HE TUPAPAKU.
Te Matenga o tetahi Tamaiti ite Rakau.
No te Taite i te 14 o nga ra o Hepetema nei, ka mate tetahi Tamaiti ko te Whangaparaoa Hokotoki tona Ingoa, ko Ngahuia Hokotoki tona Whaea, ko te Hokotoki Paora tona Papa, he Tamaiti rangatira taua Tamaiti no runga. i nga tatai rangatira. I tetahi rangi katahi ka haere te Tamaiti nei ratau ko ona matua, kite mahi i to ratau Whenua, ara kite tua i te Ngahere, ms te mahi i etahi mahi atu mo to ratau Whenua, ko tana, Whenua he Whenua Kawanatanga, he mea riihi mai e tona Tipuna e H. T. Rdngitakaiwaho i te Kawanatanga, ara, i runga ano i te Ture whakanohonoho Whenua a te Kawanatanga, me nga tohutohu hoki a Wi Pere raua ko te Pirimia, ara, kia tahuri te Iwi Maori ki nga mahi ahu Whenua, hei oranga mo ratau, me o ratau Uri i muri i a ratau, koia i tangohia mai ai e Hoani Rangitakaiwaho taua Whenua Kawanatanga, kia he rawa ake ia, e whai waahi ana hei whakahaerenga ake ma ana i ona Tamariki me ona Mokopuna, kite waahi kotahi noho ai ona Uri, kaati ake tena ka hoki ano te korero ki te Tamaiti nei. I te wa ka haere rate Tamaiti nei ratau ko ona Matua kite mahi i to ratau Whenua, ara, kite whakapai kite tua hoki i te Ngahere ka tae atu ratau kite Ngahere, ka wehe ona Matua, ka wehe hoki te Tamaiti nei, ka mau ki tona Toki, ka tae te Tamaiti nei ki tetahi rakau, katahi ka tua i te rakau, ko nga tau o te Tamaiti nei ka 16, a, e mahi tauhou ana te Tamaiti nei i a ia e mahi ra, kaati 1 to wa ka tata te rakau a te Tamaiti nei kitehinga, ka pokaikaha noa iho nga whakaaro o te Tamaiti nei, i te takiwa e hinga ana tona rakau katahi ia ka oma kite waahi ano e hinga atu ra ano tona rakau, i runga i te k».hn. o tona oma, mete tere o te hinganga iho te o rakau, ka pa tetahi o nga peka ki muri i tona kaki ka hinga ia i te tauhekecanga, ko tetahi rakau hoki i raro e takoto ana, i te kaha hoki o te taunga iho o te rakau ki runga i a ia ka hinga ia, ka akina tona konohi ki runga i te rakau e takoto ake ra, ka mate te tamaiti "nei i konei he roa te tamaiti nei e takoto ana i reira ka haramai ona matua, ara, nga tungaane o tona Whaea, ka kite i te tamaiti nei e takoto ana, kua hopua katoa te waahi e takoto ra ia i te toto
o te tamaiti nei, ka pouri hoki ona matua, katahi ka haere tetahi kite tiki wai hei ringiringi i te tamaiti nei, he roa te waahi i haere ai tetahi o nga matua o te tamaiti nei kite tiki wai, kaore e fcaea ete kai-tuhi tc ki ake e mea te roa, engari ka nui te roa ka tae kite wai ka hoki mai he roa hoki e hoki mai ana ka tae mai ai kite tamaiti nei, ka mahia e nga tangata rate tamaiti nei kite wai, katahi ka amohia e ona matua ki to ratau kaainga nohoanga, ka tae ki reira, katahi k;i horoia ano kite wai, ka mahia e ona maiua me ona Tipuna hoki, ki a ratau na rongoa ka .hua ngawari ake te tamaiti nei. Kaati e waru nga ra e takoto ana te tamaiti ra i te kaainga ra, katahi ka mauria mai kite Takutn. Kaati i te mauranga kite Takuta, kaore rawa he tangata i haramai, hei tiaki haere mai i te tamaiti nei i runga i te waka o te Pakeha, he mea uta noa mai e ona matua me ona Tipuna ki runga i te waka o te Pakeha. Ka tae mai raua ko te Pakeha. nei ki Papawai e tata ana ki Kereitaone, ara, kite 'kaainga ona matua ake na ana ia, ka pa mai he pouri ki nga matua, mete Iwi hoki ote tamaiti nei, i te tukunga peratanga mai i ta ratau tamaiti me ta ratau mokopuna. No te Turei i tae mai ai i te 12 o Hepetema nei, i te ata o te Wenerei, ka tonoa a Takuta "Paama" ka tae mai te Takuta ka tirohia, ka kitea e te Takuta kua puru katoa te konohi, engari ko muri ke i te kaki tona waahi i kino rawa ite kurunga a te rakau, tetahi kua totoka katoa nga toto o roto i a ia, me ce ki ano a te Takuta kua turciti, kua roa ke ki muri, kua tata ki mua. Kaati i te ohonga ake i te Taite katahi ka tino kino rawa atu te tamaiti nei mete tae mai ano o te Takuta ki reira titiro ai, mete mau tonu ano ote kupu a te Takuta kua tureiti, te mea na ana i patu te tamaiti nei, na te haramaitanga i runga i te "Pereki" ruturutungia haeretia mai ai, he kore kaore he tangata i haramai hei tiaki haere mai, hei whakawhirinakitanga hoki moona, i te ohonga ake i te Paraire i te 14 o nga ra o Hepetema kahemote tamaiti nei. »Ka hui ona Iwi me ona Hapu mete nui noa iho ote tangata kite uhunga ki a ia, e rua nga ra i uhungatia ai e te Iwi, no te Ratapu hoki ka nehua kite waahi tuturu mo te tinana, ara, kite moenga ote tini ote mano, mete iti raua ko te rahi e kore ai 3 taea te whakakorikon. Heoi kia ora tatau katoa. "Te Puke Ki Hikurangi. NGA TUPAPAKU 0 TENEI "WA.
Kua mate te tamaiti a Meri Toone i te 12 o nga haora ote poo te Paraire, ite 22 o nga ra o Hepetema nei,. Kua mate hoki te tamaiti a Materoa Hamuera, i te 12 o nga haora o te awatea o te Hatarei, i te 23 o nga ra o Hepetema nei ano. Ko nga tamariki nei na te tuakaaa tetahi, na te taina hoki tetahi. Kotahi tonu te p&pa o nga Whaea o nga tamariki nei, engari ko nga matua Wahine i wehewehe, he nui te pouri i pa mai ki nga matua me nga Tipuna hoki o nga tamariki nei. Otira o te Iwi nui tonu i runga i te kotahi tonu o te wa i haere ai nga tamariki nei, ara, i wehea atu ai raua i waenganui i te Iwi me to raua na reanga tamariki; he nui te tangata i tae kite uhunga ki nga tamariki nei, i runga ite ngakau pouri mete ngakau mamae hoki, ki nga tamariki nei; kaati kei te haere pea raua i runga i te kupu a te Karaiti e ki nei. Tukua mai ki aau nga tamariki nonohi au& hoki e araia atu no nga penei hoki te Rangatiratanga ote rangi; me ta Hopa hoki eki nei. Na Ihowa i homai na Ihowa i tango kia whakapaingia te Ingoa o Ihowa. "Te Puke Ki Hikurangi."
Permanent link to this item
https://paperspast.natlib.govt.nz/newspapers/PUKEH18990930.2.4
Bibliographic details
Puke ki Hikurangi, Issue 15, 30 September 1899, Page 6
Word Count
1,190HE TUPAPAKU. Puke ki Hikurangi, Issue 15, 30 September 1899, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.