MIHANA KI MANUTUKE.

Toa Takitini, Issue 34, 1 June 1924, Page 64

MIHANA KI MANUTUKE.

(Na Tame Arapata.) NO te 9 o nga ra o Mei ka tae mai a Aata Wiremu (ara Canon) kite whakahaere i te mahi mihana ki tenei marae o tatou. He karakia poto nei i te ahiahi muri iho ko nga mihi. No te Ratapu ka timata te karakia mii o te mihana he nui te tangata i whakaemi mai kite whakarongo ki ana kupu kauwhau. I te 7 o nga haora i te ahiahi o te Mane ka haere ano te mihana, ena po katoa tae noa kite poo te Paraire, he rite tonu te ki o te whare karakia i te tangata. Ao ake i te Hatarei he ra okioki no te kaikauwhau. I te Ratapu ka hui mai ano te tangata kaore i arikarika, a he rangi matao marangai hoki, a koianei te ra whakamutunga o te mihana. No te Mane ko te karakia whakapa mo nga mamae. Ko nga mea taumaha, i haere tonu ia ki o ratou whare karakia ai whakapa ai hoki i ona ringaringa ki runga i a ratou. Kua roa rawa te wa i hiahiatia ai kia tukua mai he tangata tika e te Pihopa hei whakahaere mihana ki konei katahi ano. He nui nga whaka mihi mona, i runga i te kaha o ana kupu te marama, mete humarie hoki o tona ahua no reira he nui nga painga i whiwhi ki nga mea i tae mai kite whakarongo ki ana kupu kauwhau. He maha hoki nga mea i whakatahuritia, a i tango hoki i te Hapa o te Ariki.