HINOTA MAORI O WAIAPU.

Toa Takitini, Issue 27, 1 October 1923, Page 2

HINOTA MAORI O WAIAPU.

HO te Hal “ 15 ° nga ra ° Hepetema, 1923, ka tu te Hui a te Ham Maori ki Nepia. I te mate o te Pihopa, noho w . ma * a™ ,¥ m tana riiwhi, ara ko Atirikona Hapata iremu, M.A., hei Tumuaki mo te Hui. WHAI-KORERO A ATIRIKONA HAPATA WIREMU, M.A. E hoa ma, e nga Minita e nga Mangai o te iwi, tena koutou. He mate no te Pihopa i waiho ai ahau hei tumuaki, hei whakahaere i tenei Hui. Kanui tona pouri mo tona korenga o tae mai ki konei, e uru ai ki nga korero ki nga whakaaro o te Hui. Kia puta to tatou mihi ki aiame te inoi kite Atua kia whakaarahia ake ia i tona mate. Tenei etahi mea hei whiriwhiri ma tatou. Te tuatahi, ko moni a te Hahi. . r ORANGA MINITA. Me ka titiro tatou ki nga kaute meake nei ka whakatakotoria kite aroaro ote Hinota ka kitea tenei. Ko nga moni i kohikohia i roto i nga Pariha Maori katoa hei whangai i te Minita i te tau 1922 e £879/8/1, ko nga hua o te Tahua Oranga Minita £372/18/3; hui katoa £1252/6/4. Engari i te takoto nama £998/2/10. Mehemea kaore i kaha te rapu moni ate Hekeretari o te Pihopatanga kua mate-kai nga Minita. Ko taua moni he moni nama, a kaore e taea te hoatu noa ki nga pariha Maori. No reira me puta te kaha o nga pariha kite whakarite i nga nama kei runga i a ratou. Ko tetahi wahi o taua nama kua ea i naia tata ake nei. Engari kia mahara ko te mea pai kia rite katoa a koutou kaute, kia kaua he koha, ara kia kaua he nama. ETAHI ATU MONI. Ko nga moni i kohikohia mo etahi mea ehara i te whangai Minita, koia enei: Mo te Hahi Maori e £B4/4/4; mo nga niahi o te Pihoatanga, £33/4/5; mo te kawe i te Rongopai, £99/19 He mea iti noaiho enei. Inahoki kahore he tahua oranga mo nga wahind e mahi nei i waenganui i a koutou, ara ki Te Whakarewarewa, ki Ruatoki, ki Tokomaru, ki Manutuke, ki Porangahau. He nui tonu nga mahi o te Pihopatanga e pa ana ki te taha Maori, a heoi ano te moni a nga Maori mo ana mea e £33/4/5.

KAWE I TE RONGOPAI. Kite titiro atu ite tirohanga tuatahi he mea pai te kohinga i te £99/19/5 mo te kawe i te Rongopai j engari ko te £7O 0 taua moni he mea kohikohi e nga tamariki o Te Ante o Hukarere. Heoi ano ta nga pariha katoa e £29/19/5. E pohehe ana etahi kite hoatu ete Pariha tana moni mo te hunga e noho ana i roto i te pouri, tera e raruraru nga whakahaere o te Pariha 1 te kore moni. Tena ko tenei i mea a Horomona, “Ta tetahi he he rui, heoi e tapiritia mai ana; ta tetahi he kaiponu i te mea tika, a rawakore noa iho ” (Whtau. 11, 24 . Ko te whakapono te mea e nui ai te ngakau kite kawe ite Rongopai, e ora ai hoki nga mahi o te Pariha. KORE TAMARIKI HEI MINITA. Tera ano tetahi mate e tipu ake ana i runga i t te whakaponokore, ara te kore tangata kia whakatipuria hei Minita. Na te iti o te oranga mo te Minita i kore ai etahi e pai ki te tuku i a ratou mo taua mahi. Kua kite ratou i te nui o te oranga mo te tangata e mahi ana ite hipi ite aha, ite aha. Na te iti hoki o te whakapono i kore ai nga tangata e tapae i etahi moni hei oranga mo nga mahi a te Hahi. Ma te Hui e whakaaro tenei take. KAUPAPA WHARE-KARAKIA. Tetahi mea ano hei whakaaro ma te Hui ko te tuunga o nga Whare Karakia. Ko te nuinga o nga mea o Heretaunga kua tukua ki nga Kai-tiaki o te Pihopatanga tiaki ai (Diocesan Trustees). Engari o Turanga o Ngatiporou me era atu wahi 0 te Pihopatanga kei te takoto noa. TE PAIPERE MAORI. Tenei ano tetahi take hei whakaatu ki a koutou, he take kaore Ipa ki tenei Pihopatanga anake, ara mo te Paipera Maori. Kei te mohio koutou kua pau katoa nga Paipera Maori. Kanui nga tangata kei te tono Paipera ma ratou a kaore e kitea. Kua puta te kupu a tetahi tangata, he tangata aroha kite iwi Maori, ka hoatu e ia te moni kotahi mano pauna (£1000) hei utu mo tetahi wahi o nga raruraru mo te perehitanga hou o te Paipera. (Ko te ingoa ote tangata nei kaore e panuitia i runga ano i tana tono kia huna tana ingoa.) Kua tu tetahi Komiti, kua whakaritea etahi tikanga mo taua taanga hou. Ka iti iho te Paipera hou i te mea tawhito. Ko etahi wahi kaore i tino hangai te whakamaoritanga ka whakatikaia. He ruarua nei nga wahi pera. Kua mea te Komiti ko au hei tumuaki mo te hunga hei mahi i taua mahi. Taihoa ano whakaatu mai ai te Komiti i Ranana i te wa hei tiraatanga mo te perehi i taua Paipera. TE MIHANA WHAKAORA. Ko tetahi take nui ko te Mihana Whakaora e haere mai nei. Ma koutou te korero mo taua take. Ki te mea he take ano a tetahi o koutou me tuku mai ki te aroaro o te Hui. Ma te Atua e tohutohu o tatou whakaaro, a tatou kupu. kei whakanui i te Hahi, hei whakakororia i a la. Ko nga motini enei i whakaaetia:

NGA MOTINI. (1) Kia whakaturia ano nga Hui tau a te wahanga Maori o te Hahi i roto i tena Atirikonatanga, i tena Atirikonatanga, notemea kei enei Hui ka rangona nga reo, ka mohiotia hoki nga whakaaro o nga morehu o te iwi Maori mo nga take a te Hahi epa ana kite iwi Maori. ■ Na Peneti te Motini. Na Kenana Pahewa i tautoko. (2 I Notemea ko tenei tau 1923 te hurihanga o te rau tau o te taenga mai o Te Wiremu Karuwha, a i muri tata mai o tana taina hoki o Wiremu Parata, nga tangata na raua nei i hora te maramatanga ote whakapono ki runga ki te iwi Maori mo nga tau e rim a tekau, na (a) E whakaae ana tenei Hui kia whakaarahia he tohu whakamahara ma te iwi Maori motuhake mo enei pononga a te Atua. (b) Ko taua tohu kaua hei te kohatu hei te rakau, engari hei tetahi ropu hei whakahaere tikanga e taea ai te kawe i te maramatanga o te Rongopai ki nga wahi o te ao kei roto i te pouritanga e noho ana, ara he Ropu Hora i te Rongo Pai (Maori Missionary Society). (c) Ko te whakaaro o tenei Hui me whakarite ki a £IOO i te tau hei aroha ma nga Maori o tenei Pihopatanga mo te kawe i te Rongo Pai. (Ko te moni ma ia Pariha e £8 ite tau. Mehemea ka hiahia etahi Pariha kite whakahaere Tahua mo tenei take, ko te moni hei rapu £l5O. Me tuku mai tenei moni kite Tari ote Pihopatanga i Nepia, ko te itareti anake hei whakaputa i ia tau i ia tau mo te hora i te Rongopai. Ko te pai o te Tahua, kotahi tonu mahinga atu, kua rite te £8 itarite mo ake tonu atu. I Na Peneti te Motini. Na Te Waaka i ''tautoko. (3.) Kia whakaritea tetahi tangata hei haereere i te Pihopatanga kite whakariterite i nga take moni epa ana ki nga Pariha Maori. Na Piri Munro te Motini. Na Hemi Huata i tautoko. 4. Kia tu tetahi komiti Maori o tenei Pihopatanga hei rapu tikanga mo nga mea o te taha Maori o te Hahi, hei whakaatu hoki i aua take ki te Pihopa. Na Atirikona Tiatetene te Motini . Na E. Mohi Eruini i tautoko. (5.) Kia whai-whakaaro nga Matua me nga tamariki o te iwi Maori ki te mate o tenei Pihopatanga ite kore tamariki i te Kura Minita, a kia kaha ki te rapu ite rongoa mo tenei mate. Na Atirikona Tiatetene. Na Peneti i tautoko.

He nui, he hohonu te whiriwhiri mo tenei take. Kua waiho te whakaotinga mo tenei take kia whakaaetia te Komiti i te motini nama 4. (6.) Kia kaha te manaaki a te Hahi Maori i nga whakahaere o te Mihana Whakaora, kia whiwhi ai tatou ki nga manaakitanga mo te tinana mo te wairua i roto i nga mahi o taua Mihana. Na Peneti te Motini (i te mea kei Akarana ke a Kenana Ata Wire mu.) Na Peni Hakiwai i tautoko. . . (7.) I whakaatu te Perehitini i nga ahuatanga mo te perehi i te Paipera hou, itemea kua kore he Paipera inaianei. He nui te whakamihi o te Hui ki nga whakamarama a te Perehitini, ara a Atirikona Hapata Wiremu, mete mihi atu ki a ia mona kua tu nei hei tiamana mo te komiti perehi. (8.) Kia puta he mihi ma tenei Hui kite Perehitini mo te pai mete marania o tana whakahaere i nga take ote Hui. me te tono atu ki a ia kia whakaaetia tana whai-korero me nga motini kia perehitia hei whakaatu i nga mahi o tenei Hui. Na Mohi Eruini te motini. Na Te Waaka i tautoko.