156.-HE TANGI MO TE HIKO-O-TE-RANGI.

Toa Takitini, Issue 90, 1 February 1929, Page 13 (Supplement)

156. -HE TANGI MO TE HIKO-O-TE-RANGI.

Na Te Hau-korahi (f). ( N gati-Raukawa) . Na Te Taite Te Tomo i whakamarama. Kei te pukapuka a McGregor (S. 1/35) e kiia ana ‘he wai ata na tetahi tangata mo tona iwi i ngaro ite mate.’ Kaore he whakamarama i te M.131. E ki ana a Te Taite ki tona rongo na Te Hau-korahi o Ngati-Raukawa, whaea o Hoani Taipua; he tangi nana mo Te Hiko-o-te-rangi, i tangihia atu i Rangiuru, i Otaki, i te matenga ai o Te Hiko ki Maungatautari. He rangatira a Te Hiko no Ngati-Raukawa, no Ngati-Maniapoto, he whanaunga hoki no Te Haukorahi. Kaore i takoto pai nga kupu ki te S. 1/25. Ko te kaupapa i taia nei ko te M. 131. (Ref.: M. 131, S. 1/25). Tera te Kakau, l e! Whakangaro atu ana ia ki te rua, e. Tu mai, Hiratu 2 e Kia aropiri mai ki roto ra, e. 4 Whea te iwi ngaro, e, Ka pan te tautoko 3 ete ngutu, e. Moea ki te po, e, I konei tonu koe a Te Hiko, 4 e. Hoake kite ao, e, Ko au anake te tuohu nei, e. Pukohu horahia, e, Na runga ana mai o Tarahanga 5 ra, e. Kei raro iti iho, e, Te wa koia ki taku matua, e. ‘Ore te hoki mai, e, Ki au ra ka iri nei, e, Te kaha o te ngutu, e, Te mutu noa i te rangi tahi, na.

'Te Kakau:— He whetu. Ko te roanga ote ingoa ko te Kakau-a-Maui. Ko tetahi ingoa ko Tautoru. Hiratu:—Ki te M. 131 ‘lratu.’ E ki ana a Te Taite ko Hiratu te mea tika. sTe tautoko:Te whakakorangaranga. <Te Hiko:—Kua korerotia i runga ra, sTarahanga:— hiwi kei waenganui o Rangitoto, o Wharepuhunga (King Country).