TE ORANGA I TENEI AO.
HE tini o tatou o te Maori kaore e whakaaro ana mo te ahuatanga o te Oranga i tenei ao ara mote ahua o tona whanautanga mai o tona whakatupuranga, poipoitanga a ona matua mo tona pakeketanga me tona koroheketanga. Ete hoa ! Haere i to haere, takahia atu te hurahi e haeretia na e koe ka tae ki ona taumata e noho kite whakata i to manawa Tahuri whakamuri, matakitaki kite paenga roa ka pahemo na ki muri. Whakamaharahara ki au i kite ai, ki au i whakamatau ai, ki au i tango ai i nga taha o te huanui ka mahue atu ra ia koe. Kua kitea ano ranei e koe te take i puta mai ai te tangata ki tenei ao ki konei whakamamaetia ai, whakahekea ai te werawera i te kiminga i te oranga mo te tinana. Piua whakamuritia o mata ki nga ra o to -whanautanga e whakangarongarohaere atu ra i tawhiti i te ao o te warewaretanga. Whakamoemiti ai ano ranei tatau i roto i o tatou ngakau ki o tatou matua. Whakahonore ai ano ranei tatau ki o tatou Whaea na ratau nei tatau i whakawhanau mai i roto i te mamaetanga nui na raton nei tatau i poipoi i hikihiki, i whangotengote kite Wai-u-ki tetahi wahi o ratou tinana o i nga ra o tatou nohinohitanga ? Mamae ai ano ranei o tatou koka—kite hunga manaaki ia tatau, ako ia tatau ki nga huarahi tika. To atu te ra o te nohinohitanga, rere mai ko te ra o te 1 aitamankitanga i haere raupa ai nga waewae i kore koti ai ko te hate anake te kaka, i tipihaere ai i ro ngahere, i nga hiwi i nga parae i awangawangatia ai e te whaea whai-whakaaro, aroha mote ngaro roa. Kia nui te whakamihi ki o tatou matua mo nga manaakitanga me nga whangaitanga atawhaitanga ia tatau i te wa o te noninohitanga tae mai kite wa ote Taitamarikitanga: Taitamahinetanga ranei i mohiotia ai tatou ka tipu hei tangata hei piki i nga matua ka kahahore nei, hei putiputi mote marae. E kore e hohoro te wareware o tenei wahi o tatou oranga notemea ko te wa tenei e pumau ai, e tutuki ai nga akoranga me nga tohu tohunga a nga matua e motuhake atu ai te Taitama mana ano te tikanga mona e ui ai ia ki tona hinengaro hei tohutohu i a ia kite ara kite he kite tika ano hoki e kore ai ia e titiro atu ki ona matau hei awhina i a ia, hei arahi ranei ma nga ara xj te tika.
Ngaro atu te ra o te Taitamarikitanga tiaho mai kote maramatanga o te ra o te Pakeketanga i rereke ai te ahua o te tangata e piki ai i nga mahi me nga whakaaro me nga tikanga a nga matua i takahi ai i nga turanga waewae o nga matua kua riro atu i mua ia ia ratau. Kote wa tenei e pumau ai nga whakaaro pai kino ranei i awhitia e te ngakau mai i te ra o te Taitamarikitanga e kitea ai nga hua o nga akoranga a nga whaea'He pai te kino. Toene atu te ra o te Pakeketanga marere mai kote marama atarau o te Koroheketanga e ngoikore ai te. hikoi a nga waewae, e weha ai nga niho e piko ai te tuara me nga pona 0 nga turi e atarua ai nga konohi e ma ai nga makawe ano ko nga tihi hukapapa o nga maunga. E mohio ai nga mahara tenei ka tata nga ra. E hoki whakamuri ai te tipi a nga konohi i runga i nga tau maha e whaka ngarongarohaere atu ra i te ao o te Kore ano he karoro e topa ana i runga i nga taimoana. Ko te wa tenei e kore ai te tangata e tino tumanako kite ora ite mohio iho ka tata te u te waka ki utu kite turanga mote tini mote mano. Ko te wa ano hoki tenei e patai ai to hinengaro ki a koe “ I peheatia e koe ton oranga i tenei ao ?” I whai take ano ranei te uakanga mai i a kos ki tenei ao ? I tutuki ano ranei ia koe tetahi mahi pai hei painga mote iwi e mau tonu ai te maharahara ki a koe ? He patai nunui enei nate Hinengaro. He mea tika kia whakahokia ponotia e tatau enei patai. Hei reira ka mohio tatou kite take 1 ungatia mai ai tatou ki tenei ao matemate ki konei whakamamaetia ai, e ai kite whakaaro a te ngakau pohepohe, a ka mate atu te whai kiko o te oranga i konei te aha. Kite ata whiriwhiritia tenei ahuatanga ka kitea ehe ana. Kaore tatou i ungatia mai ki konei kia whakamamaetia a ka mate atu. Ata tirohia akuanei ka kitea he take—ke tino take i tae mai ai tatou ki konei, a kia oti ia tatau nga mahi hei whakatutukitanga ma tatau hei reira ka marie ka hari te ngakau ka mohio hoki e he take—he tino take i whanau mai ai i ora ai tenei ao. Raumoa.
Permanent link to this item
https://paperspast.natlib.govt.nz/periodicals/PIPIWH19031201.2.6
Bibliographic details
Pipiwharauroa, Issue 70, 1 December 1903, Page 4
Word Count
861TE ORANGA I TENEI AO. Pipiwharauroa, Issue 70, 1 December 1903, Page 4
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in