"PIPI WHARAUROA."
E nga iwi e nga hapu, he whakamahara tenei i a koutou ki nga tikanga mo ta tatou pepa. Ka kotahi tau tuturu me nga marama e rua, ta tatou manu e rere haere ana. Kaore i te whakaritea he utu tuturu mona, engari kei te waiho noaiho ma te aroha o te tangata e tuku mat tana i hiahia ai. Kati He tau hou tenei. He karanga atu tenei ki a koutou katoa, katoa, ki a mahara mai ki ta tatou manu. Ahakoa he iti, ahe rahi ranei, tukuna mai, kia momona ake ai ta tatou mokai. Kanui to matou hiahia kia waiho ma nga iwi, ma nga hapu katoa o nga motu e rua nei tenei taonga e tiaki. Kua puta te wh ikaaro inainei ki a whakanuia ake ta tatou pepa. Kite maha mai nga kakano, ka maha ai hoki nga wharangi 'o te pepa nei. E te iwi, kua huri te tau o ta tatou pepi. Kati - Kei wareware mai ki tenei taonga a te iwi. Kei te tokomaha rawa nga tangata e kite ana, engari na te pohehe pea ki nga tikanga e ora ai te pepa, i kore ai e tuku kakano mai. E whakamihi ana te Pipi-'Wharauroa ki nga tangata o te whare k irakia i Wairau mo ta ratou kohikohi i tukuna mai nei hei oranga mo ta ratou mokai, ara £1 4s 6d. Kia ora. Kapai ta koutou tikanga. Kia mahara hoki etahi kainga ki tenei tikanga pai e ora ai ta tatou manu.
Permanent link to this item
https://paperspast.natlib.govt.nz/periodicals/PIPIWH18990401.2.10
Bibliographic details
Pipiwharauroa, Issue 14, 1 April 1899, Page 7
Word Count
255"PIPI WHARAUROA." Pipiwharauroa, Issue 14, 1 April 1899, Page 7
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in