NGA RET A KUA TAE MAI.

Pipiwharauroa, Issue 14, 1 April 1899, Page 3

NGA RET A KUA TAE MAI.

Kaikohe, Bay of Islands. 28rd Hanuere, 1899. Rev. Perere Peneti, E hoa tena koe ara koutou katoa. Tena koe e noho mai na i runga i ton nohoanga e kore nei e taea te whakangaueue. Tena koe e huihui nei i o hipi kia noho roopu, e rapu nei inga mea kua ngaro, e kukume ake nei inga mea i taka ki roto inga poka Na tenei kua tae mai to kai rapu, to kai huihui ki konei. A tenei te kukume ake nei inga mea i taka ki nga poka, a te taea tanga ake 0 aua mea i taka ra, kei te hari kei te koa i naianei. Na konei e hoa ka tino nui te whakamoemiti atu kia koe me nga mihi aroha atu i roto inga ringa ote manaakitanga ato tatou Matua. Heoie hoa kia ora tonu koe 1 runga ite kaha oto tatou Matua, a mana ano koe e tiaki i roto inga rauhanga ote Ao, i into ano hoki i ona tini pohehetanga. Na tenei ka tuku atu i tenei wahi ora mo ta tatou manu (tekau hereni) ki roto i tenareta. Na enga Iwi katoa he kai tautoko tenei ite kupu i kitea e ahau i roto i tenei pepa, e ki ana, Kia mahara e te Iwi kite tuku oranga mai mo te manu nei. Kaua hei hnrihuri te whakaaro mo te hereni i riro ma taua pepa, note mea hei tohu tenei mo to tatou aroha ki to tatou Matua, a hei whakanui hoki ito tatou Hahi. Na tenei kei te whakapai atu kia koe ete Etita moto tukunga mai i enei kupu whakamarama. A kei te hiahia tonu atu kia kite tonu. Konga mea i tukuna mai nei e koe ki au kua tukuna e au ki era atu wahi o tatou. Kua hoatu e au te pepa i tuku tata mai nei kite Minita o konei (Rev. Matiu Kapa) a kinga rangatira ano hoki mote tikanga i kitea iho i roto i taua pepa nei. Heoi ehoa e tino hiahia ana ahau kia kite ite Nama 1, 2, 4, 5, 6, 7, 8 ote pepa nei. Note me heoiano ngamea kua kite ahau kote Nama 8, 9, 10. Mehemea kanui kei a k«e me tuku mai e koe kia kite ahau. A kei reira ka tika ai kia tukutukua atu etahi atu o aku kupu. Kati tena koutou enga tamariki ote Aute Kareti. Tena koutou e hapai mai nei ite patu i hoatu kia koutou ete Pakeha. Tena koutou e kukume na i ena Iwi i roto ite kino

kia puta kite pai. A e patu na inga mea kikino Ii te patu i hoatu kia koutou. Heoi e hoa ma kia u te pupuri i taua patu. A tenei kei te whakawhetai ki to tatou Matua mote homaitanga o ena whakaaro tika kia koutou. A hei tauira hoki ki etahi atu kura. Na konei ehoa ma ka nui te whakapai atu kia koutou menga kupu aroha atu i roto ite whakaoranga ato tatou Atua. Heoi e hoa ma kia ora tonu koutou i runga ite kaha oto tatou Atua. A mana ano koutou e manaaki e tiaki inga tini he o tenei Ao. Heoi e hoa ma tena koutou katoa. Na to koutou hoa aroho, Na Hakopa Kahi. Kaiapoi, Pepuere 20th, 1899. Rev. P. Penete, Etita, E hoa tena ra Koe o te kupu whaka Marama. E Koa ana ahau Ki te Ingoa oto pepa Kia te Pipi Wharauroa No te mea Koia te Kai whakahauhau Kia Kaha te mahi Ki te Atua Matua Atua Tama Atua Wairua TapuKati aku Kupu. Engari tuhia, atu enei Kupu. JKei te hanga tetahi Pourewa ki te Pa O Kaiapoi Ko Ngaitahu te Ingoa e Hopene ana i te torn 8 onga ra O Aperira 1899 tukua atu hei hari ma te Pipi wharauroa kite ao Katoa. Hoani Hape te Au. Kia ora koe me au hoki i tenei tau hou.

Wairau, Maehe 7th, 1899. Kite Etita ote Pipi-Wharanroa, Term koe. He whakamoemiti atu tenei na matou mo te ingoa o te Pepa. Ko ta matou ingoa tena i whakarite ai mo te Pepa. Te Tika o tena manu he Karere na Mahuru, Tokorua enei tangata, ko Mahuru raua ko Paeahi, ara ko Teoteo. Ka mea atu a Mahuru ki a Teoteo, he aha te manu pai hei tohu ma taua. Ka ki mai a Teoteo, he Kotare. Ka ki atu a Mahuru, kaore he Pipi-wharauroa. Tena tukuna tau te Kotare. Katahi ka tukua te Kotare. Tana targi he karanga ki tana . ariki, teoteo. I tukua i tenei marama i te tahi o Pipiri (ko Hune tenei marama). Ko te tahi o Pipiri kua pipiri tonu nga turi i taua taima. He tohu nui na o tatou tupuna. Kei tenei marama ko nga whetu, Ko Puanga, ko Matariki, ko Tautoru, ko Takurua, e man ana te whakatauki, “ Takurua hupe nui.”

He tohu nui na nga tupuna. Kei tone marama tae noa ki te rua o llongongoi, ara ki te rua o Hurae. Ko hereturi koka, te toru ko Aroaro Niahanahana. Ko Ahuhata tena. Ko Ketekahu te wha o Mahuru. Koia ta tatou manu te Pipi-Wharauroa, te Karere o Mahuru. I put* i nga ra whakamutunga o Hepetema i nga ra limatanga o te rima o Hiringanuku, ara o Oketopa. Ka korero paitia nei ta tatou manu, korerotia kinotia ana tetahi manu te Kotare. Natemea kaore i puta he pai i taua manu. Ko ta tatou manu korerotia p itia ana I puta mai he oranga i a ia. Ka rite nei ki nga korero a te Kaiwhakaora a to tatou Ariki. Te tahi o Pipiri ka puta o tatou matua, tupuna, ki waho i te ata po, i te wha o nga haora ki te titiro ite putanga o nga whetu. no te mea kei aua whetu te mohiotia ai te tau pai te tau kino, kei tenei whetu kei a Matariki, ka nunui nga whetu he tau pai mo nga ika. Kei aua whetu kei a Paanga kei a Matariki. He tohu nui tenei manu na o tatou tupuna. Ka tangi te Pipiwharauroa ka mohio o tatou tupuna ko te wa tenei e tou ai te kumara, te hue Maori. He whakaritenga enei manu mo nga manu e rua a Noa i tuku ai. Te manu tua f ahi i tukua e Noa kaore i pai, no te rua onga manu no te Kukupa kamohiotia e Noa kua hoki nga wai kua ora te ao. Waihoki me te Pipi-wharauroa he tohu ora tenei ki o tatou tupuna, kua tata mai le Raumati, “ Kui kui, whitiwhitiora.” Taihoa ka tuku atu ai etahi nu. Kei te mahi te iwi ite mahi i waiho ake nei e koe. Heoi ano, Na Tana Ruka. Te Rau Gisborne, Maehe 16th, 1899.

Kia F. Peneti, E boa tena koe, ahakoa kaoretaua e kite a tinana ana engari e kite ana taua i roto i to tatou Ariki ia Ihu Karaiti I tuhi atu ai au kai koe inainei, mo ta korua reta ko te R. Kohere i tuhi mai ai kia au i Mohaka, ara kia tu ko au hai whakahaere mo ta tatou manu. mo te Pipiwharauroa ki roto o Mohaka. E pai ana. Heoi ano aku kupu hai wahanga atu ma ta tatou manu ki nga wahi e haere ai ia. Me te parirau ano hoki hai rerenga mona e ss. I tuhia atu e au tenei reta kia koe i Gisborne nei. Engari ko toku kainga tuturu ia ko

Mohaka. Heoi e hoki ana au ki reira apopo. Heoi ano ma te atua tatou katoa e manaki e tiaki. Ma te Atua ano hoki e homai Tona Wairua Tapu hai whakakaha ia tatou ki le mahi i Tana e pai ai Amine. Na te boa mahi, Rev. Hemi P. T. Huata. Te Arai Bridge, March 2 »th, 1899. Kia Peneti, E hoa tena koe kua tae mai tau reta ki au, ara ta korua tahi ko Reweti. Ara patai mai, mehemea au e ahei ana hei langata tuku korero atu mo to Pepa ara mo te Pipiwharauroa, E whakaae ana ahau ki ta korua tono mai. Ko te take i roa ai taku whakautu mo ta korua reta, he mea naku kia mutu rawa te bui kohi moni mo te whare karakia e tu ana ki Kaiti, wahi o Turanga mete kohatu whakamaharatanga hoki kia—Hirini Te Kaui, atu ki ta Hinota Topu. Kia. whai korero ai boki maku hei tukunga atu ki ta tatou manu. Kua kite au i a Reweti kua pa mai ia ki au. E mea mai ana, mehemea au e tuhi atu ana i nga korero o te Hui. Ka whakaae atu au. Ka mea mai ia ko Hemi Huata minita te tangata e tuhi atu ana i nga korero o te hui. j Heoi, e boa, mehemea e whai korero ana | a enei ra maku e tuhi atu hei tioro ma to manu. Ka rere atu i muri tata iho i tenei tetahi kakano iti nei hei manawa ora mo to manu mo te wa poto nei. Hei Kona ra, Na to Hoa Tame Aeapata.