Untitled

Puke ki Hikurangi, Issue 11, 31 July 1899, Page 5

Kauangaroa 17 Hurae 1899. Kite Etita o "Te Puke Ki Hikurangi." E hoa tena koutou kou hoa whakahaere i to tatau taonga, ara ia "Te Puke," kia ora koutou katoa, katoa, ma te Atua koutou e tiaki, me matau hoki i konei, kaati. E hoa e te Etita, utaina atu enei kupu ruarua ki runga ki to tatau Waka, hei hari haere mana ki nga tauranga o tatau Motu e rua, ara ki nga marae o Aotearoa mete Waipounamu. Tenei tetahi Aitua i pa mai ki tenei Iwi ki a Ngawairiki, hei mihi iho ma te ngakau ki tenei tu ahua mate c roto -o tenei ra, i roto i nga ra o tatau tipuna, he mate nana i wiiakataki 2 taki 8 te tangata ki ta mate, kaati i roto i enei ra, na te Aatua tenei whakamahinga, e taea te pewhea e te Iwi te taonga nui o tatau tipuna, mihi mai, tangi mai i te po o te.Rahoroi ka mahue ake nei i te 15 o Hurae nei, i to 11 o cga haora o te po.e ao ake ai ko te Ratapu ka mate, Hanganarangi Wiremu Tauwhiro, no te 1 o nga haora o taua

pp ano ka mate, ko Haihai a Tahana, hei papa ano mo Hanganarangi Wiremu.Tauwhiro, ko to-raua kainga kotahi tonu, ko te Ingoa, ko Matatera, waahi o Whangaehu, no fee 16 i te Rafcapu ka hm katoa ona Hapu mete Iwi nui tonu kite tangi ki o ratau mate, kaore e taea te mahi nga niahi e rite ana mo taua ra, i runga i te ngakau pouri me te ngakau mamae ki etahi o ratau ka riro nei i te haora kotahi, ara i te po kotahi nei, heoi hui ana o raua Iwi me o raua Hapu katoa, he nui te tangi mete poroporoaki kia raua, ko te mahi nui i te Iwi nei, he tangi te po, tangi te ra, kaore e moea te po, nga tamariki rite tonu, tae atu ki nga Iwi i tae mai kite nehunga, koia ka pouritia nuitia tenei mabi Aitua, kia kotahi haora hei haerenga mo nga tokorua nei. Kaati, he Waiata aroha. E hoa ma e ana taku awhe-ena te hau i pupuhi atu e hara i waho no te Keke no te turanga Whaitiripapa. Kaati iho nga mihi aroha hei uta atu mau, kia orate Etita me ou hoa whakahaere ito tatau taonga, ma te Atua koe e tiaki mo au mahi e mahia na e koe, me ou hoa katoa, katoa. Na ta koutou pononga iti rawa i runga i te mata o te Whenua i raro i te rangi. Te Wera Pahaki.

Patangata. Hurae 17th, 1899. Kite Etita ote "Puke." EPu tena koe, ara koutou ko nga tamariki, e mahi mai ina i to tatau taonga, kia ora nga morehu i roto 0 nga whiu, heoi te mihi. E Pu, Tawhiro Renata, he mihi iho naake ki nga kupu e whakaatu ake nei a te "Puke" e ki ana kua Potaetia nga tangata ' o Wairarapa ki roto o te rohe, e mea ana au kai te pai waiho mai a waho nei hei mate, ite mea kua kore to tatau Kotahitanga, kua whakatu ite Poari, he turaki i te Poari, noho ana tatau i roto o tenei Ture, kowai tatau ka mohio ki ate Pakeha mahi i ana Ture, ka pa ia ko nga kupu a o tatau Tipuna, ina hoki te kupu e takoto na i Waingawa, ka tangohia te Wahine a te Kurahui-i-kirangi, i a Hikawera, ka ki, a Ngai-tatai me hoki, kia tiwhana te Atua nei, tiwhana i mngara i te kauanga e, 1 Hianganui i te umu rae i taonaai Hine-tu-ata-kaha-na, ana tuturu toau tena Ture a o tatau Tipuna, muri mai i tena, na o tatau matua na Nuku i kona, na Pareihe i konei, tika tonu tatau i nga Ture a o tatau matua, kawea atu e o tatau matua ki roto o Taupo ka whatiia te rongo ki runga i a te Heuheu, mau atu te rongo e mau nei, e mau nei, tae mai ana i tenei ko enei Ture utu moni nei, e whai atu ana e oma ana, he ra ano he Ture ano, i muri mai ka kiia e te Pakeha he Ture whakawhiti Whenua, he Ture whakawhiti moni e kore tatau e ora, ta te mea he moni te take o ana korero. Heoi ra ete whanau e nga mokopuna kia ora, kia ora. Na Hemi Takiwa.