Whakamahara kei Taupo.

Kopara, Issue 88, 30 June 1921, Page 8

Whakamahara kei Taupo.

ITAE te Pihopa o Waiapu kite takiwa o Taupo i roto i nga ra o Aperira. Ka nui te pai o nga hui. He karakia whakau i Waipahihi ite 170 Aperira ite ata. Ite awatea he whakau ki Oraunui, i te ahiahi he karakia whakau ki Mokai. I te Turei ka mauria te Pihopa e Peneti raua ko Tamati ki Tokaanu, ma runga motoka. I mau te ka i roto i TaurangaTaupo ite hohonu ote wahi i whakawhiti ai. Te taenga atu ki Tokaanu, i reira a Rev. Manihera Tumatahi. Ko te mahi tuatahi, he karakia hura whakamaharatanga ki a Te Manihera raua ko Kereopa. Ko taua tohu he papa paraihe, me enei korero e mau ake ana:— Hei whakakororia ite ingoa o ;te Atua, hei tohu whakamahara hoki mo Te Manihera raua ko Kereopa o Ngati Ruanui, he karere na Te Karaiti ki Taupo nei. I whakamatea i te 12 o nga ra o Maeh'e 1847. I tanumia ki Waiariki. Kaore ratou i whakaaro kite ora mo ratou a taea noatia'te mate." He mea whakamiharo tenei te waihotanga kia 74 nga tau o enei tangata e takoto ana katahi ano ka tu he tohu whakamahara ki a raua. Na te aroha ote Pihopa o Waiapu itu ai tenei tohu. Ka rua ai nga tohu whakamiharo kei te Wharekarakia o Tokaanu—(l) Ko te papa paraihe mo Te Manihera raua ko Kereopa; (2) Ko te pere-karakia aTe Kerehi. Ko tenei pere he mea tuku mai i Ingarangi i te tau 1853, he aroha na nga hoa oTe Kerehi ki aiame te Hahi Maori. No te wa o nga pakanga, ka tae te Hauhau kite takiwa kite tonga o Taupo. Ka wawahia e ratou taua pere. Ka pakaru tetahi taha. Ka mahue i nga Hauhau i te taumaha rawa o taua pere. Ka riro i te pakeha o te hotera i Tokaanu. Waiho ana hei pere kai mo etahi tau maha. Na Rev. Peneti i ata mahi, a, ka hoki mai taua pere. Inaianei kei roto ite wharekarakia o Tokaanu. He pere nui taua pere, he kaha hoki te tangi. E kiia ana, mehemea ka tangi mai taua pere i nga rangi pai, ka rangona atu i Taupo nei. Ko te tawhiti e25 maero. Ahakoa kua pakaru he uaua te hapai ete tangata.