TE HUI TAU KI TAHORAITI

Toa Takitini, Issue 103, 1 April 1930, Page 2035

TE HUI TAU KI TAHORAITI

He tipiwhenua ka tae ki Te Hui Tau a Te Haahi Momona i Tahoraiti, i kite atu ai i era o te iwi maori i hui inai kite whakaatu i to ratou whakapono ki nga tikanga o to ratou nei haahi, kua kotahi nei tan ratou e wehewehe ana i tana maara waina, i tana maara waina. Nga peka o ia ahua o ia alma, i runga i nga tikanga a tera haahi me hui, me whakaatu te hua a tau peka, a tau peka, me nga whakaaro (testimony), i nga ra o te tau e ngaro ana koe, me nga whakaaro e tumanakotia ana mo nga ra kei te heke iho. I reira Te Koea o Ngapuhi me ona kaumatua, i reira hoki Te Koea o Rakaipaka me ona kaumatua, i reira hoki Te Koea o Heretaunga me ona kaumatua, me nga ropu hoki (hockey) tenehi, waiata, kanikani, whakangahau o tena peka o tena peka. Kanui t pai, te kitea atu o te ora o te mahi i te whakawhaiti-tanga a te whakahaere (organization). Timata ake i te kohungahungatanga tae noa kite Tumuaki o Te Haahi, kitea atu ana te whai waahitanga o katoa. Kanui

te whakamiharo kite ropu wahine pakeha, nga mihinare wahme o tera haahi, e tohutohu ana, e whakaatu ana i nga pai i nga kino, i nga huarahi kikino, me nga whakamomoritanga kite moni kore, ki te kai kore, ki te rawakoretanga, me kore e tae mai ki tana mihana ki tana mihana i karangatia ai ete haahi kia tae mai ki tenei, tetahi o nga whare ngaro o Iharaira. Te koa na te kata me te paparinga i whakatinana. Te rawakoretanga, te nohopukutanga, na te roimata, na te manawa hotu i whakamarama, ka tangi noatu te ngakau tu waho, Ka rangonaake te manawa e penei ana ‘'Mei penei noa aku nei tamahine, he hanga whakakoakoa.” Nga mi hi kia Sister W. Takana raua ko Sister Kamau. E kui ma, ngawari ana o korua reo ki te whakamarama, kite arahi haere i nga tikanga e whai hua pai ana ahakoa he aha te iopu wahine, he aha ranei to rtou haahi, ka naumaitia korua o te ngakau rangatira, ahako i whea o te motu. Kia kaha! Nga ringa wera. Kia orate ropu whakahaere i enei wahanga 0 Te Hui. Ngaro atu ana a tatou waiata weriweri e hiahiatia nei i etahi wa, me era tu o te weriweri. Tena wahi katoa na te marama ote whakahaere mete kotahi ite whakaaro pai ka pera, na reira kia ora. Nga mahi whakataetae waiata koea. E toru nga wahi e mihia. Tuatahi me riro i a Ngapuhi te honore nui mo te kaha kite tawhai mai ite whenua roa, kia kitekite. Mo te waiata kaore ano i pai. Kei a Nuhaka nga pai katoa mo tera mahi mo te waiata, engari i pai ake to Heretunga i taua ra. Kaati ano kiia ko Heretaunga i tino pai ai. Kaati na Te Toa Takitinitanga na reira kia ora. Ko te Ran Tau tenei whakatata o te timatanga mai o Te Haahi Momona. No Aperira 6th, 1830 ka timatatia mai te haahi e Hohepa Mete ki Utah, na reira te nui o tera Hui Tau, i tae ai a Tipiwhenua, i kite ai i nga iwi o te motu i ngaro atu i nga Hui o Te Tairawhiti. 1 muri o nga mahi a Te Haahi i otioti ai, ka whakahaeretia tetahi take, ara he tono kia Ta A. T. Ngata kia mauria atu a Nireaha Paewai, katahi tonu nei ka paahi mai i nga kura ako mahi Ahewhenua me Te Kau Miraka i Amerika. Kotahi tonu te whakaaro o taua hui ko te tono atu kia Minita Maori kia awhinatia a Nireaha. I hui hoki te ropu o nga tamariki tawhito o te M. A. C., 1 reira. Ko tetahi take e pa whanui ana mo runga ite whakawhanui i to ratou ropu ki nga taitamariki Maori katoa oTe Motu, ahakoa he aha te haahi, notemea kaore hoki e taka te ingoa Maori i runga i a ratou katoa. (Hiehie tenei!) Kua oti hoki i te hui kei Nuhaka te Hui Tau e heke iho nei. I tae ano a Tahupotiki ki taua hui whakatakoto ai, whakakaha ai hoki i nga tikang turaki i te waipiro. Ko raua ko

Te Rima i reira. Otira he poto noa to raua wa i reira. Kei te mihi atu kite Tohungatanga Eriata Nopera me tou ropu nui i muri i a koe mo nga manaakitanga. Ma Te Kaihanga tatou katoa e manaaki.