TE RATAPU O TE HAERENGAMAI.

Kopara, Issue 3, 1 December 1913, Page 5

TE RATAPU O TE HAERENGAMAI.

IRUNGA i te tokomaha rawa o nga tangata o te Hahi e titiro whakaaro-kore ana ki nga whakaakoranga e na roto mai ana i ia wahanga i ia wahanga o te tau i runga i a te Hahi wawahanga ka whakaaro an kite tuhi i enei kupu, whai ake nei. Te rite o ana wawahanga he pou hei whakamahara i a tatou hei whakawerawera tonu hoki i roto i o tatou whakaaro i nga putake nunui i whakakaupapatia iho ai ki runga to tatou whakapono. Inakoa ko te Ratapu ka hori nei te 30 o nga ra o Noeraa ko te Ratapu tera o te Haerengamai. Tika rawa tenei wa hei whakamaharatanga i a tatou tuatahi i runga i te mea katahi ano ta tatou Pepa ka timata atu; tuarua ko te Ratapu o te Haerengamai te Ratapu timatanga ota te Hahi Tau. Kei te noho takoto noa te whakaaro e homai ana e tenei Ratapu ki a tatou engari nana ke i uaua ai he kore mahara no tatou, he pa mai no te mate kino nei no te wareware, no te mahara-kore ki a tatou me noho whakamahara tonu tatou ka mahara ai tatou. He mate tino kino rawa tenei he mate me whakamatau tatou kite rongoa. Ko te mate tenei e patu nei i to tatou whakapono e patu nei hoki i nga whakahaere katoa e tupu ai to tatou whakapono. Mehemea he mea nui te haerengamai o te Karaiti, tona matenga, tona aranga ake, tona kakenga atu tona hokinga mai ranei a muri ake nei, mehemea ana ko nga ahuatanga enei e tika ai taua te tangata i tenei ao tae atu hoki ki tera ao, he aha kia waiho e taua kia whakamaharatia tonutia taua e tetahi atu tangata ki aua mea. Epa ana koe ki enei ahuatanga katoa, i haramai a Te Karaiti mou, i mate a Te Karaiti e haramai ana a Te Karaiti mou a muri nei hei aha kia wareware koe, hei aha kia titiro whakaaro-kore koe. Kaore koe e riro ana ma te tangata ke e whakamahara kite kai e ora ai to tinana a hei aha kia riro ma te tangata ke koe e whakamahara ki te kai ma te wairua. Ko koe kua roa koe ki roto ite Hahi kua auatu koe e whakamaharatia ana, E hoa ma whakaaro kite nui o nga mea kaore ano kia rongo he whakapono ano tetahi mea. Mehemea e hihiko ana tatou, e whakaaro tonu ana ki nga mea e akona nei kia tatou e whakamaharatia tonutia nei ki a tatou i enei tau maha penei kua ahu ke atu te titiro ate Hahi, kite hunga kaore ano nei kia rongo

ite Rongopai. He rnea mamae rawa ki roto ki te ngakau te whakamahara tonu i a tatou mete turi tonu o tatou ngakau, mehemea ana pea tenei taima kua moumoutia nei ki enei whakamahara huhua i pan i te Kauwhautanga ki era atu iwi kua huri ke mai ratou, kua pumau ke to ratou whakapono. Ete iwi kati te wareware kati te mahara-kore. E whakamahara ana te Ratapu o te Haerengamai i enei ahuatanga ara te whakaaro tuatahi: — (a) Ko tona haerenga tuatahi mai e mohiotia nei e tatou nga hua o taua haerenga mai ona ; (b) Te whakaaro tuarua ara te whakaaro tino nui ko tona Haerengamai e takoto mai nei. Kei te pewhea koe mo tona haerenga tuatahi mai kei te whakaaro ranei koe ki nga hua o te haerenga tuatahi mai o Te Karaiti. Kei te pewhea hold koe mo tona Haerenga tuarua mai. E hoa mehemea kaore koe ite whakaaro ki nga hua o te Haerenga tuatahi mai o Te Karaiti, kaore tahi he painga o te Haerenga tuarua mai oTe Karaiti ki a koe. Kaore ano a Te Karaiti Ida haere tuatahi mai ki a koe, kaore ano koe i whakaatu atu ki etahi mo taua haramaitanga ona, kaore he hokinga tuarua mai oTe Karaiti ki a koe. Katahi te mea pouri. Katahi ra ko te Ratapu tenei o te Haerengamai ; mahara inaianei i haramai a Te Karaiti mou a e hararnai mai ana mou a muri nei. Pokaia ketia he mahi hou man i tenei timatanga tau ate Hahi. Waiho hei inoi ma tatou ko tenei inoi, “ Haere mai e Ihu, nohoia o matou ngakau hei kainga tuturu mou.”