HE MANGUMANGU KOHURU.

Pipiwharauroa, Issue 30, 1 August 1900, Page 10

HE MANGUMANGU KOHURU.

I tae mai tetahi waea o Poihakena he whakaatu i te kohurutanga a etahi mangumangu i etahi pakeha, taane, wahine, tamariki, i tetahi taone iti i te tuawhenua —he kohuru tino wetiweti rawa. Nga mangumangu kua whakapaea mo taua kohuru ko Timi me Tio Kawana, ko Tiaki Anawutu, ko Tiaki Poata, mete wahine a Timi Kawana, he wahine pakeha. I haere aua mangumangu kite whare o Mopere, rokohanga atu kaore taua tangata i te kainga engari tona wahine me ona tamariki me tetahi wahine kai-whakaako. Ite patototanga atu i te tatau o te whare ka huakina e Paahi, he tamaiti tane, 15 nga tau. Kotahi tonu whakahekenga o te toki a tetahi o aua mangumangu mate rawa. Katahi ka

karanga nga mangumangu “ Tomokia, patua katoatia.” Ko tetahi o nga tamariki taane i huna ki raro 1 te moenga, ko tetahi i rere ma te matapihi ka oma kite whakaatu ki tona papa. Tae rawa mai tera kua oma ke nga kai-kohuru, engari ko ta ratou parekura e wharona ana. Ko Hirita Mopere raua ko Mlihi Keeha, te kai-whakaako, 1 rere ma te matapihi, katahi ka oma mete pupuri tonu o raua ringaringa. Ka mate katoa nga mea i mahue iho ki roto kite whare katahi raua ka whaia e Tieki Anawutu. Ko Mild Keeha i tapahia kite toki ite tuatahi, (i te kitenga e takoto tonu ana- i roto i ona kakahu moe) ; ko Hirita i tohe ano kite oma, engari i taka ki roto i te manga, patua iho e Tieki ki reira. Etahi atu i kohurutia ko te wahi le a Mopere ko tetahi o ona tamahine ko Kerehi, me tona iramutu me Erehi Karaka. I puta ano a Kerehi ki waho ma te matapihi, engari no te putanga ki waho ka patua. Tokorua nga tamariki pakupaku kaore i patua. Kaore i tino mohiotia te take nui i pakari ai nga mangumangu nei kite patu tang*ata. Ko ta ratou mahi he maid taiapa ma Mopere, he iti noa iho te moni kaore ano i utua, engari he hoatu kai tonu te mahi a Mopere ma aua mangumangu. Ko Thru Kawana anake raua ko Tiaki Anawutu kaore ano kia mau, kua tomo raua ki tetahi ngahere tino nui tino kino hoki, a tera e uaua to raua mau. He hoiho o raua, he toki he pu kei a raua. Ko nga mea 0 ralou i mau i mea kaore ratou i te kohuru. Ko te wahine a Timi Kawana he wahine tino kino atu. Ko te take i hopukia ai taua wahine ra runga i te korero a te wahine a Mopere 1 mua atu o tona matenga, i rongo ia i te reo wahine i waho o te whare. I te whakawakanga he kata tonu te mahi a taua wahine. No muri mai ka puta mai nga rongo kua kohurutia tetahi kaumatua ko Makai te ingoa, ko tona wahine i patua ano engari kaore i tino mate rawa. I muri mai ano ka puta mai te rongo kua kohurutia ano tetahi wahine raua ko tana tamaiti paku 18 nga marama, ko te koka i puhia kite pu ko te tamaiti i tapahia kite toki. I tino wetiweti rawa te patunga i enei. Ko nga tamariki a Makai i whakaorangia mo te hoatutanga he hoiho mo aua mangumangu. Tenei ake pea etahi atu tangata ka kohurutia. He nui nga tangata kei te kind i nga mangumangu nei, kua tukua ma te kuri e hongi haere o raua haerenga. Kua whakaritea e te utu kite mau kite mate ranei te mea kotahi o aua tangata. Kanui rawa te kino o tenei kohuru. Ko te iwi mangumangu o Ahitereiria tetahi o nga iwi whakamutunga mai i te ao nei, a e kha ana ko

te iwi Maori te iwi rangatira atu o nga iwi maori katoa, otira e whakataurekareka ana ano etahi Maori i a ratou kite kohuru tangata. He tokomaha nga tangata e kore rawa e kohuru mehemea i tapae atu ratou i o ratou ngakau hei nohoanga mo te Wairua o te Atua, i mea hoki a te Karaiti, “No roto hoki no te ngakau o nga tangata te putanga o nga whakaaro kino, o nga puremu, o nga moe puku, o nga kohuru Kite nohoia taua ngakau e te Wairua Tapu o te Atua ka ngaro te whakaaro kino, te puremu, te moe puku, te kohuru, engari ka makuru ko nga hua whakapaipai o te Wairua, ara “ he aroha, he hari, he rangimarie, he manawanui, he ngawari, he ngakau pai, he whakapono, he ngakau mahaki, he ngakau kua taea te peehi.” ( Karatia v. 22, 23.) “ Homai, e taku tamaiti, to ngakau ki a au.” ( Whakatauki xxiii. 26.)