PITOPITO KORERO.

Toa Takitini, Issue 90, 1 February 1929, Page 926

PITOPITO KORERO.

I konei a Kingi Tahiwi e arahi ana i roto i nga rohe o Tamatea Kaunihera i Tetahi Takuta pakeha no Australia mai ko Dr. Phillips te ingoa—he mea whakahau mai e te Ropu whakawhaiti i nga tikanga o Nehera (Ethnological Society) . ki te tango i nga toto ote Maori. £ki ana taua ropu ma nga toto e mohiotia ai te matapuna o te momo Maori te matauranga!! He aha hoki kei ko ake! ! Kanui te koa mete whakamihi mo nga rongo kei te awhina mai a Te Teira Te Paea i ona mokopuna mo te ra whakapuaretanga i te Whare Karakia Mihingare i TangoioHe whakaaro rangatira tenei—E Tei kia orate ahuatanga o nga Kaumatua. Tera e tae kite Iwa Rau (£900) pauna e whakapaua c Te Tari Ora ki runga i nga Kaunihera me a ratou naahi i tenei tau. E ki ana a Herbert Gregory, te kai whakahaere o Te Whare Wananga e kiia nei ko Bishops Museum kua tuturu te mohiotia ko nga Iwi Maori o Te Moanui-a-Kiwa i heke mai i te tonga-ma-marangai o Ahia, kua hanumi nga toto o te —Rawhiti—Kei te piri hoki ki nga toto Tiapani. Haina, me nga Amerikana Inia. Kaore i uru mai nga toto mangumangu. E whakaatu ana Tenei i Te Ropu Wananga o Heretaunga, kei te whakaaro kia whai koha ratou ki te iwi, ara ki te whakapiki i nga ui ui a te ngakau mo nga take e pa ana ki nga whenua me era atu awhina i te turi i te pohe. I puta nga korero kia haere Te Pihopa o Aotearoa ki Te Kirihimete i Ratana i runga i te whakamaharahara ake a Tuta (Ratana) tera e tonoa mai. Otira na te kore pea he tono i whakaritea ai ko etahi o nga pohiri manaaki mai a etahi o nga waka e tau nei. Heoi me mihi atu ki a Tuta. Ana tona ra ka tae atu. Kei te ahua pai haere te mate o Kingi Hori. “E te Atua tohungia te kingi.” A Pepuere te 10 o nga ra ka tomokia te whare karakia o Tangoio waahi o Heretaunga. Haere mai tukua mai ranei nga whakaaro hei whakamama ake i te pikaunga. Na nga hararei i whakaporori te puta atu o ta tatou pepa me nga maramataka. Tetahi mea atahua o o te hui a nga Ringatu i Opoutama. Ko te tangata whenua he Momona, ko te manuhiri he Ringatu, ko te Pihopa no te Hahi Mihinar e. A Maene i te 3 o nga ra ka hurahia te Kohatu whakamaharatanga kia Ta Timi Kara ki Turanga. £ kingia ana kua tamate haere te haere o te tangata ki Ratana mo te Kirihimete, pera me nga wa ka huri. Ko te ra

nui ke inaianei ko te ra whanautanga o Katana te 25 o Hanuere, ko reira nga mahi ngahau katoa puta ai, me nga whakanui mo tona whanautanga. He aha hoki tenei mahi? I mea nga Ringatu i Opoutama“Haere mai e te Pihopa hei pihopa mo te Hahi Ringatu.” E ki ana a Edith L. Murdock—“Kei te ahua o te wahine te ahua o te taane, a kei te ahua o te taane te ahua o te iwi.” I tae nga apiha a te Kawanatanga kite tutor© i a Rua Kenana Hepetipa o Maunga Pohatu. I te whai herengi i a Rua ka whakaritea te hiahia o te ope nei, a hoki pai atu ki Rotorua ki Hamutana. Mehemea ahau i pataia i enei tau ka huri— aha te puiaki o tenei mea o te wahine, ko taku whakahoki tenei e ki ana a Miss Roy den; He moe taane, he whakatipu taniariki, he whaihanga kainga; engari i naianei, he inu pia, he reihi hoiho, he purei korowha (golf). KIA MAT AAR A! Kei te kaha rawa te mate puruu ki Merika — roto i enei wiki tekau ma rua mano e rua rau nga tangata (12,200) kua mate i taua parekura. E kiia ana kei te piki tonu te kaha o taua mate Flu me te Pneumonia —-No Noema 3 onga ra tae mai ki Tihema 29 i tae ki te 2957 nga mea i mate. Kei te kaha hoki taua mate nei ki TiamaniTe ripoata mai kua ki katoa nga hohipera i nga turoro, puhake atu hoki. Kua timata ki Ingarangi engari kaore ano kia kaha. Kei te tohu tohu mai Te Tari Ora kia tupato tatou whakapaua te kaha kite rongoa i o tatou kaainga. Me tukua ripoata ki nga Komiti marae, ki nga Kaunihera, ki nga takuta ranei o nga takiwa.