roma 156 kai iriiria ia. A, iriiria ia me tona iwi katoa ko enei korero e takoto ana i roto i nga pukapuka a nga mihinare. 3. Mo to kii kua he te Hahi o Roma. Tena me he mea kua he te Hahi o Roma. He aha te take i huri mai ai nga tangata matauranga nunui i roto i te Hahi o Ingarangi kite Hahi o Roma. Ko ratou ingoa enei ko aua tangata, he pihopa rawa etahi, he minita, he mema no te Paremete, he tianara, he kapene kaipuke, he roia, he takuta. Tena, he tangata kuare ranei enei. Ko ratou ingoa, ko Niumana, ko Manini, ko te Waari, ko Pepara, ko Wiripaha, ko te Peneha, ko Ripona, he rare ia. Kaua e tipakopakoa e koe Ida takoto marama ai ta taua Waerenga. E hoa, i ki atu ahau ki a koe tera e ara nga tangata matau i roto i o tatou whakaponotanga kite pakanga mehemea e kore koe e unu i o korero, ara ehara i te pakanga erangi he kakahu i nga kakahu whawhai o te maramatanga. Heoi, e hoa, he kupu enei i areware kite pai koe kite panui e pai ana. He penei atu naku ki a koe kia panuitia e koe kia mohio nga tangata mihinare. Me nga tangata ka
torika kaua hei pokanoa kite tuku korero hei raupatu ia taua korero. Ko ta taua mahi me waiho kia taua. Heoi ano. Mo taku kupu ko te tango au i Te Pi pi e pono ana i whakaaro ahau kua pau tala te tau erangi hei te tau hou ka tango au hoi ano ma te Atua koe e tiaki. Na to mokai, na P. H. Ngakuru. Kaihu.
Permanent link to this item
https://paperspast.natlib.govt.nz/periodicals/PIPIWH19031201.2.8
Bibliographic details
Pipiwharauroa, Issue 70, 1 December 1903, Page 6
Word Count
659HAHI O ROMA. Pipiwharauroa, Issue 70, 1 December 1903, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in