TE UPOKO TUATAHI O KENEHI.
Ka korerc.tia mai Ida tatou i ia tau, i ia tau, te upoko tuatahi o kenehi : kei te mohio hoki tatou kite mea i korerotia mai kia tatou i reira, ara ki ta te Atua hanganga i nga mea katoa. Engari kite puta mai te patai, He aha te mea i hanga e te Atua i te mea o nga ra ? E kore pea e tokomaha rawa te hunga e ahei te utu i te patai. He aha rate take i penei ai to tatou wareware ki nga mea, he maha nei nga korerotanga mai kia tatou ? Tetahi take tenei; Kaore ano kia kite te tokomaha he mea whakatepe haere ta te Atua mahi; ehara ite mea lie mahi noa tana iia ra, iia ra, engari kite whakaritea te mahi o tetahi ra ki to tetahi ra, ka kitea he mea ata whakarite nga mahi i nga ra katoa. Kite maharatia tenei ka mau tonu te mahara kite mahi o tetahi ra, o tetahi ra.
E ono nga ra e mahi ana te Atua. Wehea aua ra e ono kia rua nga wehenga. Katahi ka ata whakararangi ai i nga ra o tetahi wehenga, o tetahi wehenga. Kia penei:—
Katahi ka rapu i te Paipera te mahi i ia ra, i ia ra. Ko te mahi i te ra tuatahi, ko te maramatanga (rarangi 3); ite ra tuawha, ko nga mea whakamarama (rarangi 14), Ko te mahi i te ra tuarua, ko te kikorangi hei wehe i nga W'ai (ra:angi 6); ite ra tuarima, ko nga manu i te kikorangi me nga ika i te wai (raiangi 20). Ko te mahi i te ra tuatoru, ko te tua-whe-nua (rarangi 9), me nga rakau ( rarangi 11); i te ra tuaono, ko nga kararehe (rarangi 24), mete tangata ( rarangi 26). Heoi ka kitea tetahi tikanga mo nga mahi i nga ra taki. ua, takirua. I tetahi takirua, ko te Maramatanga me nga mea noho o reira. I tetahi takirua, ko te Kikorangi mete Wai, me nga mea noho o reira. I tetahi takirua, ko te Tua-whenua me nga mea noho o reira. He tikanga ano mo nga ra takitoru I tetahi takitoru (ra 1, 2, 3): i hanga nga wahi. I tetahi takitoru (ra 4, 5, 6): i hanga nga kai noho i aua wahi. Tenei ano tetahi ritenga o nga ra takitoru : i te ra tuatahi, i te ra tuarua, o ia takitoru, o ia takitoru, (ara i nga ra 1, 2, 4, 5 ) kotahi tonu ta te Atua kupu ; “Ka mea te Atua ” (rarangi 3, 6, 14, 20). Engari ite ra whakamutunga oia takitoru, oia takitoru (ra 3, 6) takirua nga kupu ate Atua. Itera3 “Ka mea te Atua ” (rarangi g, 11 ); itera6 “Ka mea te Atua” (rarangi 24, 26). Tera ano he ritenga o nga mea i hanga i nga kupu tuarua o aua ra. I hanga te rakau i te ra 3, hei whakapaipai i te tuawhenua i hanga ra i taua ra pu ano; i hanga te tangata i te ra 6 hei rangatira mo nga kararehe i hanga ra i taua ra pu ano. Ka marama i enei korero ta tatou Tepara 11, hei whakaatu mai i nga mahi o aua ra.
Tenei ano tetahi kupu mo nga wahi i hanga. Kei waho rawa te maramatanga ; kei raro o te maramatanga, ko te kikorangi ; kei raro o te kikorangi ko te tuawhenua. I pera ano te tikanga mo te hanganga i nga kai-noho o aua wahi. I matua hanga nga mea whakamarama, i mutu hoki te mahi kite tangata, ara i timata te mahi i tawhiti rawa, i whakatepe hoki te whakatatanga mai, tae rawa mai kite tangata. I te wa i whakaohokia ai a Mohi e te Wairua Tapu kite tuhituhi i ana pukapuka, e karakia whakapakoko ana te nuinga o te tangata ite ao. I penei ai te korero mo te hanganga i nga mea katoa kia kitea ai e te tangata te kuare ote karakia kite whakapakoko. I hangaia ete Atua nga wahi katoa, kaore hoki he wahi i waho o nga wahi i hanga i nga ra e torn. I hangaia ano hoki eia nga mea katoa e kitea ki aua wahi. Heoi he tikanga kuare ta te tangata e karakia ana kite mea hanga, e wareware ana kite Kai-hanga. Rom i, 25. Tena ko tenei, ko te tikanga pai kia titiro tatou ki nga mea i hanga, kia mahara hoki kite Kai-hanga, kia karakia ki a la. Rom i, 20.
TEPARA I. RA TUATAHI. RA TUAWHA. RA TUARUA. RA TUARIMA. RA TUATORU. RA TUAONO.
TEPARA II. Nga Wahi. Nga Mea mo aua Wahi. RA 1. Kotahi te kupu. Te Maramatanga. ra. 3 RA 4. Kotahi h kupu. Nga Mea Whakamarama. ra. 14 RA 2. Kotahi te kupu. Te Kikorangl, hel wehe 1 nga wai. ra. 6 RA 5. Kotahi tc kupu. Nga Ika me nga Manu. ra. 20 RA 8. E rua nga kupu. (1) Te Tuawhenua. rag (2) Nga Rakau. ra. n RA 6. E rua nga kupu. (1) Nga Kararehe. ra. 24 (2) Te Tangata. ra. 26
Permanent link to this item
https://paperspast.natlib.govt.nz/periodicals/PIPIWH18991201.2.9
Bibliographic details
Pipiwharauroa, Issue 22, 1 December 1899, Page 7
Word Count
853TE UPOKO TUATAHI O KENEHI. Pipiwharauroa, Issue 22, 1 December 1899, Page 7
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in