57.—HE WAIATA WHAKAUTU TAUNU.
Na RANGIIRIA. (Ngati-Tuwharetoa.) E ahua taupatupatu ana nga korero mo te take o tenei waiata. Ko ta Ngati«Raukawa korero na Kahoki, tamahine a Topeora, e whakautu ana i nga korero taunu, haohao nunui mona. Ko te Kahoki tenei nana te Waiata Naina 58. Eki ana a Te Taite Te Tomo i rongo ia ki a Hori Ketu, iramutu o Te Moanapapaku, tamaiti a Rawiri Ketu, na Rangiiria tenei waiata. Ki ta tera korero he tipuna a Rangiiria no Te Rerehau, wahine aTe Heuheu Tukino, M.L.C. i mate tata ake nei. Eki ana a Te Taite i rongo ia ki a Te Heuheu he whaea a Rangiiria ki a Te Waaka Te Rangituamatotoru, papa o Hare Waaka i mate tata ake nei. Kei te B. 3/155 e kiia ana e Paitini Wi Tapeka (Te Whatu) o Tuhoe na Karanema tenei waiata mo tana tamaiti. Mehemea he whakatikatika kei a koutou mo tenei waiata tukua mai. (Ref: S. 68, 85, S3, p. 70, S.L. 220, B. 3/155. T. Turi p. IF.) , E pari ra koia ko te tai, E wahi rua ana kai te awa. E te roimata ki tarutua iho I te weherua koe ia nei, Ko te kai whenako te ngakau L nga mahinga o taku itinga. Hoake hoki au i pakia, I tutara kite pawa auahi; Kia whakarongo mai e Koti, 1 Hei koha korero ki nga iwi. Ka hira i taku pai te rongo o Waikato; E aki ana ki Whanganui-a-Tara. 2 Ko to wairua i ahu mai whakaehu, Ka hua ake tenei kei te ao. Kati mahaku ko te awhi kiri ; 3 Me tuku atu ki to hoa moenga. I nawhea 4 hoki koe ka takitahi, I nga rangi ra e uru 5 wewehi ana. He waka tenei au ka kuripoki, Ka paea kite one ki Whitikau 6 He rongo i tae mai no aku koa, Ka rau mahara i te ra e whiti nei.
OCoti. Ko Te Koti no Ngati-Wairangi, he hapu no Ngati-Raukawa, he tipuna ki a Rangiiria. *Whanganui-a-Tara. E kiia nei i naianei ko Poneke. *Ki etahi “ awhitanga.” nawhea hoki, etc. Ko te tikanga, he aha koe i mea ai kia kore t« tangata ka wehewehe ai. *E uru wewehi ana.—E maru ana te tangata. ♦Whitikau.— He Whitikau kei Paraparaumu; he Whitikau ano kei Taupo; kei Marokopa tetahi kei te akau tonu.
Permanent link to this item
https://paperspast.natlib.govt.nz/periodicals/TOATAK19281201.2.16.18
Bibliographic details
Toa Takitini, Issue 88, 1 December 1928, Page 21 (Supplement)
Word Count
39257.—HE WAIATA WHAKAUTU TAUNU. Toa Takitini, Issue 88, 1 December 1928, Page 21 (Supplement)
Using This Item
See our copyright guide for information on how you may use this title.
Log in