HUI TOPU O TE HAHI MAORI I TE PIHOPATANGA O WAIAPU, 1914.
BTAHI O NGA MOTINI. Na Rev. F. A. Bennett raua ko Rev. R. Te Awekotuku: “ Kia whakaritea he haora e te Pihopa hei korerotanga ma tenei Hui i nga whakahaere mo te huringa o te kotahi rau tau o te Whakapono ki Niu Tireni.” I whakaaturia e Aramakaraka. Hutuha raua ko Hohepa Te Rake ki te Hui kite Tiamana mete Komiti: “ E tuku atu ana a Aramakaraka Hutuha me Hohepa Te Rake i te piihi whenua kotahi eka o te whare-karakia i Te Ngae, kia whakatuturutia kite Pihopa o Waiapu.” Na Taranaki K. Te Uamairangi: “ Ko te Hui Topu me tu ki Heretaunga, Omaahu, a te tau 1917.” Whakautu a Te Pihopa: “ Me waiho tenei motini maku e ata whakaaro.” He patai na Rev. P. Tamahori: “He pehea te ahua o nga Minita kite iriiri i nga tamariki kua iriiria nei e te Momona me nga tamariki i nga Ringatu ? ” Whakautu a te Pihopa: “ Ehara i te mea tika te iriiri a te Momona a te Ringatu. Ahakoa he wai ta ratou, he whakahua hoki i te Ingoa o te Toko torn Tapu kahore o ratou whakapono ki a Te Karaiti ko te Tama la ate Atua. Heoi ka kore noa iho ta ratou iriiri, ehara i te iriiri ki roto ki a Te Karaiti.” Na Rev. F. A. Bennett raua ko Te Ngaera Houkotuku: “E tono ana tenei Hui Topu kite Pihopa kia whakaritea e ia he Komiti hei whakatutuki i te whakaaro o te iwi Maori o tenei Pihopatanga, ara kia whakatakotoria e nga Maori o tenei Pihopatanga tetahi £IOOO i tenei tau hei oranga mo te minita Maori ka tukua nei ki nga moutere o Meranihia.” Na Rev. A. F. Williams raua ko Rev. W. T. Fraser: “ He whakamihi tenei ki o tatou hoa pakeha, tane, wahine mo to ratou kaha kite whakahaere tonu i nga kura Ratapu mo nga tamariki Maori i nga tau kua pahure ake nei. He akiaki hoki tenei i nga tangata Maori kia mahara ratou kite whai atu i runga i to ratou tauira a nga tau e takoto mai nei.” He patai na Rev. P. Tamahori: “ Kia whakaaturia mai e ia te ahua mo te whakapoto i nga karakia ?”
Whakautu a te Pihopa: “Te ahua mo te whakapoto i nga karakia. Kotahi anake te wahi e taea te whakapoto, ara te whakarere, ko tetahi wahi 0 te whakahau, * E oku hoa aroha.’ Ko era atu wahi o te karakia, o te ata, o te ahiahi, me kaua rawa e whakapotoa, e whakarerea ranei, i nga Ratapu me nga ra nunui. Te ahua 1 rolo i nga Pariha ririki, te karakia o te ata, he wahi ke, to te ahiahi he wahi ke, he ahakoa aua karakia e rua me whakahaere katoa kaua he upoko e whakarerea.” “ Heoi ano te wahi e taea te whakarereke o te karakia kei nga wahi mohoao, kaore nei ratau e mohio kite karakia. Ko te karakia mo ena wahi, he karakia mihana.” Na Rev. R. Te Awekotuku raua ko Rev. T. Hapimana: “ Kia puta he mihi ma tenei Hui ki a Te Kutia raua ko Rameka Haumia, nga minita o Tauranga kua tangohia atu nei kite okiokinga i roto ito tatou Ariki.” Na Rev. R. Te Awekotuku raua ko Te Ngaera Houkotuku: “ Ki puta he mihi ma tenei Hui ki to tatou Pihopa Awarere kua wehe atu nei i a tatau kite Pihopatanga o 0 Akarana.” Na Taranaki Te Uamairangi raua ko Rev. H. P. Munro: “ Kia puta he mihi aroha ki to tatou hoa kia Rev. Te Muera Tupara mo tona hoa kua wehe atu nei i a tatau.” He inoi atu tenei na Rev. M. Keepa kite Tumuaki: “ Mehemea e taea me whakaputa tonu mai ia marama ia marama te oranga o nga minita Maori.” Whakautu a te Pihopa: “Ka whakapau ahau i toku kaha kite whakarite i tenei take.” He Inoi na Rev. Manihera Manahi: “ Kia riro ma te Hahi e kimi tetahi tangata hei awhina 1 nga neehi o te hohipera o Whakatane.” Whakautu a te Pihopa: “ E haere ana ahau ki Whakatane tera ahau e korerorero ki a Miss North hei reira ahau mohio ai.” Na Rev. P. Tamahori raua ko Rev. M. Keepa: “ Kia tuhia ki roto i te ripoata o tenei Hui he mihi aroha a tenei hui mo nga mahi pai i mahia nei e enei pononga a te Atua, kua karangatia nei ratou ete Matua ki te wahi e oki ai ratou i a ratou mahi—Rev, Paraone Turei, Nikora Tautau, me Mohi Turei.” Na Rev. F. A. Bennett raua ko Rev. T. Hapimana: “ Kia whakapau tatou i o tatou kaha kite takahi atu i te waipiro i roto i o tatou rohe.”
Na Rev. H. Pahewa raua ko Rev. A. F. Williams; “ Kia puta he kupu whakamihi ma tenei Hui kite tangata whenua, ara kia Ngatiwhakaue ki etahi atu hoki o nga hapu o Te Arawa, e manaaki nui nei i ta tatou Hui Topu, a kia tau nui iho hoki te manaakitanga a te Atua ki runga ki a ratou, a ma Te Atua hoki ratou katoa e tiaki i runga i tenei o tatou marae rangatira.”
Permanent link to this item
https://paperspast.natlib.govt.nz/periodicals/KOPARA19141001.2.6
Bibliographic details
Kopara, Issue 13, 1 October 1914, Page 3
Word Count
873HUI TOPU O TE HAHI MAORI I TE PIHOPATANGA O WAIAPU, 1914. Kopara, Issue 13, 1 October 1914, Page 3
Using This Item
See our copyright guide for information on how you may use this title.