E.—No. 12.

Na, te rerenga mai o nga tangata o ia iwi, o ia iwi, Waikato, Hauraki, Ngatihaua, Ngaiterangi, Ngatiwhakaue, Wakatohea, Ngatiporou, Ngatikahuugunu, ki tonei Hui i runga i te whakaaro tahi. Ano te pai, ano te ahuareka, o tenei tu noho, o to noho tahi. Kotahi te mea i hapa. Na, ko te pakeha hei nolio tahi. Kahore ano kia ata rite te kupu a to tatau waiata, Te tuakana kua tae mai, te Teiua kua noho atu. Me noho tahi te teina raua ko te tuakana. Ko wai te Tuakana ? na, ko koutou ko nga Tamariki a Hema, Kowai te Teina, na ko matou, ko nga tamariki a Tapeta. Me noho ke ranei matou ? me noho tahi ranci ? tena koa, hurihia mariretia taku patai. Ehara tenei i te pokanoa, i haere mai ai te pakeha ki tenei whenua. Engari he kawenga na te Atua. Nga Minita Pakelia. Na te kupu whakamutunga a te Karaiti, a te Tamaiti a te Atua, — " Haere koutou ki te ao katoa, kawhautia te rongo pai ki nga tangata katoa."— (Maka 16, 15.) Tenei ano te kupu a te Atua, mo matou katoa, mo nga Tamariki a Tapeta. " Ka meinga a Tapeta e te Atua kia tohatoha noa atu, ka noho ano hoki ia ki nga teneti o Hema."— (KmeM 9, 27.) Ko te tino tikanga tenei o to tatou waiata; kaua ra taua e whakatete ki a taua, ho teina he tuaknna nei hoki taua. (KcneJti 13, 8.) Engari, kia pai, kia ahuareka, te noho o nga teina o nga tuakana i runga i to whakaaro tahi. Kua rongo koutou ki ta te Atua i pai ai. Tenei ke te main a Hatana, me waiho a Iharaira hei whakatupato mo tatou. He tangata mohio rawa a Horomona, Tama a Kawiri. Koroheke ka koroheke, parori ke tona ngakau, whaia te karakia whakapakoko. Koia te Atua i mea ai, kia wahia tona kingitanga kia rua. He whakaaro ki a Eawiri, ki tona papa, i roa ai te wehewehenga. No Kehopoama, no tana tamaiti, ka tahi ka tino wehen. Kotahi tekau nga iwi ki tc kingitanga o Iharaira, Erua ki te kingitanga o Huria. Te take, he pakeke no Eehopoama. He taitamariki hikaka tena, kikai i rongo ki nga matua. Ko taku moliiotanga tenei, ko te tino tupuna o te kino, ko te pakeke. Korero mai, korero atu, ngawari mai, ka kore tepakanga. Whaktika ake, ko Heropoama. Na te Atua ia i tu pai ai, nana ano ia i tu kino ai. Me i pai ia ki to whakakotahi, kua tupai. I tu kino ai ia, he weheweho hoki. Kahore ia i pai kia haere ana tangata ki Hiruharama karakia ai. "Wahia e ia temepara, kia rua, te karakia kia rua, te ture kia rua. Pcratia te mahi me ta Horomona, he karakia whakapakoko. Hanga c ia nga kuao kau erua tahi, hei rite ki te karakia o Ihipa. Tupu ake, tupu ake, he kiugi kino, he kingi kino, mo Iharaira, taea noatia te ra, i riro herehere ai nga iwi kotahi te kau, a, ngaro noa. Koia i whakaukia ai tona ingoa : —Ko Heropoama tama a Xepata. nana a Iharaira i mea kia hara. Huri noa nga tau kotahi mano, na, ka tae mai a te Karaiti. Kua hoki etahi o nga tamariki o Lharaira ki Ham&ria, me te mau ano i to ratou pakan^a. E mohio ana koutou ki te korero a te Karaiti raua ko te wahine o Ham aria, (Hoani 4,9.) Heoi ano ta ratou i pai ai, he kati kau. Katia nga kai, katia nga huarahi, kat.a nga wai, katia nga tangata ; kahore i tatatata te Hurai ki te tangata o Hamaria, Kahore i mauakohia te tangata, i anga ona kanohi ki te haere ki Hiruharama. (liuka 9, C3,) Na, te putanga mai o te Karaiti, oti rawa atu te tikanga wehewehe, te tikanga kati. Fakaru iho te taiepa wehewehe. llaehaea te arai. Tahoroa nga maunga. Wharikitia nga repo. W'hakatikaia nga wahi kopikopiko. Whakamaenenetia nga wahi taratara. Whakamaroketia nga wai hohonui hei huarahi ma tana i whiriwhiri ai. Karangatia nga manu katoa o te rangi kia rere mai ki te rakau kotahi, maru ai. Huihuia nga hipi katoa, ki roto ki te kahui kotahi. Haoa nga ika katoa ki roto ki te kupenga kotahi. Tamariki a Hema, a Hama, a Tapeta—Tamariki a Aperahama. a Ihaka, a Hakopa, —liaere katoa mai ki te Atua kotahi, ki te Ariki kotahi, ora ai i te whakaponc kotahi :—mau ai ki te aroha kotahi —tu ai i te ture kotahi. Tenei matou te tu nei, he teina, he tuakana, i runga i te whakaaro tahi. He Pihopa pakeh:i te teina, he Minata maori, te tuakana. Ko te hialiia tenei o toku ngakau o mua iho, kia wakapakia te Minita maori, hei rite ki a matou. Ahakoa kiia e te pakeha, " ekoro e rite." kahore aliau i whakaae atu. Ahakoa kua mea te tangata maori i mua, " Hei aha mawai te Minita maori, ekore matou e tahuri," kahore ahau i whakaae atu. Tohe touu ki te whakato i nga tau e rua tekau, titiro mai, —na te Atua tenei hua. Ka titiro ahau ki aku tuakana, ki enei Minita maori, e noho nei, na, ka tino kaha rawa taku whakahua i to tatou waiata' —" Ano te pai, ano tc ahuareka, o te nohoanga o nga toina o nga tuakana i runga i te whakaaro tahi." Tenei ano taku ritenga maori hei whakamutunga. Kua kite ahau i tetahi manga i pipi mokemoke ki roto ki te repo. Heoi ano tona nuinga, he he nuinga paru kau. Ko tona otinga tenei, he ngaro noa. Ehara ia i tc wai, ehara i te whenua. Kahore ia i inumia e te tangata, kahore i haerea e te hoiho, kahore i hoea e te waka : kahore i parautia e te parau ; kahore i rerengia e te kaipuke. Kati noa iho i runga i tona nuinga poauau te manga kahore nei i pai kia rere ki roto ki te awa. Waiho, ma te tuna e ngokiugoki, ma te poaka e titakataka ki reira. Engari te manga ataahua, te manga pai, he mea whanau liou no roto no te kopu o te rangi; tirohia tona kaha ki te pekepeke ki nga wairere : ki te rererere ki nga taheke; he tohe hoki nona ki te mahi i tana mahi, ara, he wakanui i te awa. Tae rawa mai ki te putahitanga, kua ngaro tona ingoa. Tengaronga o Puniu, na, ko Waipa ; te ngaronga o Waipa, na, ko Waikato : te ngaronga o Waikato, na, ko te moana nui. Ko tona nuinga tenei, ko to te manga, kia ngaro pai ki roto ki te awa. Ko tona nuinga tenei, ko to te awa, kia ngaro pai ki roto ki te moana. Waihoki, ko toku nuinga tenei, ko to te tangata kotahi, kia ngaro ki roto ki te Hahi; ko to te Hahi nuinga,

7

NATIVE MEETING AT PERIA.