TE MOE.
Kei pohehe nga tangata moe i nga karakiatanga e kauwhau ana au kia ratou; in a noa taka kupu kia ratou na, kite karakia kaua e takoto i roto i te paraikete, kaua e whakawhirinaki engari kia poupou te noho. Ko te tangata e whakawhirinaki ana i roto i te paraikete e powhiri ana ia i te moe kia haere mai kia ia. He takiwa ano mo te oho, he takiwa ano mo te moe ; he takiwa ano mo te ora, he takiwa ano mo te mate. He mea aitua te moe i etahi takiwa. Na te moenga o Hamahona i tapahia ai ona makawe e tana wahine; na te moenga 0 Haora i riro ai tona tao me tona ipu wai i a Rawiri; na te moenga o nga akonga i uru ai ratou kite whakamatautauranga. “Kia mataara koutou mete inoi, kei uru kite whakamatautauranga.” Kite hunga e moe ana i roto Ite hara ko te kupu tenei ate Atua; “Maranga, e tenei e moe nei, ara ake i te mate, a ma te Karaiti koe e whakamarama.” Otira he mea tino ataahua te moe, he tino rongoa. Kia tau te hukapapa, kia ua ranei, ka mahana te moenga, “ka kino te haere a te moe.” I waiatatia e tetahi pakeha reo reka:— “ Something attempted, something done That earns a night’s repose, ” He mahi i timataria, he mahi i oti Po iho reka ana te moe Ae, ko te tangata ahu-whenua e mohio ana kite tino painga ote moe. Te hokinga mai i te mahi kanui te mauiui, a te takotoranga moe tonu atu, ma te tangi rano o te heihei e whakaoho. I mohiotia e Horomona tenei, iha hoki i mea ia : “Ahakoa iti, ahakoa nui te kai a te kai-mahi, ka reka ano tana moe ; te tangata taonga ia, e kore ia e tukua e ona taonga kia moe, ” ( Kai Kauwhau 5. 12 ) engari ka maharahara tonu mo ana taonga. ~He minamina ki tenei (kite moni) i kotiti ke ai etahi ite whakapono, a werohia putia iho ratou e nga mamae maha.” 1 Tim. 6. 10. E mea ana te nuinga o te tangata ma te nui o te moni ka kite ai ite hari; kaore engari ma te hinengaro kua houhia te rongo kia Ihowa. “Mana nei hoki e homai te moe ki tana e aroha ai.”
He tangata taonga a Horomona, a i mohio ia kaore la i tukua e ana taonga kia moe. He maha nga kingi kei te ao nei kaore i te reka te moe i te awangawanga tonu i nga wa katoa. He kingi nui a Henare te Tuawhano Ingarangi, i te nui o te raruraru ki a ia, kaore ia i ahei te moe, whai noa, whai noa kia moe ia kore rawa i moe, ka maranga i waenganui no ka whai-korero kite moe:— E te moe, e te moe! Ano te tini o aku pononga tino rawa-kore Kei te moe i tenei ha °! Ete moe ' ete moe ngohengohe, 6 Ta te Atua rongoa ngawari, he aha koe i wehi ai i au ie hoki max kite peehi iho i aku kamo, A kite roromi i aku mahara kite wahi ote warewarenga ? He aha e te moe i poka ke ai koe ki nga moenga kukawhare, A wharoro rawa i runga i nga moenga maro, Ma tengunguru o te range e whakaware kia moe; Mamie mai nga whare kakara o nga mea rarahi, Nga moenga i ata wharikitia ki raro i nga tautau koura, Mete pioriori ano nga hanga tangi reka? Katahi te Atua kurapa, awhi ke kite ware, I runga i nga takotoranga weriweri ; ka waiho to te kingi moenga, Hei whare matere, hei pere whakaoho? Ka kake rawa ranei koe ki nga maihe aweawe Kite whakakopi i nga kanohi ote tamaiti heramana, huri ai i tona hinengaro Kia moe i runga i te moenga tawhana o te tai; Te oho te aha i nga hau e keri, E hopu na i te keokeonga o nga ngaru kori-nui Ka whakatawhana i o ratou mahunga whakahara, ka tarewa Ki roto i te puehu o te rehu-tai, turi ana taringa i te haruru 0 nga reo huhua o te moana, nana noa te po i kore e oho? A ka taea ia tenei e koe, e te moe whakahoa ! te whakaware 1 te tamaiti hauwaitu nei, i roto i nga whakapakepakc Ka whakarerea i a au te kingi, ahakoa Tino marie, tino ngawari te po Tini ranei nga hanga hei rorotu ? Kati ra, e moe koutou, e te ware waingohia E kore e au te takoto a te mahunga mau karauna. King Henry iv. Part ii. Act iii. Scene i. Ko enei kupu na Wiremu Hakipia i whawhao ki roto ite mangai ote kingi: he tangata tino matau atu ia no Ingarangi, kua mate noa atu. Ata whakaarohia te takoto o tona korero. I riri te kingi kite moe, mo te haere ke kite hunga ware ki nga moenga whakarihariha, kite tamaiti heremana ranei ite moana tena ko ia ko te kingi, kore rawa te moe e whakaaro mai. Te tino kupu ko te rarangi whakamutunga, “E kore e au te takoto a te mahunga mau karauna.” Na Moe-au Te Karauna-kore.
Permanent link to this item
https://paperspast.natlib.govt.nz/periodicals/PIPIWH18991001.2.8
Bibliographic details
Pipiwharauroa, Issue 20, 1 October 1899, Page 7
Word Count
872TE MOE. Pipiwharauroa, Issue 20, 1 October 1899, Page 7
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in