173.—HE TANGI.

Toa Takitini, Issue 92, 1 April 1929, Page 15 (Supplement)

173.—HE TANGI.

Na Takuira. (N’Tuwharetoa). Na Te Taite te Tomo i whakamarama. He tuahine turanga whanau a Takuira ki a Te Kohika, papa o te Rerehau. Te ki a Te Taite ko tana rongo i Tarawera a Takieira i te wa i mate ai a Te Kohika. I tangihia ki Tutakamoana, i te takiwa o Te Tihoi, i mu a o te taenga mai o te whakapono ki Taupo. (Ref.: Taite 48). Tera Taupo whakaipuipu ana Karanga kei raro te tihi o Ohou,' e. Me mihi marire, me tangi roimata He mea kinawai 2 na, he au kino i roto. Tera te pohatu ka hapainga ki runga, Ko te tauarai kite hoa ite mate. Me tapapa iho kite toka waiapu, Hei haehae iho i te kiri ka tokia, Hei whakangata ake mo te kino i ahau, E maringi noa nei te roimata i aku kamo. Te ai he matawha. hei kopare ake I te mate hauora mo te wai e rere. Ina te onge hanga ka turuki, ka paneke; Neke tonu atu koe ki raro o nga muri. Huri mai to aro, ka mihi mamao mai Kite iwi mokai, nau i huri iho, Taka hokai ana koe. Tirohia iho rate timunga ote tai; Ka mawhe nga rimu ka tuku ai i a koe Kite rua, e mutu ai to kite mai ite iwi, I te toka tu iho i runga i Tirau 3 I te wai kaukau i Taupo ra ia; He tiherunga hoe na Tuwharetoa. E Heu 4 i te Rapa! Ahu atu, te titiro Te tihi o Tongariro; tera pea ia Ka tatu whakararo ki to Pukeronaki, 5 Tera e hoki mai kia matou ra, E pokaku noa nei te tihi o Pureora, 6 Marakerake ana, e!

'Ohou: Kei te taha tonu o Titiraupenga. zKinawai: He konatu no roto i te ngakau i to mamae. Tera te pao a Paekiri (f), Na wai rate tinana ka kinawai noa iho; ite tangi nui mo Porourangi e.” sTirau: Ko Titiraupenga. Tirohia te waiata 41. Heu. Ko Te Heuheu Tukmo 11, i horoa ra ki Te Papa i Tokaanu. sPukeronaki: Tirohia te waiata 43. 6 Pureora: Kei Hurakia.