NGA WHAKAROHE.

Kopara, Issue 3, 1 December 1913, Page 4

NGA WHAKAROHE.

KO te tino ruri o te whakapono ko te Paipera, otira ite mea kahore i rite tonu ta te tangata whakamaoritanga i te Paipera, ka whakarapopotia e te Hahi nga whakaakoranga i tangohia mai nei i roto i te Paipera, a ka kiia enei whakarapopototanga hei whakapono ara ko nga Whakapono e Torn, ko ta nga Apotoro, ko ta Atanatiu, ko to Nalhia. E whakaae ana nga Hahi nunui i te ao ki enei Whakapono, otira he maha o enei Hahi e whakaae nei ki enei whakapono, i rereke nga whakaakoranga i o te Hahi o Ingarani na reira i tuhituhia ai nga whakarohe, hei wehe mai i nga whakaakoranga a te Hahi o Ingarani, i o ana Hahi, a na konei hoki i kiia ai enei Tare he Whakarohe nga whakaakoranga katoa a te Hahi. I tuhituhia nga whakarohe o te Hahi o Ingarani hei whakahe i nga he o te Hahi o Roma, me nga he o etahi o nga Hahi, ara o nga Perotehana. Ko te tino tangata nana nga whakarohe i whakatakoto ko Karanama. No te tau 1628 ka whakamanaia nga whakarohe e 39 e te Kingi, he ture hoki na te Hahi kia whakaae ona Minita ki nga whakarohe. NGA WEHENGA 0 NGA WHAKAROHE. E rima enei wehenga : 1. Itelki te 5. Ko nga whakaakoranga kaupapa ote whakapono i whakarapopototia nei ki roto ki nga whakapono. 2. Ite 6kite 8. Mo te tikanga o te whakapono, kei nga karaipiture nga mea katoa e ora ai te tangata, ko te ture nui tenei i whakatongia e te Rewhemeihana. 3. Ite 9 kite 18. Mo te tikanga ote whakapono oia tangata o ia tangata, ara i whanau hara mai te tangata, heoi kia whanau hou ia. 4. Itel9ki te 26. Mo te whakapono ote Hahi. Kei enei whakarohe nga tino tahe i rereke ai te Hahi o Ingarani i te Hahi o Roma. 5. Ite27ki te 39. Mo te whakapono ote iwi, ara mo te tikanga o te mahi a te Hahi, a te Karaitiana hoki kite kawanatanga. E nga mema o te Hahi kei ngakau-kore koutou ki te korero i enei kupu whakamararaa. Ko te tino putake i tuhia ai kia marama ai koe ki nga whakaakoranga a tou ake Hahi. He nui nga mea kaore i te matau a i runga i te kore matau, ka noho ratou i roto i te pouri a rokohanga mai e etahi atu whakaoranga e noho tahanga ana a roto o te ngakau a roto hoki o te hinengaro, te homaitanga i a ratou na whakaakoranga he hanga noaiho te urunga atu ki roto. Hei tuara enei whakamarama mou kia kaha ai koe ki te kaupare atu i nga whakaakoranga he e whakatakototia mai ana ki tou aroaro, hei rakau patu ranei mau i aua whakaakoronga. I muri atu i

tenei ka whakamarama haeretia nga whakarohe, kotahi i te wa me nga rarangi karaipiture hei apiti hei tautoko hoki. Ma te Wairua o te Atua e homai he kaha e homai hoki he maramatanga ki a koutou.