HE RETA NA APIRANA NGATA.

Pipiwharauroa, Issue 14, 1 April 1899, Page 4

HE RETA NA APIRANA NGATA.

(He mea whakamaori) Akarana, Maebe 14th, 1899. Kia Te Reweti, E hika tena koe, No te ata tonu nei i tae mai ai to reta ki au o te 10 o nga ra ; tena koe, me to mihi mai ki au mo tenei mahi ka timataria nei e an. I whakaaro ano au kite tuhi atu kia korua ko Peneti mo taku hiahia ki te tuku

korero atu kia “ Te Pipiwharauroa,” ara he kupu ruarua nei o taku haere. Me penei taku tuku atu i taku reta ; me tuhi Maori atu e au kia koe, a mau e whakariterite atu mo “ Te Pipiwharauroa ” matenei koe, me o hoi hoki i Turanga e m»tau ai ki taku haere, a hei ona wa ra pea ka tino panui ai—“ e rua nga manu e patua ana kite kohatu kotahi : ara e wha rawa mehemea ka whakaritea e korua ko Peneti kia “ Te Tiupiri ” me “ Te Puke-ki-Hiku-rangi ” kia kapea aku reta i te wa e perehiti» ai i roto i a “ Te Pipi.” E hari ana au i te whakauukuhanga a te Kawanatanga i te moni whangai (scholarship) Mehema ana kaore ano koe kia tau noa ki raro kua tohea e au te komiti o te Kareti o Hoani kia hoatu kia koe te moni. I rongo au kia Tukuta Mackellar e tuwhera ana tetahi o nga moni a Hune nei, a e hiahia ana ia kia riro ia koe, engari i whakaaro ano ia kei whakararuraru noaiho i a koe, a i te kaha o to hikihiki haere i tenei tau e kore pea koe e puta. Me tuhi koe kite komiti o te Kareti o Hoani, he tono

i taua moni kia homai mau Mehemea ana tokoono tamariki Maori mohio tera noa atu e ora i te Kawanatanga i o tatou hoa hoki Kua kaha rawa te tona ! nga tamariki Maori kia haere ki nga kareti nunui. Kia mataaro tonu koe mo te whakawakanga e te Hupirimi Kooti i Poneke o te whenua i herea hei turanga kura i Porirua; Kua tukua atu e au tetahi waea mai no Poneke, no roto i te “ Star ” ; me whakamaori mo te Pipi me era atu pepa hoki. (Kua kapea mai e matou enei korero i te “ Evening Post ” o Poneke, a kua taia ki te Pipiwharauroa— Kua timataria e tatou tenei mahi nui, a kaata me whakaoti. Koia nei te wa hei whakaoranga i to taua iwi, i te taiaki ana, a tena ra. i te mea ano e ki ana te tai kokiringia te waka. A te Turei nei au haere ai ki Opotiki kia kite i a Tataikoko raua ko Timutimu. Ka hoki mai i reira ki Whakatane kite hui a te 24 o nga ra. I muri iho, ka ruku au ki roto o te whenua o te Urewera mo te wiki kotahi, ka hoki mai ano i reira ki Opotiki, mai i Opotiki ka maaro taku haere ma uta. E pau pea te rua marama. Tera pea au e tae atu ki Turanga na a te wiki whakamutunga o Mei, kei pai ana te huarahi mo te haere. Kei te whiriwhiri taku ngakau mo tetahi wahi ataahua hei turanga mo to “ Pa Tauira ” ; a kaati-e toru ano nga kainga e

mohio ana i au, ara ko “Te Kaha,” ko Te Kawa Kawa (i Waiapu). ko Kakariki, ko Taumata-o-Mihi ranei. Kei te whakariterite au kite Etita o te “ Poverty Bay Herald,” mo etahi korero e tukua atu ana e au. Kua rite i au ki nga etita o konei, o Nepia, o Poneke, me Otautahi (Christchurch) ; kanui te mahi tuhituhi iau . . . . Hei kona-i au mahi, Ma te Ariki tatau e awhina e whakapakari. Na to tuakana aroha, Apikana T. Ngata. (E te Tuipiri, e te Puke-ki-Hikurangi, mete Paki-o-Matariki kapea tenei reta, me era atu reta hoki a to tatou hoi a Apirana Ngata, e rapu nei ite ora mo te Maori. E kore e taea te tuhi a-ringa atu, i te nui ote raruraru ki a Apirana ki au hoki- Na to koutou hoa —Eeweti T. Koh ere -)