KUA MATE A AMIRIA

Toa Takitini, Issue 100, 1 December 1929, Page 1958

KUA MATE A AMIRIA

No te ahiahi o te Ratapu nei te 15 o nga ra o Tihema nei ka hemo a Amiria, te pouaru a Nepe Te Apatu o Waipawa. I mate kite hohipera iTe Waipukurau. He roa te wa e oke v ana ia i runga i tona mate. Kamii rate kaha ote kuia nei kite whawhai i tenei mate taumaha, tupono iho kua kaumatuatia katahi ka uaua rawa tenei ngaki taumaha. Haere e kui! Kua taea e koe te whika a te karaipiture i homai ai. Kua nuku ou tau i te warn tekau. I whai kaha rawa koe! Haere i runga ite ringa kaha ote kaumatuatanga. He nui nga mihi me nga whakamihare ki ton kaha me ton manaaki i nga tikanga a o tungane i waihotia ake kia koutou: i tenei ra kua tutuki i a koe. Waiho ake te aroha mete tangi ki tau whanau me au mokopuna ka ki nei o marae maha i te atahua o te tangata mete wahine. Haere i runga ite rangimarie te aroha. Waiho ake te reo o Te Toa Takitini hei mau atu i reo o tamariki o mokopuna ki o marae maha i te motu, mo ou kawai maha i peka ki tena wahi ki tena wahi. Ma o karanga maha me o manaaki e rongo ka haere mai kite kawe mai i te roimata e tika nei kia nui te heke mou. Haere kia Te Kakakura, kia Taipua, kia Taitoko, kia Te Whiti, kia Tohu, kia Te Wherowhere, kia Te Kani-a-Takirau, kia Wpere raua ko Pitau, Kia Huata, kia Te Wainohu, kia Whaanga, kia Kereru, kia Te Heuheu, kia Taiaroa, kia Tamahau, me o tungane maha kua haere atu i mua ia koe, Whakangaro atu ra e kui ki tua o te pae!

Kei te tupu o mokai. E hia ake hoki nga ra ka tino pu te ruha. Ko nga tamariki ka karangatia he kaumatua, ko nga mokopuna ka tangatatia. Na reira haere me ou nunui me on rarahi, i uhia iho nei e o tungane ki runga kia koe. Haere! Haere- Haere! Maringiringi ai te wai kei aku kamo e, Ko tona hekenga tonu Na Maui tonu aua pokapokanga e He tini te kohao Homai noa ra he mimira mo te waka e E mau ai ra (Kaati i konei ) Te Toa Takitini.