Te Reo o Aotearoa

Toa Takitini, Issue 91, 1 March 1929, Page 936

Te Reo o Aotearoa

With Which ia Incorporated Te Toa Takitini.

Te Utu mo te Pepa 10/- i te tau, Me penei nga reta “Te Reo O Aotearoa,” Box 300, Hastings.

936

TE REO O AOTEAROA

Maehe, 1929

He tino taonga te nohopuku ma te karaitiana. Kite tangata whakapono ia ko tona puiaki tera. Ko te rakau tenei i hinga ai i a te Karaiti te Rewera i te koraha. I kaha te tohutohu a te Karaiti mo te nohopuku “Kaua e whakapoumru te kanohi, kaukauria tou upoko, a ko ton Matua; e kite nei i te waahi ngaro maana koe e utu nui.” “E kore e taea nga penei ma te inoi anake ma te nohopuku” Ko te rakau tenei a nga Apotoro i puta nui ai te haka-Atua kia ratou. Ko tenei ano hoki te huarahi e puta mai ai te kaha-Atua kia tatou. Ma tenei hoki e ahei ai tatou te tu ki nga whakamatautauranga maha ote ao. E mea ana nga matauranga kaua e tino kaha te kai he mate kei roto. He mea marama hoki tenei ka momona rawa te tinana o te tangata ka ngehe nga uaua mete hinengaro, ka ngehe hoki te wairua ka momoe. Ko te tangata whakapono tika angiangi noaiho te kaupapa. Na reira i nga ra Reneti nei pehia te taha kikokiko, kia tu mataara ai te taha wairua. Mahara kia te Karaiti me ona tukinotanga mou nei moku te take. HE WHAKATAU. I te whakatau a Pihopa Eru Tumutara o te haahi Ringatu kite Pihopa o Aotearoa i te hui te Poroporo Whakatane i mea ia: ‘Haere mai e taku tamaiti. Haere mai kite kohatu o te mokopuna a Ngatoroirangi. Haere mai ki runga ki o waka kia Matatua raua ko te Arawa. Na o taua tipuna i mau mai ate Karaiti ki Maketu ite tau 1814. Ka 115 tau te maori e whakanonoi ana ki tetahi pihopa mo ratou, heoi i tenei ra kua tinana i a koe. Haere mai te Pihopa o Aotearoa.’ Ko koe ke te Pihopa. Ko ahau nei ehara noaiho. Na Apirana ke ahau neij i whakatu. Ko te Haahi Mihingare ke te kaupapa. Ko toku nei i kamua mai i tena. Ka rere a te Potuatini a Tunuioteika ranei ka kiia ko mea te kaupapa. I te rerenga mai o te rongopai o Ihu Karaiti kia taua kite maori ko te Mihingare te kaupapa. Ko te Ringatu nei he mea hanga noake na te Kooti hei kaupare mata ake i te wa e whaiwhaingia ana ia e te pakeha. No reira haere mai toku iramutu, haere mai ki o haahi.