RIPENETA.

Pipiwharauroa, Issue 61, 1 March 1903, Page 8

RIPENETA.

(He Kauwhau.) ( Mat. iii. 2.) HE tikanga pai no nga ra o te Hahi o mua kia ata uiui nga Karaitiana i o ratou ngakau i te wa o Reneti, kia whakaarca o ratou ara. E karanga ana te Atua ki a tatou i tenei wa kia whakaaroa a tatou mahi ahakca kite Atua, ki o tatou hinengaro anake ranei. He ugoikore tatou. Ma te Wairua Tapu tatou e whakakaha, e whakarnohio hoki, kia mohio ai tatou ki o tatou ngakau, kati, me tino inoi atu tatou kia hangaa e te Atua he ngakau hou, he ngakau ripeneta ki roto ki a tatou. Ae ra, he ngakau ripeneta. E hca ma, mo rurga i te ripeneta taku kupu ki a koutou i tenei a; a. I mua atu i te haerenga mai o nga mihingare ki Aotearoa nei, kihai te iwi maori i mohio ki tenei kupu, kite ripeneta. He kupu hou tenei ki o koutou tupuna. A i erei ra, he tokcmaha nga tangata kahore i te mohio he me a tika kia ripeneta ratou. Engari e inea ana te Atua kia matua ripeneta nga tangata katoa i mua i to ratou tapokoranga kite rangatiratanga o te rangi. He mea nui te ripeneta, e ai ki nga whakaaturanga i roto i nga Karaipiture. Koia nei te kauwhau a Hoani kai-Iriiri, “ Ripeneta kua tata hoki te rangatiratanga o te rangi.” E rite ana ki tenei te kauwhau tuatahi a Ihu, ara, “ Ripeneta kua tata hoki te rangatiratanga o te rangi.” I te ra o te Petekoha i rnuri i te kauwhau a Pita ka ui nga tangata ki a ia ‘ me aha matou ?’ a ka whakahokia e ia ‘ Ripeneta kia iriiria tena tangata tena tangata o koutou i runga i te ingoa o Ihu Karaiti, hei murunga hara.’ I te korerotanga hoki a Paora ki nga kaumatua o Epeha, i mea ia, ‘ kua kauwhautia e au ki nga Hurai ki nga Kariki te ripeneta whaka-te-Atua, mete whakapono ki a Ihu Kaiatu’ Waihoki i roto i te Katikihama, ko te whakahoki kupu tenei kite patai ‘ kia aba nga tangata ka tika ai kia iriiria, ‘ kia ripeneta, ara, kia mahue i a ratou te hara: kia whakapono hoki, ara kia tino whakaponohia e ratou nga meatanga mai a te Atua.’ I nga tau kua pahure ake nei, he maha nga mea kua rere ke, engari pumau tonu nga mea pono o te Rongo Pai; kahore o ratou rere ketanga. 1 mua i hara te tangata; i tenei ra hoki, kei te hara te tangata. Ma te Rongo Pai anake, nana nei i totika ai nga tangata o mua, ma taua Rongo Pai anake e totika ai

te noho o enei ra. Ahakoa he Rongo Pai tawhito, engari kei te hou tonu. Te kupu tuatahi o taua Rongo Pai, ko te Ripeneta.

He aha te ritenga o tenei kupu o te Ripeneta? Ko tona ritenga kite Kawenata Tawhito ko te tahuritanga. ‘Ki te tahuri mai ano hoki te tangata kino i tana kino i mahia e ia, a ka mahia e ia te mea e rite ana, e tika ana, ka ora ano i aia tona wairua.’ Koia nei te kupu ripeneta. He maha nga tangata e haere ana ma te ara kino, ka tahuri ke atu i te Atua, a ka hnere ratou whaka-te-rewera. E morearea ana ratou. E haere ana ma te ara nui e tika ana kite ngaromanga. E karanga ana te Atua ki enei, e mea ana, ‘ Ripeneta,’ tahuri mai, tahuri mai koutou i a koutou ara kino: kia mate hoki koutou hei aha ? Me matua tahuri atu ratou kite Atua, ara, me ripeneta ratou ite tuatahi, ka whakaorangia ai. Ka nui te marama o te ritenga o te kupu ripeneta i roto i te kupu whakarite a Ihu mo te tamaiti mauraau taonga, i haere ia kite whenua tawhiti, maumauria ana cna taonga ki rcira, he toreretanga kite kino. Koia nei, te tohu 0 te ripenetatanga o tenei tangata, 1 te hokinga ake o ona whakaaro, ka mea, ka whakatika ahau, ka haere ki toku matua, ka mea ki a la, E pa, kua hara ahau kite rangi ki tou aroaro ano hoki.’ Koia nei te ngakau ripeneta, ata, i tahuri atu ia ki tona papa. Kati, kite tahuri atu tetahi tangata kr te Atua, a kite mea ia ki a la i roto i tona ngakau, ‘ E pa, kua hara ahau ki tou aroaro,’ koi na te ripeneta. Kei te hara nga tangata tokomaha, kei te ripeneta nga tangata torutoru. He mea tika kia ripeneta tatou i -ia ra i ia ra, aua ki o tatou ngutu anake engari ki a tatou hanga ano hoki. 1 mea a Hoani kai-iriiri “ Whakaputaia he hua e rite ana ki o te ripeneta.” E matea ana e tatou te maramatanga o te kupu a te Atua hei whakamarama i o tatou ngakau, a hei whakaatu i o tatou he ki a tatou ano, katahi ka kitea e tatou te kino hei whakarerenga ma tatou ; ka mohio ai hoki tatou ki nga mea tika kua kapea nei e tatou, katahi ka awhinatia tatou ete Wairua Tapu kite ripeneta pono, a kite whakaputa ite hua ote tika. Mehemea kua haere koutou i mua i te ara kino, tahuri atu i tenei ata, tahuri atu kite Atua, kia pono te ripeneta, a ka whiwhi koutou kite maramatanga ote Atua.