KUI ! KUI ! WHITIWHITIORA!
Kanui nga reta kua tae mai kia matou, he ui mai na nga hoa i te utu mo ta tatou pepa. E nga hoa, kaore e whakaritea he utu, kei te whakaaro o te tangata te tikanga. Ko ta matou hiahia ehara i te mahi moni, engari he whakaako i te tangata, he tohutohu i aia kia mohio kite pai, kite hari. E kore matou e whakaparahako kite hereni kotahi ate rawakore, e kore hoki e arai i te tekau hereni, ite pauna, nuku atu ranei, ate rangatira. Ina te tikanga he, ko te homai a te tangata he moni nei ano ana i te hereni kotahi, e mea ana ia ma raua tangata e utu he pepa mana. No te ware tenei whakaaro. Kia mohio hoki koutou he nui nga moni e pau ana i te utunga i nga tangata ta i te pepa, i te utunga hoki i era atu mea epa ana kite pepa. Kite tuku mai ite moni, me tuku mai i te nooti o te Pou Tapeta i roto ite reta. Kia kino mai ta koutou haere kia kino ai hoki te tangi a ‘Te Pipi.’ E whakamihi ana matou mo te nui o nga reta tuku mai a nga hoa, engari e pouri ana matou i te iti rawa o te pepa nei e kore e hohoro te ta i nga reta. Kaore te Etita e whakaae me reta anake he korero ; a kia kore nga korero o tawhiti, me a matou kupu tohutohu. Kia potopoto te reta kite tuku mai, hei nga tino korero tonu e pai ana kite iwi nui. Kite tuku korero mai, me whakatuwhera te whare, ka tuhi ai i enei reta ki runga ake i te pane-kuini: MSS. Only, katahi ka whakapiri ai te pane kotahi pene. Kia marama te tuhi i nga korero, hei te taha kotahi anake o te pepa. Kongo hakirikiri noa ai matou i nga kupu whakahe mo Te Pipiwharauroa, ko etabi kupu tohutohu mai i tukua a-pukapuka tonutia mai. E whakapai ana te ngakau e nga hoa mo a koutou kupu tohutohu, he whakaaturanga hoki tena no to koutou kaingakau. Kei te mohio tonu matou, kaore ano kia taea ta matou e hiahia ai. E mea ana eta,hi he nui rawa nga
korero whaka-te-ao, e mea ana etahi he nui rawa nga korero whakapono. I whakaurua ai nga korero whaka-te-ao kia ngahau ai te tangata kite korero i ‘Te Pipi,’ hei tiarnu mo te taro ara hei whakareka i te taro kia kainga ai e nga wairua ngoikore hei whakakaha. Kaore a te Maori nupepa pera mete pakeha e weheaketia ai nga korero o te ao. Te tino nuinga o te Maori he koroukore ki nga korero whakapono ahakoa reimana, ahakoa minita. Mo te ki a etahi he nui rawa nga korero whakapono, e whakahe ana matou. Kaore, nui ke atu nga korero whaka-te-ao o roto i ‘Te Pipi’ i nga korero whakapono. Ko to koutou hiahia kia kore rawa he korero whakapono, kia hoatu ko te tiamu anake, kaua he taro. E hoa ma, kia mohio tatou katoa ki tenei ‘Nga tino korero o Te Pipiwharatiroa ko nga korero whakapono Te taha'nui, rangatira o te tangata, ko tona taha wairua. Ko matou kei te mohio kite painga mo koutou, ko to koutou hiahia kia hoatu he anga anake, he papapa. Tirohia a matou korero mo ‘Nga mea. ngoikore.’ Ko nga iwi whakapono kaore i te pai ki nga korero whakapono, he whakapono Parihi ko nga iwi kaore nei e rangona ana to ratou whakapono nui atu te manaaki i ‘ 1 e Pip;.’ Ko nga tangata e hiahia ana kia uru nga korero whakapono, kaha atu ta ratou tautoko i te pepa, kotahi te tangata i tuku mai e £6 ; ko nga tangata e kore ana e pai ki nga korero whakapono, iti noa iho te tuku oranga mai, a ko etahi kore noa iho. Na te whakaturltnga 1 ‘Te Pipi’ ki runga i te whakapono, i manaakitia ai e matou a i mahi ai hoki au i runga i te utu kore. Kua wareware koutou kite tutira o te wairua, tinana, hinengaro, whenua ? Kaati ra e taku iwi kaingakau, he tohutohu na ta koutou manu. Kaua e tuhia mai nga pukapuka kite pepa, ki taku ingoa, e haere ana au ki Whakatu (Nelson) a tenei ra ano, mo nga marama e hia ranei ranei. Ma raua ringa atu e whakairo ta tatou taonga i muri
nei. Hei konei ra, e noho, kia u, kia u rawa kite hari, kite rangimarie, kite ora, ara kite matauranga kite Atua. Na to koutou pononga Reweti T. Mokena Kohere.
Permanent link to this item
https://paperspast.natlib.govt.nz/periodicals/PIPIWH18991001.2.3
Bibliographic details
Pipiwharauroa, Issue 20, 1 October 1899, Page 2
Word Count
775KUI ! KUI ! WHITIWHITIORA! Pipiwharauroa, Issue 20, 1 October 1899, Page 2
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in