HE MIHI MO TE KAUPAPA A TE ARAWA.

Toa Takitini, Issue 36, 1 August 1924, Page 91

HE MIHI MO TE KAUPAPA A TE ARAWA.

(No, Huta Paaka, Motueka .) Ki te Etita o te Toa Takitini. TENA koe me to maiatanga kite whakahaere tikanga mo ta tatou pepa me nga maramatanga ano hoki mo tou iwi Maori. Na taua maramatanga i tae mai nei kia an i kite ai an i etahi mahara moku. Man e tuku atu enei kupu ruarua nei. He mihi atu naku kia Te Arawa mo tenei main hou kua whakatakototia nei e ratou hei tauira ki nga iwi o Aotearoa me te Waipounamu. Ehoa ma e te poari whakahaere i nga moni o nga Moana o Te Arawa me nga Komiti tena koutou. Ki a piki te tino maramatanga mete ora mete kaha ki a koutou katoa mo tenei mahi rangatira a koutou. Kahore he taonga i tua atu i tenei kua mahia nei e koutou hei painga mo tou iwi mo te Arawa hei oranga mo nga kaumatua, hei kawe i nga uri whakatupu ki nga taumata o te Matauranga e ora ai nga uri e kore ai e takahia e te iwi pakeha ki raro i ona waewae tae atu ki nga iwi o waho atu i te pakeha. E tumanako ana hoki te ngakau kia pena hoki te whakahaere a Ngaitahu i tana kereeme ina puta, hei painga hoki mo ratou penei me ta te Arawa. Me pena hoki e Takuta Taa Pomai*e tau e mahi nei

ki nga raupatu o te tai Hauauru kia hoki hoki mai. Kua takoto nei i a koutou e hoa ma he tauira ma tatou, no reira kia ora tonu koutou. I te tau i heke ai a Peneti ki Rotorua ka haere tahi au. I to matou taenga ki reira ka whai korero matou. Oku hoa ko te Pihopa o Waiapu, me Peneti hoki. I puta taku kupu i reira. “ Ko koutou e te Arawa hei tauira mo nga iwi Maori o nga motu e rua nei no te mea ko Rotorua te hekenga mai o nga iwi ote ao. Kite kino ta koutou mahi ka tau mai he ingoa kino kite iwi Maori. Kite pai ta koutou mahi ka pai katoa te ingoa o te iwi Maori." Inaianei kua mana tonu taku kupu. Ko koutou hei tauira mo tatou. E te Atua tohungia a te Arawa. —Na Huta Paaka.