TE KORERO A MAHUTA.
NO te 23 o nga ra o Mei nei i tu ai tetahi hui i waenganui i a Ngatimaniopoto me era atu hapu o Waikato. I meaa Timi Kara raua ko Mahuta ko te mea tuatahi hei mahinga ko te iioatu i nga whenua ki nga Kaunihera Maori kia whakanonohia kite tangata. I meatia ano kia whakatuturia he kura ako mahi-a-ringa hei ako i nga tamariki Maori ki nga mahi Teera, Tuihu, Parakimete, Kamura me era atu mahi-a-ringa a te pakeha ; kia uiuia koki he tikanga e whiwhi ai etahi Maori kore whenua i te whenua i te mea ko o ratou whenua kua murua ketia mo nga raruraru o nga wa kua mahue ake nei. I korerotia ano kia whakatungia tetahi Hohipera mo nga Maori a ko nga Takuta mo taua Hohipera hei te Maori ano me ako, a, ko nga moni mo taua Hohipera raa nga Maori whai moni e whakaaro. I whai-korero ano a Mahuta. Tino pai atu ona korero. I mea ia kua tatu- tona ngakau mo runga mo te ahuatanga o te whakaaro a te Kawanatanga, a, ka mea ia ki tona iwi kia awhina i a ia i tona tuunga hou kua whakawhiwhia nei ia, ara tor a tuunga hei Mema mo te Whare o Runga o te Paremata o Niu Tireni. I mea ia ki tona iwi kia hoatu o ratou whenua ki raro kite Kaunihera, kia whakaae kite whakaaro ate Kawanatanga kia tautoko hoki i te Xure me ona tikanga katoa. He maha nga waha ki o tena hapu o tena hapu itu kite korero, a, kotahi ano te aronga o a ratou korero he whakaae tonu ki nga mahi katoa i oti ite hui mete whakaatu mai ano ko nga raruraru kua kore, ko nga whakaaro he o roto o te ngakau pohehe kua nehua kia ngaro, a, ko nga whakaaro kino, ririri, mauahara kua panaia atu kia haere kite Ao ote Po ngaro atu ai. Ko te tangata iti rawa o tenei ao inaianei kei Amerika. Ko tona tiketike 18 inihi, ko te taumaha e 30 pauna weeti ara e 2 toone e 2 pauna. Ko nga tau o taua tangata e 36.
Permanent link to this item
https://paperspast.natlib.govt.nz/periodicals/PIPIWH19030601.2.8
Bibliographic details
Pipiwharauroa, Issue 64, 1 June 1903, Page 6
Word Count
367TE KORERO A MAHUTA. Pipiwharauroa, Issue 64, 1 June 1903, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.