KUA PUTA KI WAHO

Toa Takitini, Issue 96, 1 August 1929, Page 1049

KUA PUTA KI WAHO

Ki nga Iwi, ki nga Hapu, ki nga reo, ki nga huihuinga tangata: Tena ra koutou katoa, i nga manaakitanga maha a to tatou Ariki a Ihu Karaiti. Tena koutou i o tatou aitua maha, nga mea i hinga mohio, me nga i hinga ki roto i te kuaretanga i runga i nga mahi tinihanga a te tangata. Kaati nga mihi. Hie whakaatu atu tena naku kia koutou katoa, ko ahau kua Puta ki Waho o te hahi ratana, me tona kotahitanga. E warn tau ahau e aru ana i tana maramatanga. I aru mai hoki toku iwi i an. I uru rawa ahau hei apotoro rehita, na toku iwi ano ahau i whakatu. Kotahi tau oku e tu ana ka whakatakangia. Kaore ahau i mohio he aha taku hara, he ranei. I mea mai a Wiremu Ratana ki au i toku taenga ki te Pa, Kua mohio ranei koe kua taka koe i to turanga apotoro rehita.” Ka mea atu ahau “Kahore” Ka mea mai ano ia kua taka koe. 4 Na taku hoa-riri na Tau Henare koe i taka ai” He mohio no Tau Henare ka hoa-riri koe mona a tenei pootitanga e heke mai nei. Ko te take tena i taka ai koe. Ka mea mai ano a Wiremu Ratana ki au, e pai ana Ka whakatungia atu koe e ahau hei hoa pukeri mo Tau Henare a tenei pooti e heke mai nei. Ka mea atu ahau e pai ana e te mangai o nga ariki, ko tau i kite ai kei te tino pai ki au. I mea mai ano a Wiremu Ratana ki au, i to matou taenga ki te hui a Moa i Hokianga: 4 ‘E Reweti Pomare Kingi hei konei, tenei taku kupu ki a koe Haere ki o morehu katoa whakau u haere ai mo tenei pootitanga e heke iho nei” Ka mea atu ahau kia homai he tuhituhinga kia whakapono ai nga morehu. Ka mea mai ia Haere i runga ite kaha o nga ariki.” Kaati enga iwi haere ana ahau i runga i tenei whakahau. Pan katoa i au toku rohe pooti te haere. Timata mai i a Hurae kia Noema. E hoa ma i pa mai ki au nga mea kikino katoa. Ko etahi o nga morehu kaore i whakaae ki au hei mema. I tutuki ki au nga tawai, nga whakahawea, nga riri, nga pei. I tino rikarika te riri o te tangata ki au he hapai noku i te kotahitanga a Ratana. Kaore ahau i numinumi mai i tenei ahuatanga. Ki au a Ratana kaore he tangata hei rite mona i runga i te mata o te whenua. E rite ana ia ki au he tino mangai nei no te Atua no Ihowa. 1 te kaha o toku whakapono kia Ratana ko te Karaiti pu ia ki au. Heoi tae rawa ake i te ra o te pooti, tino kore ia i mahara mai ki au, me ana korero katoa, Waiho ana e ia hei korero

teka maana ki an, kite Tokotoru Tapu ano hoki. Ki hai rawa ia i titiro ki oku lukinotanga, ki oku ruihi i haerenga e an toku rohe pooti, mai i a Hurae kia Noema. Teka katoa enei mahi a Ratana, kei te mohio ia, kua korerotia atu hoki e ahau i te hui a te morehu i tu ki Kaikohe i a Hurae ka taha nei. I mea tonu ahau kia Ratana, haunga enei mea katoa, kua titiro ahau ki nga take i puta ai nga rangatira whakahaere o tenei kotahitanga ko te take kua korero a Ratana tenei ake nga ra ka hurihia te paipera ara ka mutu, tuarua me mutu te amine kia te Karaiti me amine ki te mangai, kia Piriwiritua ranei. I mea atu ahau e kore ahau e whakaae. Kaore hoki i te tika tona tauwira kia rua kia tom wahine ma te tangata morehu. 1 X! E nga Iwi koianei nga take i puta mai ahau ki waho. Kua kotiti ke kua mahi maori. Kua taka i te whakapono tika. E nga Iwi, e hari ana ano ahau moku i u, i kite ai ahau i te hohonutanga, i te whanuitanga o tenei maramatanga. Hoi maea ake tenei maramatanga he pouri tuaikerikeri. E nga morehu katoa o te Motu, aata hoki ki tou hahi, ki tou hahi. Kaua e whakama kite hoki. Kei te marama te kupu, “Ka whakatika atu ahau ka haere ki toku Matua, ka mea atu kia ia, ePa kua hara ahau kite rangi ki tou aroaro ano hoki, a heoi ano tikanga kia karangatia ahau he tamaiti nau” No reira kite tae katoa koutou ki tou hahi, ki ton hahi, hei kona ka inoi ai ki nga hahi, kia whiriwhiria mai nga tangata mohio kia whakatakotoria he kaupapa marama kia whakakotahingia he Hahi mo te iwi Maori. Me ahei te hahi ki te whakaputa i tona kaupapa mai ia te Karaiti ki nga Apotoro, heke mai ki nga Kaumatua o te hahi karaitiana, kei a ratou nei te mana whakapanga ringaringa. Ma te penei ka kotahi te hahi mo te iwi Maori, ka kotahi ai hoki nga tikanga me nga mahi katoa. Heoi ra e te Iwi kua nui enei mo tenei wa. Na to koutou hoa i kotiti, R. Poraare Kingi, Otiria. Kawakawa. Bay of Islands 4/8/29.