KURAHAUPO TONGARIRO.

Pipiwharauroa, Issue 61, 1 March 1903, Page 3

KURAHAUPO TONGARIRO.

Ki Te Etita o Te Pipiwharauroa.

1 i~l HOA; tena koe! Te kai pupuri i te I* J mauri ota tatou manu, e tau mai na i roto o Turanganui ; e iri mai na tona kohanga i runga o Te Rakau Kahikatea, e whaia nei ona hua, e nga iwi o nga hau e wha o te motu nei.

Kia ora, i runga i te kaha kite mahi; i runga hoki i to maia kite tukutuku mai i nga korero o tena wahi o tena wahi, hei whakarongo ma te taringa, hei titiro hoki ma te kanohi, he ngahautanga hoki ki roto kite ngakau mokemoke ; koia ra ahau to hoa pononga i roto i te Ariki, ka tuhi atu nei i enei kupu hei uta atu mau ki runga i nga whakaruruhau o te oha a o tatou matua ara oTe Pipiwharauroa ; kite mea ra e toku hoa pono, e tau ana ki tau titiro iho, utaina atu hei whakarongo ma nga taringa horokapua; ko nga taringa

muhukai ia, hei aha mana te whakarongo ki nga kupu tohutohu ; heoi ano taua e whakaaro ai ko nga mahi kikino, ara ko te kanga, ko te tahae, ko te puremu, me era atu mahi kikino, e tu oioi ai te ahua o tona tinana me tona wairua kite aroaro ote Tama ate Atua, ate ra whakamutunga ; inahoki itera i pakaru ai a Tarawera Maunga i te tan 1886, i a Hune, ite 10 nga ra, i tino kite oku kanohi i ana tu tangata kaore nei e whakarongo, e aue ana nga waha, e takoto ana me he mea nei kua mate, i te kawenga a te wehi ko etahi i man mai i a ratou Paipera ki o ratou uma mete karanga mai ko te ra whakamutunga o te Atua tenei; te mahara kite kupu ate Karaiti, kia “ mataara rapea kei rokohina koutou e te whati i te po,” he po hoki te taima i pakaru ai a Tarawera; ko oku hoa minita i kite i tenei ahua o te tangata i taua pi; ko Rev. Wiki te Pa no te Rarawa, ko Rev. Renata Tangata m te Rarawa, i tino kite enei pononga a te Atua i te lino rerengaketanga o te ahua ote hunga whakapono kore, mete ahua ote hunga whakapono. Koia ka kimi oku whakaaro he aha ra i penei ai te ahua o te tangata i hanga nei e te Atua kia rite ki tona te ahua, hei mahi i tana i pai ai. Koia nei te take ki taku mohio he waiho noa iho i nga Paipera i nga Rawiri i nga Himene Ida takoto noa atu i roto i nga whare i roto ranei i nga pouaka kaore e hoki atu te mahara he tirotiro ano tetahi mea i te Paipera i te Rawiri i te Himene.

Na, whakarongo mai e te whanau, kaua e waiho noa atu a koutou Paipera i te whare takoto noa iho ai haria kite ringaringa ina haere koe i nga Ratapu kite karaki 1 ina ranei kite watea koe i o raruraru, ka titiro ai ito Paipera, kaua e wareware i a koe, kei mahue to Paipera kite whare aka tawhiti to haerenga, kite rokohanga koe ete whati ite po kaore o taima hei whakapiringa i to Paipera ki to uma, pera me nga tangata i kite nei ahau i te po i pakaru ai a Tarawera Maunga. Tenei me matou e noho atu nei i. tenei wahi o te mara waina a to tatou Ariki. Oho mauri ana te paohotanga mai o te reo 0 Te Pipiwharauroa, e karanga haere ana i enei marae. E mea ana: “Maranga, maranga e tenei e moe nei ara ake i te mate, ma te Karaiti koe e whakakaha,” koia ka whakahokia te kupu, karanga e hoa e Te Pipiwharauroa. tenei ra o tupuna waka a Kurahaupo raua ko Tongariro kei te kaha kite pupuri i o kupu whakahau, ara koia tenei no te 2 o nga ra o Maehe nei ka tae mai te Pihopa o Whakatu ara o Nerehana, a Pihopa Miuru ki run^ a i a Kurahaupo raua ko Tongariro haere ai. & Ko

tana haere mai he whakapa i nga iwi o runga i a kurahaupo raua ko Tongariro mo te tango i te Hapa a te Ariki, no te mea hoki ko to matou Pihopa ara ko te Pihopa o Poneke, kua riro kei Ingarangi, koia ka haere mai te taniwha nei i tera motu, ki enei motu. Ka Marutuna te ahua ka pai te iangata ka roa ka nui man ana te wehi mete mea hoki te rewera i akiha te kohamo kite Hoari a te Wairua, ara kite kupu ate Atua. Oma patiko atu ana ki tona wahi pouri noho mai ai mete wiri ano. “ E whakapono ana koe kotahi tonu te Atna e pai ana tau meatanga e whakapono ana nga fewera mete wiri ano.” (Hemi 2. 19.) Ta te Atua tangata ra i whiriwhiri ai hei kai mau i tana patu kari i nga kauae o te mok parae nei o te rewera puta ana nga whakawhetai ate ngakau kite Atua mona i aroba kite tono mai i tana pononga ki enei takiwa i runga i to maua whakaaro ko taku matua ko Rev. A. O. Wiremu kia tae mai taua pihopa kite whaitohu i nga hipi tang ita o roto i to maua rohe. Ko Te Wiremu i a Kurahaupo raua ko Tongariro ; kati no te 3 o nga ra o Maehe nei ka whakapangia nga tangata e 33, kite whare karakia i Puurutaone. He tokomaha te hunga i rite mo taua whakapa kaore i tae mai i te nui o te raruraru ki nga mahi whenua ; heoi kei te noho rite ano ratou mo te whakapa a tona wa e takoto mai nei. Ko tenei kua maro tonu te haere a te pihopa ki Karioi, Tongariro, raua ko Te Wiremu ki te whakapa i nga tangata o era takiwa. Kei te whakarite haere tonu to hoa pononga e te Etita i o kupu whakahau : 1. Kia marenatia te hunga kaore ano kia marenatia. 2. Kia iriiria nga tamariki me nga pakeke kaore ano iriiria. 3. Kia whakawhetaitiu nga wahine i te whanautanga tamariki. 4. Kia whakapangia nga tangata mo te tango ite Hapa tapu ma te Pihopa rate 4 o nga rarangi nei e whakarite heoi taku ko te kura haere i nga tangata. Ko tenei e hoa lukua mai e koe kia maha nga Pi pi ki ahau, hei hoatu ki nga tangata mei kore e tahuri kite awhinatahi ita tatou manu, nga iwi o enei takiwa, hei taatoko i nga kupu whakahau a taku hoa a Tame Arapata, Me luku mai he pepa ki enei tangata toooono, maku e tuku atu te moni. Tera tenei iwi e tango i Te Pipi no te mea kei te reka tana tangi ki enei marae. Heoi ra e hika kia ora hei kona noho mai ai. Na to hoa mahi i roto i te Ariki. Na T. Tokoaitua. Parewanui.