REV. PARAONE POHOKURA TUREI.
NO te 25 o nga ra o Hune ka moe a JJN Paraone Pohokura Turei, ite moe e kiia nei ko te moenga roa, i tona kainga i Kopuaroa, Waipiro Bay. Ko tona mate i mate ai he piwa —ko ia tonu te tangata tuatahi o Ngatiporou kite hinga ite piwa taipo i tenei tau, engari ko tona mate he mea tiki nana i Turanga. He raruraru i pa ki tona whanau ka haere raua ko te taina ko Teki ki Turanga, kotahi to raua wiki ki reira ka hoki mai, engari kua noho ke te purapura ote piwa ki roto i a raua. Kotahi te wiki ki te kainga ka takoto a Paraone, na te nui tonu ote mate i takoto ai. Ka takoto atu a Paraone
i roto o VVaiapu ka takoto mai ko tona taina ko Teki i Opotiki he piwa ano te mate. Ko te tuahine i Turanga raua ko te hoa tane me a. rana tamariki, he mt£te po te tane i haerem -kh reira. ; Ka takoto 'a Paraone ka hold mai te tuahine, ka kotahi te wiki kite kainga ka takoto te tamaiti he piwa ano te mate, a kaati inaianei nui atu te mate, Ka kowhirra tenei tokotoru he hunga katoa i hoki mai i Turanga, i te puna o te piwa taipo. Tera atu ano etahi tangata o Ngatiporou i hoki mai i Turanga kua pangia e te piwa taipo. Whakateka ai te Maori ki nga mahi whakatupato a te pakeha mo te piwa taipo, ara ko tenei mate he mate rere. Kua titiro haere nga kanohi o te Maori kua kite i te wehi o tenei mate weriweri. Apopo ka wehi te tangata kite haere ki 1 uranga,kua kehua whakahaehae tonu te ahua. Te panga mai o te mate o Paraone kaha —-katahi ano hoki ia ka pangia e te mate. He tinana pakari a Paraone he toa ki nga mahi takaro ; otira i te panga mai o tona mate kore rawa ia i koiri i whawhai ki tona mate, kaore i roa e takoto ana ka hemo. Ko Paraone te tama a te wahine tuarua a Rev. Mohi Turei, a Kararaina. I timata tana kura ki Rangitukia. Ko Rangitukia ano te kura o Rev. Poihipi Kohere, o Henare Kohere, o Terei Ngatai, o Pekama Ka, me etahi atu. Ka puta atu i Rangitukia ka haere a Paraone ki Te Ante Karetihe maha ona tau i kura ai ki reira, a no reira tonu ka kitea tona toa kite putupooro. Mutu mai i Te Ante ka noho ia ki Te Raukahikatea, he maha ano ona tau i kura ai ki reira. Ko te mahi i rongo nui ai a Paraone i enei tau he putupooro. Kite purei a Paraone kei a ia katoa nga kanohi o te hunga matakitaki. He tangata lino tau a Paraone ki taua mahi—ki taku whakaaro ko ia tetahi o nga tangata tino pai atu o Niu Tireni katoa kite putupooro. Tu minita nei ia kahore i wareware-i a ia taua mahi, nawaia ka kiia e nga kaumatua na te putupooro te mate o Paraone. No te tau 1908 ka whakapangia a Paraone hei rikona, ka tu ko ia hei minita mo te pariha 0 Whareponga engari i noho ia ki Waipiro. 1 fe matehga o Rev. Aperahama Tamihere o te pariha o Puparoa ka huia nga pariha o Whareponga o Tuparoa ka huaina ko te pariha o Hikurangi ka tu kp Paraone hei minita. No te tau 1910 i whakapirititia ai ia. E wha ano ona tau i tu minita ai ka mate nei. Ko ona tau i kura ai nui ke atu i ona tau i minita ai na konei te ngakau Maori ka rhea, " katahi te moumou nui." Otira kaore tatou e mohio ki nga whakaaro o te Runga-rawa, kaua tatou
e amuamu. He wa ano pea tenei i whakantea e ia hei mutunga mo te mahi a tana pononga i tenei ao, tera pea kua whakawhiwhia ia ki tetahi mahi nui atu kei te ran°i. Kahore tatou e mohio* Ko.te tangi ia a nga iwi o Paraone nui atu. I pirangatia a Paraone ete tamariki,-tae.noa kite kaumatua,.na.reira i tona matenga wiiakataetae ana te tamariki ki te-kaumatua kia. kitea ai .na wai ranei te tangi nui. Tetahi tangi tinomui na Ngatiporou ki tona minita.i te taenga mai o te tupapaku ki VVhareponga, i nehua hoki ai ki reira ara/ te Taiporulu.'. mamae te ngakau ote tangata. Ko tetino take i arohaina ai a Paraone e te tangata, i tangihia ai he ngawari no Paraone, he ngakau mahaki. Ko te tino puawai tenei o te ao katoa ko te ngakau mahaki; ko te whakaiti ngawha tenei puawai i runga i a Paraone a kitea ana e te tangata. He tamariki. ano a Paraone ehara i te pakeke inahoki ka 28 ano ona tau. Kaore ia i tino eke ki nga tau o te kaumatuatanga mei eke ia tera noa atu.ana mahi, ana kupu, ana whakahaere, otira kei te kaihanga e mohio ana—" waiho i tana i pai ai." Ko te pouri nui kei tona hoa wahine, ka pani ana tamariki, kei tona raatua ka maha nei nga tau i takoto ai ia i te moenga, kei tona koka, kei ona whanaunga katoa. Haere, hoatu, e Para, nau i whawhai,. a kati haere. Haere ra e hika Koutoii ko matua Unuhia i.te.rito o te harakeke Ka tu i te aro a kapa Aku nui aku rahi Aku whakatamarahi kite rangi Waiho te iwi mana e mae noa. —R. T. K.
Permanent link to this item
https://paperspast.natlib.govt.nz/periodicals/PIPIWH19120701.2.4
Bibliographic details
Pipiwharauroa, Issue 170, 1 July 1912, Page 2
Word Count
928REV. PARAONE POHOKURA TUREI. Pipiwharauroa, Issue 170, 1 July 1912, Page 2
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in