HUI PIHOPA KI TE PAKIPAKI

Toa Takitini, Issue 88, 1 December 1928, Page 888

HUI PIHOPA KI TE PAKIPAKI

Tera e nui noatu nga kupu mihi e tuhia iho mo runga i te ra i hui mai ai nga Iwi o te motu kia kite i te whakawahinga i to tatou hoa i a “Fred” mo turanga pihopa tuatahi mo Te Iwi Maori, a muri ake nei karangatia ai ko Te Pihopa o Aotearoa. Ko te marae i hui ai nga Iwi ko Te Pakipaki a i whakamanuhiritia ai hoki nga pihopa katoa me nga Atirikona me nga Minita Pakeha me nga whanaunga o “Ngati Wiremu,” i te mutunga mai o Te Whakawahi i Te Katitara i Nepia.

Na Hori Tupaea nga kupu pohiri a Te Iwi i whakaputa ki Te Atipihopa me ona hoa kaloa me a ratou minita, na Ta Apirana Ngata me Mita Taupopoki nga tautoko. I muri o te whakautu a Te Atipihopa ka nukuhia nga korero mo muri o te kai. Te wa o te kai. Ko te tecpu i nga pihopa ko to waenganui o runga, ko Te Atipihopa te Tieti.’ I te taha katau ko te teepu a Pihopa o Aotearoa, me etahi o nga Atirikona mo nga minita pakeha. I te teepu taha maui ko Ta A. T. Ngata me etahi o nga minita pakeha. 1 to komai teepu ko to nga minita Maori me nga Iwi whakaeke, Ngapuhi, Ngati Maniapoto, Waikato, Taranaki, Wanganui Ngati Whiti, Rangitane, Raukawa, ie Atiawa, Te Arawa, Matatua, Whanauapanui Tuwharetoa, Ngatiporou, Rongowhakaata, me Ngati Kahungunu katoa. I te nui o te tangata, e whitu nga whakaeke nga o te teepu. Mutu rawa ake te kai kua ahiahi rawa ka hoki kore korero nga pihopa me etahi o nga hoa pakeha. I konei ka puta nga kupu mihi a nga Iwi ki Te Pihopa Maori mete marae ara kia Hori Tupaea kia Puhara, me to raua kaumatua a Ihaia Hutana mete iwi. Ka whiua nga mahara mo taua ra, koia enei: —

Otira e tika ana kia puta he kupu mo nga taonga o Te Pokiha i tapae ai kite marae oTe Pihopa o Aotearoa ara tona tinana me tona wairua ka whakahokia kite haahi. Kua kitekite nei tatou e nga hoa i tawhiti, i roto i o taton kawai Maoritanga ka huihui i roto i Te ra o AOTEAROA, e tika ana kia kiia tatou “Kua meinga kia tata ake.” Ko nga Minita enei ote Motu i tae mai ki te ra i whakawhaia ai te Pihopa tatahi o Aotearoa.

Te Arawa, Tuwharetoa, me Matatua . . £66 0 0 Ngatiporou .. 36 0 0 Ngali Kahungunu ki Heretaunga 53 13 0 Hui katoa .. £155 13 0