TJEANGANUI.
Ki te Etita oTe Pipiwharauroa, E he a, tena koe. - He kupu ruarua nei aku e hiahia ana ki te tuku atu hei maunga ma to manu, ara koia enei. 1 te 12 o Aperira te ra hurihanga-tau o Te Ropu tuku Mihinare kua whakaaturia ra e koe, he karakia nui to matou i te Kareti nei, i te 7 o nga haora i te ata, hei whakamaharatanga mo taua ra, a kua puta ano hoki a matou inoi kite Atua kia whakakahangiatonuitia e la taua Ropu tuku Mihinare kia puta ai te pai mo te iwi Maori, mete ao katoa. Ite Ho nga haora te karakia ki te whare karakia Pakeha (Holy Trinity), mete Hapa a te Ariki. I a Canon Foa, M.A., te Kauwhau. Ko tana rarangi. Matiu 610 “ Kia tae mai Tou Rangitiratanga,” ara te rangatiratanga oTe Atua. Engari ki te kore tatou e mahi, e kore e tae wawe mai. Ehara i te mea no
Te Atua te whakaroi engari no te tangata, kua puta ra hoki te kupu whakahau a Te Karaiii haere meinga hei akonga nga iwi katoa.” Ite 7.30 o te ahiahi ka karakia ano matou ki reira ka huihui katoa nga Pakeha kite whare-kura. Te whai korero tuatahi na Rev. Canon Webb, M.A.. Tana korero ko te timatanga mai o te Ropu tuku Mihinare (C.M.S ), a tae noa mai kite uunga mai ote Eongopai ki Niu Tireni nei. Te whai,korero tuarua na Rev. H. W. Williams, M.A., kaiwhakaako ole Kareti o Te Eaukatdkatea, ara mo te timatanga mai o te Hahi Maori tae noi mai ki tenei ra, me nga raruraru ano hoki i pa mai kinga kai kawe i te Eongopai. Kote tangata Maori tuatahi i iriiria ko Karaitiana Rangi. No muri mai ko Taiwhanga, matua 0 Hirini Taiwhanga mema o te Paremete. 1 puta ano hoki tana kupu whakahau ki nga ' akeha ki a awhinatia te Hahi Maori. Te whaikorero tuatoru na Rev H. Hawkins ara mo te nuinga o nga mahi a Te Ropu tono Mihinare Te whaikorero tuawha, na Reweti Kohere, ara mo te kauwhau ite Eongopai kite ao katoa. Kia kaha tonu tatou kite kauwhau ki to tatou ake whakatupuranga, pera me nga Apotoro i kahara kite kauwhau kite no katoa i mohio ai ratou, i roto i nga tau e toru tekau ano. 1 o ratou na ra ko te mana kaha tonu o Roma to ratou hoa riri, otira inaianei e tuwhera ana te ao katoa ki a tatou. Kite kore e taea e tatou te kauwhau to tatou nei whakatupuranga e kore ano hoki e taea e era atu whakatupuranga. Te whaikorero tuarima na Mr 0. de Latour (Taratoa, tino roia o Kihipaue). Tana korero mo te kaha mo te awhina i te komiti hoko Paipera ki nga Maori, He nui nga waiata o tenei hui. Ite mutunga ka tu te hakari a nga wahine Pakeha. I panuitia te nuinga o enei korero e te nupepa o Turanga, ko nga moni Kohikohi i tukua katoatia ma Te Ropu tono Mihinare. E kore e mohiotia te hokinga mai ano o to tatou Ariki, nana nei te kupu e hoki mai ana ano la. Ka taea ranei te kotahi rau atu tau, ka iti noa mai ranei. Kaore he tangata e mohio. Engari ra kia mataara tatou, e kore hoki tatou e mohio ki te haora e tae mai ai te Tama a te tangata. “ A e kauwhautia tenei Eongopai oterangatiratanga puta noa i te ao, hei mea whakaatu ki nga iwi katoa, a ko reira puta mai ai te mutunga.” Matiu 24, 14. Eru Hakaraia, Aperira 15. 99. Te Rau, Gisborne.
Permanent link to this item
https://paperspast.natlib.govt.nz/periodicals/PIPIWH18990601.2.6
Bibliographic details
Pipiwharauroa, Issue 16, 1 June 1899, Page 4
Word Count
607TJEANGANUI. Pipiwharauroa, Issue 16, 1 June 1899, Page 4
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in