27.—HE TANGI MO TE WAKA I PAEA.

Toa Takitini, Issue 40, 1 December 1924, Page 37 (Supplement)

27.—HE TANGI MO TE WAKA I PAEA.

Na Te Ngahuru (ISgati-Whakaue, TV Arawa). ■ I taia tenei waiata ki 44 Nga Moteatea,” p. 116, kei reira e kiia ana, he tangi na Te Ngahuru, te rangatira o Ngati-Whakaue mo tona waka. Ko te ingoa o tana waka k.i te ki a etahi ko 44 Te Whakapu.” He we hi ririki nei i whakatikatikaina o te kaupapa i 44 Nga Moteatea ” i runga i nga whakamarama a Raureti Mokonuiarangi raua ko Kepa Ehau. I taia ano tana waiata kite pukapuka a McGregor, 44 Maori Songs,” p. 57, engari hq, maha nga walxi- tahapa o tera. Ko Maketu te kainga o Te Ngahuru; a ko Ngati-Pukenga o Tauranga te hapu i noho tahi ai ratau i Maketu. I paea te waka o Te Ngahuru ki Maukaha, he motu kei Hauraki. E muri ahiahi ka totoko te aroha, Wairua o te hanga, 1 ka wehe i ahau. Wai te teretere, e rere i waho ra? Nou na eTe Kou. 3 E hoki koutou Ripa kite whenua, ki Maketu 4 ra ia. Tenei matou kei runga i te toka.

Me rauhi noa kite wairua kau, Te waka ra e i tataia mai; Toroa i te wai, kia paia atu koe. Haere ki raro ra, ki Hauraki ra ia, Hei matakitaki ma te nui ’Ati-Maru, 5 Au ka pae noa ki Maukaha 6 ra ia, i. HE WHAKAMARAMA: !Hanga. Ki ta McGregor, “ wairua ote waka kawe i ahau.” 2 Teretere.—He tira haere, he ropu tangata e haere ana. 3 Te Kou.—Ki “ Nga Moteatea ”ko‘ Te Kohu.’ Ko te ingoa tuturu ko Te Kou-a-Rehua, he rangatira nui no Ngati-Pukenga, no Tauranga. 4 Maketu.—Ko te wahi i u ai a Te Arawa. s’Ati-Maru.—Ko 5 ’Ati-Maru.—Ko Ngati-Marutuahu o Hauraki. 6 Maukaha.-—Ko te motu i Hauraki i paea ai te waka. Kei te moana rawhiti nei kite takiwa o W'hangamata me Tairua.