PIWA TAIPO (Typhoid Fever).

Toa Takitini, Issue 84, 1 August 1928, Page 831

PIWA TAIPO (Typhoid Fever).

T. I-REPA, M.8., Ch.B. ( Ko te timatanga o enei korero kei te pepa o Aperira p. 768.) MO TE TAHA KI TE TURORO. Me takoto te turoro i runga ite moenga. Kanaka hei maranga mai mo te ono wiki. Kia rua nga tangata hei tiaki ia ia: Kotahi mo te awatea, kotahi mo te po. Kanaka rawa hei mahue noa te turoro, kei mahi i nga mahi he. Kauaka hei heke ki raro ote moenga ki te paru, kite mimi ranei. Me hoatu he 44 bedpan,” kia ahei ai tona mimi, me tona paru ia ia e takoto tonu ana. Mo te mimi tera ano etahi patara i ata

hangaia mo tena take: he piko nga kaki. . Mehemea ka taea tenei me tiki. He wa ano ka hoha te turoro kaore e mimi ia ia e takotQ ana. Kei ponana kite whakaara. Mehemea ka tino kore e taea e ia te mimi ia ia e takoto ana, me at a whakaara ake kite taha o tona moenga. Ko te tikanga ia, kaua rawa hei maranga. mitara. MO TE PARU. Ko te tupato ki tenei te mahi tino tohunga o te tiaki piwa tdipo. Kei roto ite paru te ngarara purapura ote mate nei. No reira kanaka e ringitia noatia kite marae ranei, ki ro kaari ranei, ki waenga pa tiki ranei, ki ro wai ranei. Ko etahi tapuke ai i te paru. Ehe ana ano tenei. He ora roa nga ngarara nei kite tapukea; e tae ana kite iwa marama. Kite hurahia ake te oneone ete parau, kei te ora tonu nga ngarara nei. Tetahi, he tahia e te wai ki roto i nga wai unu o te pa, o te whanau ranei. Ka inumia enei wai, ka tipu, te mate nei ki roto i etahi. No reira kanaka hei tapukea. Te mea tika he kohua ki roto i te tirA karahini ka waiho i kona koropupu ai mo te hawhe haora. ka mutu ka riringi atu ki tan wahi e hiahia ana. Kua matemate katoa hoki nga ngarara i te wai koropupu. Me paepae motuhake mo te paru. Me hoatu he rongoa Jeye’s Fluid ranei, Lysol ranei, Kerol ranei, ki roto i taua paepae. Me uhi te paepae kei tau he range ki roto. Ko nga ringaringa o te hunga tiaki me horoi kite ivai rongoa kei roto i tetahi peihana motuhake ia tva, ia wa, epa ana kite turoro. Ko nga kaka me nga hiiti o te turoro me paera katoa. TE HOROI I TE TURORO. Me horoi te turoro ite ata, ite ahiahi. Me whakarite he haora. Engari he mahi tohunga taua . mahi. Mehemea he Neehi kawanatanga kei te tata mai, mana e horoi t© turoro, e whakaako ranei nga kai-tiaki ki tera mahi. Kanaka te turoro e whakaarahia; me waiho tonu kia takoto wharoro ana. Me motuhake he peihana horoi mo te turoro. Me motuhake he maramara paranene hei horohoroi ite tinana. Me hora he tauera, ki raro ite turoro. He tauera maroke tetahi hei whakamaroke. He wai mahana kei roto ite peihana. Ka hopihopi i te paranene, a, ka horohoroi i te tinana, a, huri noa. I muri iho ka whakamaroke kite tauera maroke. Kia tupato kei heke te wai ki runga ki nga kaka moe, kite moenga ranei. Ka maroke te tinana, ka pani ite kiri kite methylated spirit , Hei muri i tena ka ukui-kui kite horacic powder. Ko te take o tenei hei whakamaro ite kiri kei pahore. Mehemea hoki ka pahore te kiri ote turoro ka pa he aitua nfii. Kei nga toa katoa o te Motu enei mea e hokohokona ana. Me horoi ano te waha nga niho, mete arero ite ata, ite ahiahi. Me hoko mai he paraihe mo nga niho. He “wruru katene” (cotton wool) te mea pai hei horoi i te arero, me nga paekaha; he ngohengohe hoki tenei mea.