TE ROPU POROPEIHANA.

Toa Takitini, Issue 31, 1 March 1924, Page 11

TE ROPU POROPEIHANA.

KUA tae mai te whakaatu a Rev. A. J. Seamer, Tumuaki ° te Miliaria Maori a nga Weteriana, kua whakaturia a Rev. Tahupotiki Haddon hei Kai-whakahaere mo nga mahi turaki waipiro i roto i te iwi Maori. Ko Tahupotiki tetahi o nga tangata tino kaha i roto i te iwi Maori mo nga whakahaere cpa ana kite ora mo te tinana me te wairua ote tangata. He tangata pai kite korero, ahakoa reo Maori, ahakoa reo pakeha. Kua nuku atu i te 20 ona tau e tu ana hei kai-kauwhau mo te Rongo-pai o to tatou ariki i roto i nga rohe o ona iwi i te takiwa ki Te Hawera, me nga rohe katoa o Taranaki. Kei te mihi Te Toa Takitini mo tenei tangata kua whakaturia nei ki tenei turanga nui, me te inoi ki o tatou hapu i tena wahi i tena wahi kia kaha te Manaaki i nga take a to tatou whanaunga a Tahupotiki. Kei te watea a Tahupotiki ki te haere mai ki nga hui nunui o te motu. Mehemea ka hiahiatia ia me tuku he waea ki a Rev. Seamer, Birkenhead, Auckland. Kia ora e te hoa, kia kaha i roto i te Ariki. Whakapaua to kaha kite whakapiki i nga morehu o te iwi Maori ki nga taumata e noho rangatira ai ratou me o ratou uri a nga wa e takoto mai nei. Tena koe me te ropu whakaaro nui, aroha nui hoki i muri i a koe.