161—HE WAIATA.

Toa Takitini, Issue 90, 1 February 1929, Page 19 (Supplement)

161—HE WAIATA.

Na Pare-hokotoru. (Te Arawa) . Na Te Taite Te Tomo i whaikamarama. Ko Pare-hokotoru no Te Arawa. Ko ia ano tera e whakahuatia ra i te patere a Erenora, i te waiata nama 142. (Ref.: M.101) . ‘Ore te koera!’ Kei te ngahae Me ko au ka maka. E ai nei hoki I te toka rurenga tai, 0 waipohewa 2 au E neneke i te ngaru Nga heke tai ra; He kai whakahoha, He riri te kore.

Me hirau 3 atu te ra Ko ia e haramai ra? Tona hohoro whakaoma tonu I te rangi tahi. Maku e urutomo te whare koia No Werawera, 4 Kia pehia iho te kuri 8 awarua I a Toka 6 ra. Kati ki a koe, Tukua mai ki au He ngakinga mate. Taku korotu 7 atu i konei Ma Te Paraha, 8 Te tangata takitahi E hoki ana i te Omutu. 9

'Koera:— moe koe, ka oho ake, na e tuiri ana, e tukituki ana to poho. zWaipohewa:—He wawata, he moemoea. a Me hirau atu, etc.:— whakatauki tenei. <Werawera:—No Ngati-Toa, ko te papa oTe Rauparaha. I moe i a Parekohatu. Ko te whanau ko Te Rangitukua, ko Waitohi, ko Te Kiri-paeahi, ko Mahuranga, ko Te Rauparaha. I moe a Waitohi i a Te Ra-ka-herea ka puta ko Te Rangi-haeata raua ko Topeora. Ko ta Te Rauparaha wahine tuatahi ko Marore, na Te Rangimoewaka i patu iaia i haere ai kite tangi ki tetahi whanaunga i Waikato. sKuri awarua:—Tirohia te waiata 131. He kahu kuri. sToka:— ki ana a Te Taite ko te papa o Hipirini Toka o NgatiParekawa. ?Korotu:—Hiahia nui. B Te Paraha:— Te Rauparaha. 9 Omutu: —Omutu-whenua, he po no te marama. Ko te marama ite toru tekau o nga po.