NGA MAHI.

Toa Takitini, Issue 97, 1 September 1929, Page 1067

NGA MAHI.

1 muri tonu' iho o te tina ka tu te hui a te Komiliana. Ko te Komihana ko Tiati Roihana ko Haimi. ! whakaahuru atu i enei momo mahi ko te Minita Maori, ko Tiati Ka, ko Jno Hawi, ko te Raumoa. I puta nga ripoata mo enei whenua — Tauapata—Papuni —Waimaha—Mangapoike. I kitea kanui te pai o te whakahaere a te Komihana i nga mahi o enei whe. Kei te nui haere nga taonga o runga . Kei te pai te puta o etahi herengi ki te hunga ai no ratau nga whenua. Ahakoa kaore rawa kia tino watea nga rnokete, engari kei te kaha nga taonga kite whakarite haere. Ko te mea nui ia ko te mohio ole tangata Maori kei aia ano tona whenua, ahakoa ko te momonatanga kei te whakapaua ki nga mahi me te hunga mahi. I muri o te kai-ahiahi ko nga karakia. I a Revs Kohere me Tamahori tenei wahanga mahi. I whakaahuru atu a Revs. Huata, Wi Pere me Hakiwai. I muri ote karakia ko nga mihi ano a te tangata whenua. I kaha te mihi a Rongomaiwahine me Rakaipaka ki te Minita Maori mo tona hoa-wahine. Ka pae nga mihi, ka whakapau nga whakaaro o te katoa kite Minita Maori. I hiki tipapa tonu te tangata ki le ui whakaaro, kite patai whakamarama, nga mahi, nga raru, nga ora, nga mate me era atu, kite Minita Maori. Ko etahi o nga patai i whakahokia e te Minita. Ko etahi i mea ia kaore e pai ki te whakahoki i roto ite matorutanga ote tangata, kei tohaia rereketia.