PIHOPA ATARIA ME TE HINOTA TAKIWA O AKARANA.

Toa Takitini, Issue 24, 1 July 1923, Page 7

PIHOPA ATARIA ME TE HINOTA TAKIWA O AKARANA.

Na W. H. Panapa. NO te Hatarei te 23 o nga ra o Hune ka tae mai a Pihopa Ataria ki Akarana nei. I noho ki te kainga ote Pihopa. I te Ratapu te 24 o nga ra ka motuhia a Wiremu Panapa raua ko Pene Net ana liei Piriti, i roto i te Whare-karakia nui o Meri. I a Pihopa Ataria te kauwhau i taua karakia. I te karakia o te po i a ia ano te kauwhau i te Whare-karakia o Matiu. I te ata o te Mane, i muri i te puaretanga o te hinota, ka uru mai ia ki roto o te hui, a i muri o nga karangatanga o nga ingoa ka tu ia kite whai-korero. Ite kareti ia o Hoani e tina ana i tenei ra, muri iho ka haere ki Otahuhu ki nga pakeha i tenei ra. Ite Turei i te 10 o nga haora ote ata ko ia te kai-whakata-koto ite Hapa a te Ariki te whare-karakia o St. Sepulchre. I te 4 o nga haora i te ahiahi ka hui nga tamariki katoa o Akarana nei me o ratou matua ki te Whare-karakia o St. Paul kia rongo i a ia e korero ana, a i te po i te Whare-karakia o All Saints, Ponsonby. Itepo o te Wenerei ko tana whai-korero whakamutunga tenei i hui ai nga tangata ote taoue kia rongo i a ia. I te 6 o nga haora ka takoto te kai a nga pakeha mu nga tangata haere atu. I hui ki konei nga Minita katoa, Maori pakeha, a i tino kitea hoki te whai nui o te tangata kia tae mai kia rongo whakamutunga i a ia. No te 7.30 ka timata nga korero, ko te Pihopa o Akarana te tiamana. I roto i tenei wa poto i haereere ai a Pihopa Ataria i roto i nga rohe o Akarana net, apiti atu hoki ki te pai o ana whaikorero me ana kauwhau, ko te hiahia o te tangata kia roa atu ia e kauwhau ana e whai-korero ana ranei. E kore e mutu te whakamihi a te Pakeha ki tenei tangata. Riro ke ana ma tenei tangata tino kiri mangu e whakatakoto etahi whakaaro marama, akoranga hou hoki, i roto i to ratou reo. Pai ana te whakarongo a te taringa ki nga kupu marama e puta mai ana i roto i tona mangai, Pewhea ra to taua nei whakaaro to te Maori ki tenei tangata? I raro o tena pewhea ra to taua whakaaro ki ana whai-korero? Eki ana a Pihopa Ataria: — Ko te tangata ko te iwi ranei c whai ana i tetahi tika mona anake, e kore e tu. Engari ite mea ka whiwhi tetahi tangata, iwi ranei, ki te maramatanga, ko te mahi maana he kawe i taua maramatanga ki etahi atu. I roto o nga iwi katoa o te ao, whiriwhiria ana e te Atua te whanau a Iharaira, ara nga Hurai, hei iwi Mona. Wareware iho i nga Hurai ko te take i whiriwhiria ai ratou, kia tae atu ai te maramatanga ote Atua ki nga iwi katoa o te ao. Mehemea e haere mate ana te whakapono i roto i tetahi iwi, kotahi ano te take i pera ai, ara he kore e whakarite i te kupu a to tatou Ariki eki ra. Haere, meinga hei akonga nga iwi katoa, iriiria i rung* i te ingoa o te Matua, o te Tama, o te Wairua Tapu.” Ko enei korero katoa e wero ana ki a taua kite Hahi Maori. Ka 109 nga tau o te Whakapono ki a taua, kahore ano kia puta noa he koha ma taua kite mano o Meranihia e noho mai nei i roto ite pouri; ki te 350miriona ranei e noho mai ra i Inia.

No te Paraire te 29 o nga ra ka haere atu a Pihopa Ataria i Akarana ma runga i te tima ki Ahitereria, i reira ki Inia. Haere atu ra ete Pihopa. Whakawhiti atu i runga ite Moana nui a Kiwa, kite iwi nui e noho mai na i runga o Inia. Mauria atu ko te ahua kau 6 to iwi Maori i runga o AotearOa.