ETAHI O NGA MIHI.

Toa Takitini, Issue 31, 1 March 1924, Page 5

ETAHI O NGA MIHI.

KIA ora tonu koe te Etita mo nga mahi e mahia mai nei e koe hei painga hei marama tanga hoki mo ton iwi Maori. E mihi ana hoki ahau ki a Apirana Ngata mo ana kupu whakamarama ki a tatou kite iwi Maori. Ko ana kupu tuatahi he tohutohu i a tatou kite whakatuputupu i tenei mea i te kararehe, mete ahua ote mahi ote whenua. He maramatanga pai katoa enei mo tatou. Tuarua mo tana whakamaramatanga i te Tiriti o Waitangi hei mohiotanga mo tona iwi Maori ki nga ahuatanga o te Tiriti me ona tikanga katoa, nga wahi pai nga wahi kino. He tino taonga tenei ki a tatou tae atu ki a tatou uri e haere mai nei. He tino tohu aroha nona tenei ki a tatou. Tuatoru mo tana whakamarama i te kaha o nga rnema ote iwi Maori kite vapu tikanga hei whangai i o tatou kura, a kitea ana te £SOOO hei oranga mo aua kura o te iwi Maori. Tuawha mo ana whakamarama mo nga ture e mahia mai nei e te Paremata mo nga reititanga i o tatou whenua, me nga inikamu taake me era atu mate epa ana ki o tatou whenua. He nui noatu nga whakamaramatanga e tukua ana e Apirana Ngata kia panuitia mai eta tatou pepa hei mohiotanga hei maramatanga mo tatou. No reira kia nui noatu nga whakamoemiti ki a ia mo ana mahi katoa. Ko tenei tu mahi te mea e kiia nei, 44 Kia aroha k: ton hoa tata ano ko koe.” No reira kia ora tonu koe e taku tamaiti e Apirana hei hepara mo ton iwi Maori, hei homai tonu i te maramatanga ki nga hapu katoa o te iwi Maori. . —No Huta Paaka, Moturkd.

TUKUA atu enei kupu mama hei mihi ki a A. T. Ngata, M.A., M.P., mo ana whakamarama i nga mahi o te ao hei huarahi mo te katoa. E hoa e Ngata kia ora koe mo nga whakamarama e tirohia iho nei i Te Toa Takitini timata mai ite Tiriti o Waitangi me ona aronga tae mai kite pepa o Tihema, e whakamarama nei koe i nga mahi nunui o te Tominiona. Taku titiro e rite ana o whakamarama kite ahi i whakamarama nei i te huarahi o Iharaira i te putanga mai i Ihipa ite po, i ora ai hoki nga mano tini o Iharaira. No reira kia tau nga manaakitanga ate Atua ki a koe. He aha ra etahi o nga mema i kore ai e penei te whakaaro me Ngata kite tohutohu i o ratou iwi. —Na Ngapera Rutene, W aipapakauri.