11.—HE TANGI MO AMARU-KAITANGATA

Toa Takitini, Issue 38, 1 October 1924, Page 18 (Supplement)

11.—HE TANGI MO AMARU-KAITANGATA

(Te Aitanga-a-Hauiti).

He maramara waiata tenei i rangona e Apirana Ngata, e waiatatia ana e Te Aitanga-a-Hauiti i Uawa i te 15 o Mei, 1923. Ko Karauria Puhi-Puhi nana i waiata. No muri ka korero a Hone Ngatoto, ki tana rongo mo Te Amaru-kaitangata taua waiata. mo reira te kupu o te whiti tuarua 44 E Whare.” E rua

ano enei whiti; tera atu pea etahi kei etahi e mohio ana. Ko Te Amaru-kaitangata he rangatira nui, he toa no Te Aitanga-a-Hauiti i mua, i te wa i a Te Kani-a-takirau, ara no mua tata atu. He taina a Te Amaru no Te Rongotumamao, nana nei aTe Kani-a-takirau. Tokorua nga tamahine a Hinematioro, ko Ngarangikahiwa te matamua, ka moe i a Te Rongotumamao, ko Te Kani: ko Te Kakari to raro iho, ka moe i a Te Amaru, ka puta ko Te Hemanawa. I mate a Hinematioro raua ko te mokopuna ko Te Hemanawa kite kopua iTe Pourewa, i waho o Lawa. I tahuri te waka kite moana ite hekenga mai ite ope a Ngati-Porou, i mate ai a Te Pourewa. 1 Engari te kai 1 atua e purea e ora: Tena ko te aroha tu tonu i roto ra. Homai ki hikaia, 2 koi whati mai nga tai O Tupa-o-tane ripo rawa kei te awa, i. 2 Whai noa atu ana, e Whare, kia moe Ka riro ia koe, ka mania i te range, Te motu o Pahiko, 5 e kore nei e taea, i. HE WHAKAMARAMA: *Te kai atua.—He makutu. 2 Hikaia. Kia karakiatia. 3 Tupa-o-tane.—Kei te ngaro tenei. *Whare.—He ingoa karanga no Te Amaru-kaitangata. s Pahiko.—He tipuna no te WaKineiti, no Waiapu, i Koki ki Hawaiki. E kiia ana i tae ki Rarotonga, a kei reira ana uri. Ko Reporua te wahi i maanu atu ai ona waka. Ka whakaritea ki tona ngaro te ngaro o Te Amaru, i haere oti atu.