MAHUTA ME TE PIRIMIA.
I HAERE a te Hetana kia kite i a Mahuta i tona kainga i Waahi ko Timi Kara me etahi atu nga hoa ote Pirimia. Ka tau te manuhiri ki raro ka tu a Mahuta kite powhiri. I mea a Mahuta ko tona hiahia kia noho pai nga iwi e rua. I puta ano tana kupu mo te whakatikatika i nga rohe o te Kaunihera Whenua o Waikato; me whakaaro hoki te Kawanatanga kite whakawhiwhi i nga Maori whenua-kore kite whenua. 1 muri i a Mahuta ka tu a Henare Kaihau raua ko Te Rawhiti kite tautoko i nga korero a Mahuta.
I te whakahoki a Te Hetana i puta ana kupu mo te tukunga a Mahuta me tona iwi i o ratou whenua kite Kaunihera, no muri mai ka tangohia ano ki waho. Me pehea e ahei ai te Kawanatanga kite awhina i a ratou kite penei ta ratou tikanga. Me tu mai te tangata nana i tuhituhi te reta kite Kawanatanga kia unuhia aua whenua.
I whakamarama a Kaihau na te tokomaha 0 te iwi i whakatau nga robe, heoi kaua te Kawanatanga e whakarongo kite hunga tokoiti. E tautoko ana ia ite Kaunihera. Itu hoki a Te Rawhiti kite whakaatu nana te pukapuka kite Kawanatanga, ehara i a Mahuta; ko tona hiahia inaianei ko te unu i tana reta. Te Pirimia: Kaati ra kua unuhia tenei reta ? Te Raw : Ae, kua unuhia. Tk Pirimia : Kaati ra ! tikina mai. Ite tunga oTe Rawhiti kite tiki i tana pukapuka ka tangi te uinere. I mea te Pirimia kua mararaa inaianei te tikanga mo te Kaunihera, ma raua ko Mahuta e whakariterite. I mea te Pirimia e whakawhiwhia te hunga whenua-kore, otira kaore he whenua ote Kawanatanga. He whenua ano 1 tukua kite Hahi mo nga mahi kura mo nga mahi karakia, otira kei te takoto mangere noa iho te whenua, kaore he kura kaore lie karakia. Mo te taha kite waipiro— ko te waipiro te tmo hoa-riri kino o te Maori, otira mehemea ka kaha rga Maori kite peehi ite waipiro i Waikato ka tukua ma nga Maori e whakahaere. 1 mea a Kaihau kite tukua ma Mahuta e whakahaere te peehi i te hoko waipiro i Waikato, e kore e roa ka mutu. Ko te kupu ate Pirimia, e kore e taea e nga pirihimana te peehi te hoko tahae i te waipiro, otira kite kaha nga Maori ka tonoa eia kite Paremete kia tukua taua mana ki a Mahuta. 1 te mutunga o te korero ka takoto te kai a Mahuta kite Pirimia me ona hoa. I tae a Mahuta me tona iwi ki Akarana ki te whakariterite i nga korero kite Pirimia. I whakaritea a Mahuta hei tangata mo te Kawanatanga i whakaae hoki ia kia noho ia ki te Whare o Runga o te Paremete o Niu Tireni. I hapainga e M miapoto tana waiata, he tangi mo te whakaaetanga o Mahuta kia noho ia ki te Paremete o Niu Tireni. [Ki ta mitou whakaaro kite tukua ki a Mahuta te mana peehi i te hoko waipiro i Waikato e kore e roa kua mutu. Etita.] Tera tetahi rnanu kei Amerika ko tona ingoa he Nahiagißeera (Nightingale). Ko te nuuu tangi pai acu tenei i te ao ka raagona te reo o tenei manu e waiata ana kotahi maero te mamao. Para mai te aroha ina rangona tenei manu e waiata ana.
Permanent link to this item
https://paperspast.natlib.govt.nz/periodicals/PIPIWH19030601.2.7
Bibliographic details
Pipiwharauroa, Issue 64, 1 June 1903, Page 5
Word Count
571MAHUTA ME TE PIRIMIA. Pipiwharauroa, Issue 64, 1 June 1903, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.