154.—HE WAIATA WHAIAIPO.
Na Waipu. (Ngati-Hinemanu, Ngai-te-Upokoiri). Na Te Taite Te Tomo nga kupu , nga whakamarama. He wahine rangatira a Waipu no era hapu no Ngati-Hine-manu, no Ngai-te-Upokoiri, he wahine ataahua rawa hoki. Ka whai te wahine ra ki a Te Perohuka, he rangatira no NgatiWhiti, no Ngati-Tama o Patea. Kaore ia i paingia ma taua tane, ka tangohia e ona tungaane ka mauria ki Paetawa, ki to ratau kainga, whakamoea tonutia atu kite tane, ko Ihaka. Ko Hanara te uri. (Taite 56, B. 3/67). Purei kohu e whakatoro ra, Tahere ana mai te puke ki Okahu; 1 Kei tua atu hoki te tane 2 E aroha nei au. Naku ia na koe i whakarere I te aiotanga, 3 ‘Tahi te waka nei ka rutua, Paea kite akau, i.
No te ao te uaratanga 4 Riro kite po, Waiho noa hei tumanako Ma te ngakau. E hoa ma! Kauraka ia ra Hei whakatanguru; No te mea ia ra ko te rawa i riro Mai i a Hika-awa.* 5 Taku taumata e noho ai au Ko Paetawa ra, 6 ‘A marama an te titiro Ki Waipunapuna, 7 Ara haerenga mai no Te Perohuka; He tapu te whakahua. Kei tawhiti tohou tinana, Kei te Reolaku, 8 Kei Patea 9 au e noho ana, Kei te Awarua; Mapu kau noa atu i konei, Au koha 10 rauraro, i. 'Okahu: He puke kei Patea (Inland). 2 Tane: Mo Te Perohuka. 3 Aiotanga: Kaore ia i paingia ma te tane ra, tangohia ana e nga tungaane. 4 Uaratanga : Hiahiatanga sHika -awa: Mona ake ano tera kupu. ®Paetawa: Kei te taha o te awa o Rangitikei, kei te huarahi atu ki Heretaunga. Ko te kainga tera o ona tungaane. 7 Waipunapuna: Ko te kainga o Te Perohuka; ko to Ngati-Tama kainga tera. B Te Reotuku:—He kainga, ko Kotuku-raeroa te tino ingoa. Ko te wahi tera i haria atu ai a Te Perohuka, ka mauria te wahine ki Paetawa. T^^Awarua l IKo te * n § oa ° taua takiwa i Patea (ki te tuawhenua). >°Koha rauraro: Ka ruha noa i te aroha.
Permanent link to this item
https://paperspast.natlib.govt.nz/periodicals/TOATAK19290201.2.16.8
Bibliographic details
Toa Takitini, Issue 90, 1 February 1929, Page 10 (Supplement)
Word Count
343154.—HE WAIATA WHAIAIPO. Toa Takitini, Issue 90, 1 February 1929, Page 10 (Supplement)
Using This Item
See our copyright guide for information on how you may use this title.