HAERE KI PAERAUI KI ERA TINI I TE PO.
He mihi poroporoaki mo tc matenga o RIHIRI HONE HETANA, Pirimia o Niu Tireni, Na Nga Iwi Maori o Aotearoa o To Waipounamu. Noho mai e Whae, koutou ko to whan iu, koutou nga morehu, koutou te kirimate, noho mai i roto i te whare pouri, i te whare mate. E tangi ki to koutou mate ! Awhi mataotao i a ia ka wehe na ia koutou, kua riro kite po kua moe ite moengaroa. Ina ra ia e takoto mai nei. Takoto mai e koro kia tangihia koe o e iwi Aue ! Ka maute punga here ote waka nei. Ka ngaro koe te Kai-hautu. Te Kakakura o roto i te pokai, te Puhi o Aotearoa, te kura whakahirahira o Te Waipounamu, te mauri o te whenua, te mauri ote tangata, haere ! haere ra ! Haere atu e Pa! haere ki Paerau, takahia atu teone ki Haumu, hoatu ki era tini ite po ! Waiho te iwi mana e mae noa ! Moe mai ePa i runga ite atamira. Whakata ito mauiui. I kauria e koe te moana-nui-a-Kiwa, i roto i nga ngaru tuatea, i nga hau pukeri nui,, e ngana ana ki nga iwi, ki nga moutere nei, ki to matua-iwi i tawahi kia kite, kia mahi ite tika. Na aitua koe i kapo ki waenga moana ina e tau nei to waka i te aio. Takoto i runga i o mahi ka paenga, waiho ake era hei pou whakamaharatanga ki nga uri whakatupu. Ahakoa ngaro ito tinana, mau ana i to wairua kaha kua paoho i runga i nga tikanga, ka noho ora i roto whakakorikori ai. E te iwi, whakaarahia to tangi taukuri mo te matua ka ngaro. Te pa whakaora kua tahuri! te parepare ote iti ote rahi kua taupokina ! te Rata whakamarumaru kua whati! He hinganga totara i te wao-nui-a-Tane he matenga tino tangata ; ngarue ana te whenua. Te whakaruru hau o te iwi ko wai ra hei mau i to iwi Maori i muri nei ? E Pa, ite po, kia mau mai te mahara! Kaati ra e Whae ! Hei konei koutou ko to whanau i te rnea kua turia te marae o aitua. Ko o talou ngakau hei urupa mona, ma te aroha e tieki i roto i nga tau mahi.
Hei konei ra! I hainatia e Timi Kara, e nga mema Maori me nga rangatira tane, wahine 150 o nga motu e rua nei.
Permanent link to this item
https://paperspast.natlib.govt.nz/periodicals/PIPIWH19060701.2.11
Bibliographic details
Pipiwharauroa, Issue 100, 1 July 1906, Page 9
Word Count
406HAERE KI PAERAUI KI ERA TINI I TE PO. Pipiwharauroa, Issue 100, 1 July 1906, Page 9
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.