KO TE MANU KO TE HEEKI RANEI ?
I huihui etahi tangata ite ahiahi kite whare o to ratou hoa, tokotoru o taua hunga he tamariki, ara tokorua nga mea wahine, kotahi te mea taane. Ko nga tamariki wahine e titiro ana kite Paipera Ka whakatata mai te mea tane, katahi ka ui, “ He aha ta korua e korero na ?” Ka whakahokia atu e te mea pakeke o nga tamariki wahine, “ E korero ana maua ite Paipera ; he aha to ui ?” Te katanga ote tamaiti tane, “Ha!hal ha ! i mua iau e tamariki-ana i korero au ite Paipera, i whakapono hoki ahau ki ana korero, otira inaianei, kua pakeke nei au, kua tae hoki kite kareti, kua mutu rawa atu taku whakapono ki nga korero ote Paipera; e mohio ana au kahore kau he Atua ;ko nga korero mo te Atua he maminga noaiho na te tangata.” Kahore rawa nga kotiro ra i wehi mai i te matau o tenei tangata kareti, mea atu ana ano te mea pakeke, “ E ki, ite nui o to matauranga, e mea ana koe kahore kau he Atua; kaati mau ma te tangata mohio ki nga mea katoa e whakaatu mai kia maua kuare nei, ‘Ko te hea i puta mai i te tuatahi ote heihei raua ko te heeki, ko te heki ranei ?” Hohoro tonu te whakahoki mai a taua tamaiti taane, “ Koiana noa ta korua patai, ma te tamaiti kai-u e whakautu tena patai hauwarea. Ko te heihei ra i whanau mai ite tuatahi; kaore anoia korua na kia mohio noa?” Ka mea mai ano tetahi o nga kotiro, “ Kaati ra eld ana koe, tera
ano ia tetahi manu i te ao nei kahore baa i paopao mai i roto ite heeki.” “ Aue ! he pohehe ncku, ko te heeki no te tuatahi i puta mai ai !” “ Kaati ra eki ana koe tera ano ia tetahi heeki i te ao nei kahore kau i whanaui mai i roto ite manu.’ Ite hanenga o te tamaiti whakahihi nei, i te kotiro, ka whakapeka tona korero, ka mea “ Katahi ano te wairangi o a korua patai ; he tangata whakatipu pikaokao an kia mohio an kite ahua o tenei mea ote manu, a kia ui mai hoki korua ki au i ena patai ?” Ite ka o te ngakau o te kotiro ra i tona rongonga e taunutia ana te Ingoa o te Atua e te tangata whakahi, ka wiri tona reo, a rahi ana tana karanga, “E ta, nau iki he tangata mohio koe, i tae koe ki te kareti, na reira ka ina atu e au tenei patai kia koe. Inaianei ki taku titiro atu kei te poauau noaiho kee, kaore rawa i hoki i a koe taku patai, ‘ Ko te hea i puta mai i te tuatahi ko te heihei ko te heeki ranei.’ Kia mohio koe inaianei, he wairangi koe. Maku ano e whakahoki taku patai. Kahore kau he tikang i, mehemea ko te manu ko te heeki ranei i puta mai ite tuatahi. Ko te manu tuatahi, ko te heeki tuatahi ranei, na Te Atua i hanya.” “ E mea ana te wairangi i roto i tona ngakau, Kahore he Atua.” (Waiata 14, 1.)
Permanent link to this item
https://paperspast.natlib.govt.nz/periodicals/PIPIWH18990401.2.7
Bibliographic details
Pipiwharauroa, Issue 14, 1 April 1899, Page 5
Word Count
530KO TE MANU KO TE HEEKI RANEI ? Pipiwharauroa, Issue 14, 1 April 1899, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in