HE AITUA.
KI TE ETITA 0 TE MATUHI. E hoa he ripoata vvhakaatu tenei i te matenga o te mokopnna a Utiku Potaka, "ara," a (Hine Te Iwaiwa Potaka), i pangia ete mate kite Kareti i Turakina, ko taua mate he (Apendicitus), e toru tonu nga ra ka mate, i mate atu kite Hohipera i Whanganui. No te hatarei i tae ai kite Hohipera, i te ahiahi o taua ra ka tae atu nga tipuna o te tamaiti nei, katahi ka tirohia e te Takuta te mate, ka kiia e te Takuta ko taua mate kua pakaru ki roto i a ia; ka kiia hoki e te Takuta kaore e ora, kaore hoki i roa i muri iho ka hemo te tamaiti nei, "ara ka tangohia atu tona wairuae te kaihnga." He nui te pouri ipa kite Mahita o taua Kareti me nga tamariki, mo te matenga o tenei tamaiti, "ara" i te ohorere o tona matenga, no te ra i nehua ai ka tae mai te reta mihi mai a te mahita o taua Kareti, mo taua tamaiti me ona tipuna, ko aana kupu mihi enei. Kia Hare Tauna "ka nui toku pouri mo te ma.tenga o Iwa, ko Iwa kua tangohia atu e to ariki, ke Iwa nui atu tona whakapono kite ariki, he nui te whakapono o tenei tamaiti, ka nui to maua pouri ko taku hoa me a maua tamariki, rao to matou kore e tae atu kite ne-
hunga o Iwa, i te nui o toku mate," ara atu te roanga o nga kupu mihi mo taua tamaiti me ona tipuna. He nui hoki te pouri i pa ki nga tipuna matua hoki, o tenei tamaiti, ko nga tau o taua tamaiti 11 tau, ko nga ra i uiihia ai tenei tamaiti e whitu. Ko te take i pai ai te mihi roa mo tenei aitua. 1. Na te pai o te kawhena. 2. Na te ngaro o te whaea, ko tona whaea i Akarana na nga pirihimana i kimi kaore i kitea, nui atu te aroha mo tenei tamaiti, i te mea ko tetahi tenei o nga uri rangatira o tenei takiwa, kite taha kite tipuna wahine, he rangatira kite taha ki tona tipuna taane, otira ko te mea pai e maramatia ai, ma te whakapapa, ka marama ai nga hekenga iho me nga putanga, no reira me whakapoto noa tona whakapapa, ma koutou e mohio a ko atu. Koia tenei he mokopuna na Utiku Potaka, kaua hei riri mo tena whakapapa, koi penei na he whakatutua i ta tatou mokopuna, kaore; engari kia mama ai nga kai-mahi o ta tatou maim, heoi ra, "e pa ma e whae ma" mihi mai tangi mai, ki to koutou uri kua riro ki ona tipuna ki ona matua, "ara" ki ona karanga maha kua r.ro atu nei i mua i a ia. I te ra i nehua ai te tupapaku, nui atu te tangata, ko te iwi nui he pakeha, he nui ano te maori engari i te nui rawa o te pakeha, kore noa iho i kitea te maori. Ko nga minita naana i nehu ko te Wiremu o Putiki, mete Muera Tokoaitu, i te miltunga o te nehu i te tupapaku ka tono a Hare Tauna ki nga pakeha, kia hui katoa kite kainga kite kai, te taenia kite kainga katahi ka tukua te kai, ko te whaie kai mo nga pakeha e toru nga teepu o roto, e wha nga whakaurunga katahi ario ka mutu, ka kitea te manu nei te kereru mete kuihi
"ara" nga kai katoa a te maori a te pakeha, e kore e taea te kaute i te nui, kia orate Matuhi me o kai mahi. Kia ora le Etita mete komiti katoa. (na te kai tuhi o tenei ripoata,) H. P. & H. R. Rata, Akuhata 1 1905,
Permanent link to this item
https://paperspast.natlib.govt.nz/newspapers/MATUH19050816.2.11
Bibliographic details
Matuhi, Volume II, Issue 99, 16 August 1905, Page 5
Word Count
639HE AITUA. Matuhi, Volume II, Issue 99, 16 August 1905, Page 5
Using This Item
See our copyright guide for information on how you may use this title.