TE WHENUA-KURA I PORIRUA
He mea whakamaori mai enei korero no te “ Evening Post ” o Poneke :-“Ko tetahi 0 nga keehi hei tirohanga ma te Hupirimi Kooti ka tata nei te tu, ko te whenua i 1 Porirua, ara ko te whenua i tukua e Hori Kerei kia Pihopa Herewini i te tau 1850, a i tukua whakamutua kite Hinota o te Hahi o Ingarangi. Ko taua wahi whenua o 509 eka, i tukua hei whakaakoranga i nga tamariki Maori puta atu ki nga-tamariki Pakeha, he whakaakoranga ia ratou ki nga mahi o te Whakapono, ki nga mahi a te ringa, mete reo Ingirihi. Ko nga moni katoa kua takoto inaianei o nga reti, me nga itareti e £6480, otira kaore nga kaitiaki o taua moni i ahei te whakarite i nga tikanga mo taua moni, te take, ki ta ratou mahara, kaore taua moni i rahi rawa, a inaianei ruarua nei nga tamariki kei Porirua. Na reira e tonoa ana kite Hupirimi Kooti (e te Hinota) kia tukua taua moni hei oranga mo nga tamariki a nga tangata
rawakore kia tie utu-kore ai ratou ki nga kareti o te Hahi, kia whakaakona ? ai ki nga mahi mo reira nei te whenua i tukua ai, engari ko nga tamariki Maori hei te tuatahi whakaaro ai. E whakatete ana te Kawanatanga ki tenei whakaaro, ko ta ratou i a e hiahia ana ki a homai kia £5009 hei whangai mo tetahi kora mo nga tamariki Maori kia whakaarahia ki Otaki, te utu mo tana whare kia £IO9O, a ate ritenga o nga mea katoa te utu, kia meinga te toenga o te moni hei oranga mo nga tamariki Maori e puta ana i taua kura, ki Wikitoria Kareti i Poneke, ki etahi atu kura nunui ranei, mete tino whakaaro ano kia wha saakona aua tamariki ki nga mahi ringa. Bngari ko te taha Whakapono me whakakore atu, a mehemea kaore taua kura eot itewa i whakaritea, e £4OO ite tau me utu kite Poari o Maori.”
Me ata tatari marire e tatou te tutukitanga o tenei Korero. Ki taku whakaaro ake, na te Kawanatanga te mahara tika. He mea tino nui tenei hei whainga ma tatou ara te whakaako i a tatou tamariki ki nga main ringa, ara nga mahi parakiinete, kamura, nga mahi hu, tera me era atu tini hanga. Te koha rawa ote whakaaro ate Kawanatanga ko ta ratou ki kia kore te Whakapono e urn ki ta ratou kura. He aha ra i whakakorea ai te mea hei whakareka, i nga mahi, ite matauranga hoki ? Mehemea e taea ana i te Aute, ma te aha hoki e kore ai e taea i era atu kura ? Ko etahi whenua o te Maori i tapea mo nga mahi kura hei oranga mo nga tamariki maori, kahore i tika taku titiro atu ko Whanganui me Motueka. Ko te kura i Whangamui mo nga tamariki Pakeha anake, tamariki Pakeha rangatira, a ki tehaere atu he tamariki Maori ka tonoa kite utu pera ano me nga tamariki Pakeha. E ki ana ko te Pakeha, somethin]/ wrong somewhere ! He aha ra i kore ai e penei te whakahaere o tenei kura mete Aute ! Kia tino matatau au kite nuinga ake o nga tikanga o enei whenua, ka mahaake ai aku kupu. He mea pai ano tenei hei whiriwhiringa ma o tana
mema o te Maori. Heoi na to koutou hoa meroiti nei. Reweti Tuhobouta Koheee.
Permanent link to this item
https://paperspast.natlib.govt.nz/periodicals/PIPIWH18990401.2.4
Bibliographic details
Pipiwharauroa, Issue 14, 1 April 1899, Page 2
Word Count
571TE WHENUA-KURA I PORIRUA Pipiwharauroa, Issue 14, 1 April 1899, Page 2
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in